الموضوع: وداعا صنى

المشاركة الأصلية كتبت بواسطة tarekabosdera

يبدو ان حضرتك عندك فكرة سيئة عن هيونداي كمعظم الناس.

لكن الحقائق عكس كده تماما:

اولا انا من وجهة نظري ان الانتقال من نيسان لهيونداي ميعتبرش نزول اطلاقا خصوصا اذا كانت صني فيبقى صعووود.

ثانيا : العمر الافتراضي للمحركات مش بيتحدد بعدد السنوات انما بيتحدد بعدد الكيلو مترات.
اما بالنسبة ان حضرتك بيتقول الالنترا صوت محركها بيعلى بعد 40000 الف كيلو فده معلومة خاطئة 100%
حضرتك لو رحت دول الخليج وخصوصا السعودية وشفت مدى انتشار سيارات هيونداي هناك بشكل عام في كملاكي وفي الشركات وبصفة خاصة الالنترا اللي تعتبر هناك اكثر انتشارا كتاكسي.
هناك التاكسيات في موديلات 2007 بتبقى عاملة 300 الف كيلو وطالع قد تصل الى 500 الف كيلو وما شاء الله حالة العربية متفرقش كتير عن حالة الزيرو وانا ركبت وجربت. ده غير ان الظروف في دول الخليج قاسية جدا لشدة حرارة الطقس وطبعا المكيف مبيبطلش.

ده غير الاكسنت اللي بتستخدم هناك بكثرة في الشركات وبرضه السوناتا بتستخدم كتاكسي والجيبات هناك منتشرة خصوصا التوكسون والفان.

ثالثا : سدر حوض الالنترا مش بلاستيك .

وانا لما جربت النيسان صني عشان كان اخويا بيفكر يشتريها وكانت عاملة 36 الف كيلو وجربتها على الطرق السريعة ولاحظت الفرق الشاسع ( بدون مبالغة ) بينها وبين الالنترا لدرجة اني مكنتش مصدق اني راكب نيسان مع احترامي للصني.
الفرق يكمن اولا في قوة المحرك اللي تكاد تكون ضعيفة جدا مع التكييف في الصني وبرضه العفشة مع المطبات مش مريحة وكرسي السائق مش مريح رغم اني سقت لمدة لا تتجاوز الربع ساعة وجودة الخامات شبه معدومة وصوت المحرك مرتفع بالنسبة للالنترا واستهلاك الصني للبنزين اعلى من الالنترا وفي الاخر برضه وزن الالنترا اكبر من وزن الصني يعني مفيش ادنى نقطة تتفوق فيها الصني على الالنترا ( عن تجربة )....

وحضرتك لو عايز تحكم صح على جيل محركات هيونداي تقدر تقارن بواحد عنده كرولا 2006 مثلا ماشية عدد كيلو مترات معين وفي نفس الوقت تقارن النترا 2006 ماشية نفس عدد الكيلو مترات.
هتلاقي قطعيا ان صاحب الالنترا صرف ( قطع غيار وصيانة الخ..) اقل من صاحب الكرولا.

سيدي الفاضل ...

اود ان اعلق علي كلامك بأيجاز شديد كالتالي :
1- صعب أنك تحكم علي عربية في ربع ساعة فقط ده مش كفاية انك تصدر حكمك النهائي عليها و تقارنها بعربية أنت سوقتها لمدة سنة مثلا كده انت بتظلم النيسان اللي ماأخدتش حقها في التقييم من جانبك
2- أنا مش من ملاك الصني و لا فكرت في مرة اني اجيبها او اركبها لكن الظروف جعلتني فجأة أقود سيارة صني و أسافر بيها و الحمد لله ماشوفتش منها حاجة وحشة اعتراضي عليها فقط لأشياء شخصية انا شايف انها مش لايقة عليا او لاتصلح لي
3- بلاش تقارن الالنترا بالكورولا لأن هنا بالتأكيد فيه فرق لصالح الكورولا كفاية أن أسمها تويوتا ووكيلها مش غبور
4- الباشمهندس/ خالد عمر أستاذنا فعلا و كلنا بنثق في أرائه و علمه , صحيح ماحدش معصوم من الخطأ أو وصل لقمة العلم و أي حد فينا ممكن يناقشه و يراجعه في رأيه و لكن أسلوب مثل هذه المراجعة و المناقشة يجب أن يكون لائقا بمكانته و بمستوي حضرتك كعضو فاضل بنايل موتورز
5- أقترح اننا نفتح موضوع منفصل بقسم المقارنات نناقش فيه العربيات الثلاث (نيسان صني - كورولا - ألنترا)

و تقبل تحياتي
م/ سمير الشهاوي

المشاركة الأصلية كتبت بواسطة SE_coralsea

سيدي الفاضل ...

اود ان اعلق علي كلامك بأيجاز شديد كالتالي :
1- صعب أنك تحكم علي عربية في ربع ساعة فقط ده مش كفاية انك تصدر حكمك النهائي عليها و تقارنها بعربية أنت سوقتها لمدة سنة مثلا كده انت بتظلم النيسان اللي ماأخدتش حقها في التقييم من جانبك
2- أنا مش من ملاك الصني و لا فكرت في مرة اني اجيبها او اركبها لكن الظروف جعلتني فجأة أقود سيارة صني و أسافر بيها و الحمد لله ماشوفتش منها حاجة وحشة اعتراضي عليها فقط لأشياء شخصية انا شايف انها مش لايقة عليا او لاتصلح لي
3- بلاش تقارن الالنترا بالكورولا لأن هنا بالتأكيد فيه فرق لصالح الكورولا كفاية أن أسمها تويوتا ووكيلها مش غبور
4- الباشمهندس/ خالد عمر أستاذنا فعلا و كلنا بنثق في أرائه و علمه , صحيح ماحدش معصوم من الخطأ أو وصل لقمة العلم و أي حد فينا ممكن يناقشه و يراجعه في رأيه و لكن أسلوب مثل هذه المراجعة و المناقشة يجب أن يكون لائقا بمكانته و بمستوي حضرتك كعضو فاضل بنايل موتورز
5- أقترح اننا نفتح موضوع منفصل بقسم المقارنات نناقش فيه العربيات الثلاث (نيسان صني - كورولا - ألنترا)

و تقبل تحياتي
م/ سمير الشهاوي

ياريت فعلا يتعمل الموضوع ده عشان كل حاجة تبقى واضحة

وتحياتى لمهندسنا الفاضل المهندس خالد وربنا يبارك فيه

تم موضوع بالمقارنة المطلوبة في قسم المقارنات
http://www.nilemotors.net/Nile/101727-a.html

انا رأيى الشخصى: النترا - كورولا - نيسان بالترتيب، هيا الكرولا الافضل ولكن سعرها من وجهة نظرى مبالغ فيه جدا وعلشان كده حطيتها فى المركز التانى.

هوا انا بس ليا تعليق على كلام الاخ سبعاوى الا وهو ان موضوع تقييم سيارة ليس له علاقة ب 15 سنة خبرة فى مجال الهندسة الميكانيكية ولا بعمل عمرات للسيارات ولا غيره لأن هتلاقى مهندس تانى بقاله 20 سنة وفى هندسة السيارات وبيعمل فى شركات سيارات وعلى خطوط انتاج وخبرته افضل كثيرا وله رأى تانى، وممكن واحد تالت يكون متخرج من جامعات امريكا واوروبا ليه رأى تالت يعنى انا لما بتكلم مع مهندسين المان بنتعامل معاهم على السيارات اليابانى اول حاجة بيعملوها انهم بيضحكوا وبسخرية شديدة. طبعا ده طابع عنصرى هما مشهورين بيه ولكن لو قعدت معاهم تحس ان العربيات اليابانى بالنسبة لهم زى الصينى بالنسبة لينا.

اقصد ان السيارات بتدخل فيها اعتبارات كتير غير المواصفات الفنية والميكانيكية اللى دايما بيبقى فيها تضارب واختلاف شديد فى الاراء والتقييمات رغم الخبرات الكبيرة، اعتبارات زى الشكل والراحة داخل السيارة والاتساع و النعومة او الطبيعة الرياضية والتسارع والسحب والشد او الثبات او العلو عن المطبات او الفخامة او التميز او سعر اعادة البيع كل منا له متطلبات مختلفة وكل منا له تقييم عام مختلف الميكانيكا جزء منه ولكن معظم اللى بيشتروا العربيات لا يلجأوا ليه الا فى حالة شراء سيارة مستعملة.

واخيرا يا اخى يا باشمهندس خالد انا كمان مهندس من 15 سنة ومن عين شمس بس كهرباء وعارف يعنى ايه مهندس من عين شمس وخاصة قسم ميكانيكا اللى كنا مسمينهم ابطال عين شمس وعارف خبرتك فى مجال السيارات ومساعداتك الكثيرة للناس هنا ومقالاتك الرائعة ومقارناتك الشيقة فى المنتدى بس فيه حاجتين عايز اقولهملك:
1- لو فعلا نزلت من نيسان وركبت النترا هتحس بفرق بس للالنترا مش للنيسان.
2- من احلى مميزاتك هى التواضع وهى افضل مميزات من انعم الله عليهم بالعلم وقضاء حوائج الناس وعلشان كده انا عايزك تراجع الجمل اللى انت كتبتها فى ردك و هى:
"انا مش هقدر اناقش كلامك بصراحة لأنه صعب جدا ان كلامك يناقش" و "خاصة لما حضرتك بتلفت نظرى " و "خلينى اوضح لحضرتك بعض المعلومات البسيطة عن نفسى"

احلى حاجة فى ابو تريكة التواضع وانه صدره واسع للجميع ولاختلاف الناس معه وانت هنا ابو تريكة المنتدى.

المشاركة الأصلية كتبت بواسطة sab3aawy

انا مش هقدر اناقش كلامك بصراحة لأنه صعب جدا ان كلامك يناقش، خاصة لما حضرتك بتلفت نظرى ان عمر الموتور يتقاس بالكيلومتر مش بالسنوات، انا هتسأذن حضرتك انك ترجع لمواضيعى فى المنتدى وخاصة فى الساحة التعليمية . لكن عموما خلينى اوضح لحضرتك بعض المعلومات البسيطة عن نفسى :

1- انا مهندس ميكانيكا خريج جامعة عين شمس
2- عندى خبرة 15 سنة فى مجال العمل بالهندسة الميكانيكية
3- امتلكت خلال حياتى 17 سيارة
4- عملت عدد 10 عمرات محركات شاركت فيها بيدى مع الفنيين
5- قمت ببناء سيارة كاملة بيدى
7- زرت عدد من دول الخليج وعدد من دول اوروبا وعارف هيونداى وجودها فى الدول دى شكله ايه وبتبيع على اساس ايه
9- انا تقريبا مسئول عن صيانة وبيع وشراء كل سيارات اقاربى واصدقائى وبتعامل مع كل السيارات وبتعامل مع كل التوكيلات ، تويوات وميتسوبيشى ونيسان وكيا وهيونداى وجنرال موتورز وسوزوكى وحتى الشاهين، وجربت بدل الهيونداى الواحدة 25 عربية
8- حضرتك لو رجعت لمواضيعى فى المنتدى التعليمى والورشة اعتقد انك ممكن تتغاضى عن انك تلفت نظرى الى ان عمر المحرك يقاس بالكيلومتر وليس بالسنوات، هذا يصلح كنوع من انواع لفت النظر المفيد لتلميذ ابتدائى ، لكن اعتقد فى حالتى ، من حقى اعتبرها اهانة

عموما انا هقترح عليك اقتراح هايل، ايه رأيك تثبت وجهة نظرك عن الإلانترا فى مقارنة مفيده تعقدها بين الإلانترا والكورول تثبت فيها إن الإلانترا برقبة الكورولا كما ترى ،وتنشر هذة المقارنة على ساحة المقارنات، بس حاول تتأكد الاول من معلومة سدر الحوض بتاع الإلانترا الجديدة ، ولنتابع سويا ردود اعضاء المنتدى على هذة المقارنة. ولو حابب انا ممكن افتح لك الموضوع بنفسى هناك علشان تدلى فيه بدلوك

استاذي الفاضل ... يبدو ان حصل لبس في الموضوع.

انا لما قلت ان عمر السيارات الافتراضي بيتحدد بالكيلو متر مش قصدي اني اقلك معلومة جديدة انما قصدي ان مش لازم العربية تعدي 10 سنوات عشان نحدد عمرها الافتراضي ( من باب التوضيح ) وانا بقصد كمان قراء المواضيع في الاعتبار.

ولو حضرتك شعرت بان مستوى الرد اللي انا كتبته مش لائق انا مستعد الانسحاب من المشاركة تماما ومن غير زعل...

المشاركة الأصلية كتبت بواسطة se_coralsea

سيدي الفاضل ...

اود ان اعلق علي كلامك بأيجاز شديد كالتالي :
1- صعب أنك تحكم علي عربية في ربع ساعة فقط ده مش كفاية انك تصدر حكمك النهائي عليها و تقارنها بعربية أنت سوقتها لمدة سنة مثلا كده انت بتظلم النيسان اللي ماأخدتش حقها في التقييم من جانبك
2- أنا مش من ملاك الصني و لا فكرت في مرة اني اجيبها او اركبها لكن الظروف جعلتني فجأة أقود سيارة صني و أسافر بيها و الحمد لله ماشوفتش منها حاجة وحشة اعتراضي عليها فقط لأشياء شخصية انا شايف انها مش لايقة عليا او لاتصلح لي
3- بلاش تقارن الالنترا بالكورولا لأن هنا بالتأكيد فيه فرق لصالح الكورولا كفاية أن أسمها تويوتا ووكيلها مش غبور
4- الباشمهندس/ خالد عمر أستاذنا فعلا و كلنا بنثق في أرائه و علمه , صحيح ماحدش معصوم من الخطأ أو وصل لقمة العلم و أي حد فينا ممكن يناقشه و يراجعه في رأيه و لكن أسلوب مثل هذه المراجعة و المناقشة يجب أن يكون لائقا بمكانته و بمستوي حضرتك كعضو فاضل بنايل موتورز
5- أقترح اننا نفتح موضوع منفصل بقسم المقارنات نناقش فيه العربيات الثلاث (نيسان صني - كورولا - ألنترا)

و تقبل تحياتي
م/ سمير الشهاوي

الحكم اللي اصدرته على نيسان كان بيصب في الفرق بينها وبين الالنترا من اول مرة وفعلا اول مرة بيتضح فيها حاجات كتير خصوصا لما تكون متعود على عربية معينة لفترة كبيرة.

والفروق كانت بشكل عام ومش مفصلة...

المشاركة الأصلية كتبت بواسطة mahmoud saloum

ا
هوا انا بس ليا تعليق على كلام الاخ سبعاوى الا وهو ان موضوع تقييم سيارة ليس له علاقة ب 15 سنة خبرة فى مجال الهندسة الميكانيكية .

استاذى حضرتك فهمت من كلامى ما لم اقصده ، انا لم اعتد بأن لى خبرة فى مجال السيارات كى اثيت ان الكورولا احسن من الإلانترا، فلتذهب الكورولا والإلانترا وجميع السيارات الى الجحيم فكلها قطع صاج، ان فقط اتغظت وافتقعت مرارتى من ان بعد العمر ده كله هناك من ينبهنى الى ان عمر الموتور يقاس بالكيلومتر وليس بالسنوات، وده ان وضحته تماما فى ردى ، اما مسألة ايهم افضل فكل واحد حر فى رأيه، وهناك نقطة لا خلاف عليها فى صالح الإلانترا هى ان سعرها يقل بحوالى 30% عن مثيلتها الكورولا مثلا وهذا لا خلاف عليه ولا ينكره سوى اعمى

ولا علاقة لهذا بالتكبر ولا بالصلف ولا بأى شئ، فعندما تكون مثلا مدرس رياضيات قديم ويأتى لمن ينبهك بجدية ان 2*8=16 فمن حقك ان تصاب بالسكر والضغط والشلل دون ان يكون لهذا علاقة بأنك متكبر وانك مش زى ابو تريكة

ولو تلاحظ انا كل اللى اهتميت به هو الرد على نقطة عمر المحرك، اما بالنسبة لرأى الأخ الفاضل فانا طلبت منه انه يعمل مقارنة، ولو تلاحظ انى لا قلت له رأيك خطا 100% ولا قلت له واضح انك مثل الكثيرين يعتقدون كذا وكذا لكن الحقائق مختلفة، لكن طلبت منه يعمل مقارنة وياخد فيها رأى الناس وليس رأيييى، لأنى ببساطة مؤمن بفكرة اختلاف وجهات النظر، صحيح اننى من الممكن ان اقاتل فى الدفاع عن وجهة نظرى لكن دون ان اقول لفلان انت غلط 100%، فقط اقول له انا مختلف مع وجهة نظرك بنسبة 100% ، لأنه المسائل الفنية متشعبة جدا ولا يوجد فيها صح وغلط، فما يمكن ان يعيش اكثر قد يكلف اكثر وما يمكن ان يكون ارخص قد يستقرق وقتا ومجهودا فى الحصول عليها وبالتالى فهى خيارات متعددة ونتاج تجارب انسانية متعددة يستريح بعدها كل انسان الى نتائج تجربته الخاصة التى تختلف مع تجارب الآخرين ،وليست مسألة احادية الأبعاد لا يوجد فيها سوى صح وغلط

دمت بخير يا اخى العزيز

المشاركة الأصلية كتبت بواسطة tarekabosdera

استاذي الفاضل ... يبدو ان حصل لبس في الموضوع.

انا لما قلت ان عمر السيارات الافتراضي بيتحدد بالكيلو متر مش قصدي اني اقلك معلومة جديدة انما قصدي ان مش لازم العربية تعدي 10 سنوات عشان نحدد عمرها الافتراضي ( من باب التوضيح ) وانا بقصد كمان قراء المواضيع في الاعتبار.

ولو حضرتك شعرت بان مستوى الرد اللي انا كتبته مش لائق انا مستعد الانسحاب من المشاركة تماما ومن غير زعل...

حصل خير وانا اللى بعتذر عن سوء الفهم، عموما ردى كله كان مبنى على هذة النقطة اللى انا ممكن اكون اسأت فهمها، اما فيما يتعلق بالمسائل الفنية فأنا حتى لو اختلفت معاك 100% فانا مقدرش اقول ان رأيك غلط، الأن المسألة متشعبة جدا والعيوب فى هذا الموديل يقابلها ميزات فى ذاك الموديل وما تراه انت ميزة هامة يراه الأخرون شيئا لا قيمة له وبالتالى فالمسائل ف ىالنهاية لا يوجد فيها صح وغلط لكن يوجد فيها وجهات نظر مختلفة، عموما مازلت ادعوك للمشاركة فى المقارنة التى فتحها اخونا سمير الشهاوى فى قسم المقارنات لكى تعم الفائدة على كل من يريد الشراء