بصفة انى بعتبر كل البروتونيين اخواتى.... عايز رئيكم

**jisso82** · 26-09-2009 09:49 PM

ال frv حلوة جدا من رأى الناس اللى راكبنها و رأيى الشخصى إنها أفضل اختيار بعد البروتون بس بصراحة ده من أصحابى اللى جابوها مش عن تجربة

**DR_EMAD** · 26-09-2009 09:57 PM

هقولك على حاجة .. ممكن تشوفها غريبة

ايه رأيك فى التقسيط ؟؟!!

لو دفعت ال 75 ألف مقدم .. فى برسونا فول أوبشن .. مانيوال
وقسمت الأقساط على 60 شهر .. ده حسب كونتاكت كارز

هاتدفع 120 جنيه فقط لا غير .. فى الشهر !!!!!!

طبعا انا عمرى ما هعمل كده .. بس أقول إيه .. مش عايز أتكلم غير فى البروتون

أو

اسبيرانزا M11 فول أوبشن مانيوال 1600 ب 75.000 موديل 2010
بيرليانس frv فول أوبشن مانيوال 1300 ب 75.000 موديل 2009
رينو لوجان فول أوبشن مانيوال 1600 ب 70.000 موديل 2010
شيفورليه أفيو هاتشباك فول أوبشن مانيوال 1500 ب 75.000 موديل 2009
هيونداى جيتز فول أوبشن مانيوال + فتحة سقف 1600 ب 75.500 موديل 2010

وبالنسبة للتجربة .. صديقى معاه لوجان .. ومبسوط منها جدا .. ربنا يهنيه
وطبعا الرينو شركة محترمة .. وذات سمعة طيبة

وال frv عند جارى .. وأيضا مبسوط منها جدا

لكن التجربة الشخصية .. للأسف مش موجودة

كده يا عم أحمد .. ينفع كده ؟؟
يجى عليا اليوم اللى أقعد أرشح لك عربية خارج البروتون .. ده فصل تعمله فيا ؟؟؟؟

على العموم .. ربنا يوفق باذن الله

**hesham_soaida** · 26-09-2009 10:30 PM

كده يا عم أحمد .. ينفع كده ؟؟
يجى عليا اليوم اللى أقعد أرشح لك عربية خارج البروتون .. ده فصل تعمله فيا ؟؟؟؟

هي دي الديموقراطية
مش موجودة غير في قسم البروتون

**viper911s** · 27-09-2009 01:31 AM

المشاركة الأصلية كتبت بواسطة jisso82

ال frv حلوة جدا من رأى الناس اللى راكبنها و رأيى الشخصى إنها أفضل اختيار بعد البروتون بس بصراحة ده من أصحابى اللى جابوها مش عن تجربة

شكرا لتشريفك يا هيثم باشا واللة انا محتار موت ما بين البروتون والfrv ربنا يقم ما فية الخير

**viper911s** · 27-09-2009 01:35 AM

المشاركة الأصلية كتبت بواسطة DR_EMAD

هقولك على حاجة .. ممكن تشوفها غريبة

ايه رأيك فى التقسيط ؟؟!!

لو دفعت ال 75 ألف مقدم .. فى برسونا فول أوبشن .. مانيوال
وقسمت الأقساط على 60 شهر .. ده حسب كونتاكت كارز

هاتدفع 120 جنيه فقط لا غير .. فى الشهر !!!!!!

طبعا انا عمرى ما هعمل كده .. بس أقول إيه .. مش عايز أتكلم غير فى البروتون

أو

اسبيرانزا M11 فول أوبشن مانيوال 1600 ب 75.000 موديل 2010
بيرليانس frv فول أوبشن مانيوال 1300 ب 75.000 موديل 2009
رينو لوجان فول أوبشن مانيوال 1600 ب 70.000 موديل 2010
شيفورليه أفيو هاتشباك فول أوبشن مانيوال 1500 ب 75.000 موديل 2009
هيونداى جيتز فول أوبشن مانيوال + فتحة سقف 1600 ب 75.500 موديل 2010

وبالنسبة للتجربة .. صديقى معاه لوجان .. ومبسوط منها جدا .. ربنا يهنيه
وطبعا الرينو شركة محترمة .. وذات سمعة طيبة

وال frv عند جارى .. وأيضا مبسوط منها جدا

لكن التجربة الشخصية .. للأسف مش موجودة

كده يا عم أحمد .. ينفع كده ؟؟
يجى عليا اليوم اللى أقعد أرشح لك عربية خارج البروتون .. ده فصل تعمله فيا ؟؟؟؟

على العموم .. ربنا يوفق باذن الله

معلش بقا يا د عماد بس الظروف سامحنى مشكلة بروتون معايا انى لو هجيب برتون كنت اتمناها جين علشان بجد بعشق العربية دى وهى سبب دخولى الشركة
كدة بعد كلامك دة الموضوع محصور بالنسبالى برسونا و frv رغم الاسبرانزا رغم انى مش مقيدها اوى

**viper911s** · 27-09-2009 01:36 AM

المشاركة الأصلية كتبت بواسطة hesham_soaida

كده يا عم أحمد .. ينفع كده ؟؟
يجى عليا اليوم اللى أقعد أرشح لك عربية خارج البروتون .. ده فصل تعمله فيا ؟؟؟؟

هي دي الديموقراطية
مش موجودة غير في قسم البروتون

ودة سبب نجاحنا ياباشا الروح الحلوة والصداقة الى جمعت ما بينا

**mimo3000** · 27-09-2009 03:08 AM

بص ياباشا انا كنت فالاول قبل ماجيب عربيتىالبرسونا الهاف اوبشن محتار بين البريليانس frv والبرسونا الهاف هما دول اللى ارشحهوملك فالفئه السعريه دى عشان اعتقد دول احسن حاجه وفى عندك النيو اكسنت برضو والشيفروليه افيو فنفس الرنج بس انا رايي خليك ياما فالبرسونا ياما فالبريليانس

اجى اقولك انا اللى اعرفه عن الاتنين وقت مكنت بشترى
البريليانس عربيه شكلها حلو اوى ومن جوه شيك جدا وتقفيل كويس وخامات كويسه والتكييف عالى وكفايه انها تقفيل البفريه والتوكيل بتاعها كويس وكله عارفه وقطع غيارها موجوده وكويسه بس المشكله انها صينى ده السبب الوحيد اللى خلانى ابعد عنها انها صينى قلت وانا ليه اجيب عربيه صينى واقعد قلقان منها اذا كانت هتعيش ولا لاء والعربيه لسه ماتجربتش كتير عندنا وكمان مانتشرتش طيب مانا اخلينى فالبروتون مضمونه وكويسه وبقالها فتره ومعروفه فتوكلت على الله وجبت البرسونا
ركبت البريليانس بقى بعديها فى كامحاجه لفتولى نظرى بقى الباور بتاعها انعم من البروتون شويه صغيرين والعفشه انعم فالمطبات شكلها من جوه تحفه ومن بره حلوه اوى برضو صاجها خفيف شويه تكييفها حلو الثبات بقى بصراحها مجربتهاش فوق 90 بس هى لحد 90 كانت كويسه اوى واعتقد هيبقى قليل اوى لو زودت عن السرعه دى فمصر بعد الصحوه المروريه اللى حصله دى

معلش انا طولت عليك بس انا لما كنت مكانك جبت البرسونا الهاف ولو تابعت مع استاذ ايمن هيوصلهالك ل 75 انشاء الله واعتقد ده هيبقى احسن الاختيارات
والبريليانس برضو حلوه اوى حضرتك ادخل فالقسم بتاعها وشوف الناس اللى معاها العربيه بتقول ايه عنها وقطع غيارها واستحمالها وكده

وربنا يوفقك بالعربيه اللى فيها خير ليك ياباشا

**MohabSaeed** · 27-09-2009 05:25 AM

احمد باشا مبروك مقدما على البروتون ماهو ماينفعش تبقى انتا فى بروتون و تشترى عربيه تانيه .

البريلينس جميله جدا جدا و عجبانى شخصيا , بس حاليا اسعارها ارتفعت بشكل مبالغ فيه خصوصا و انها عربيه صينى يعنى اليد العامله مش مكلفه و كتكنولوجيا مش متطوره علاشان نقول انه ده السبب فى ارتفاع تمنها .

بس يمكن فيها مميزات مهمه ... توكيل كويس بيدعم الماركه كويس جدا جدا و اسعار قطع الغيار معقوله " على حسب ماقريت هنا فى نايل موتورز " + ان فيها موتور ميتسوبيشى " موتور لانسر4g18 " حتى و ان كان صينى بس هو نفس الموتور يعنى سهل صيانه فى اى مكان . و مساحتها الداخليه جيدا جدا بالرغم من انها هاتش باك , واسعه نوعا ما من جوه .

النقطتين السلبيتين السعر " 82 الف ال 1600 سى سى .. طبعا مبلغ كبير " و انها " صينى " برده تقلق من جوده الصناعه " بالرغم من ان البريلينس افضل ماركه صينى نزلت مصر .

بصراحه كل موديلات بروتون من انسب العربيات فى فئه السبعينات و التمانينات ك اداء و عمليه و كماليات و سعر . فحاول تفكر فى حاجه منهم خصوصا انك دايس فيهم و عارف خبياهم لو حصل مشكله او حاجه حتعرف تتصرف فيها + انك من حقك خصم كويس .

و لو زودت المبلغ شويه ممكن تفكر فى الجراند بونتو ب 86 الف و لينيا ب 87 الف .

**Ayman_52** · 27-09-2009 09:39 AM

أستنـــى انــا جايلـــك

**viper911s** · 27-09-2009 10:53 AM

ميمو باشا شكرا لردك مقنع جدا وحيادى
مهاب باشا منورنى واللة وواحشنى مووووووووووت وبصراحة موضوع غلوها دة ضايقنى اوى خصوصا وان الى 75دى بقت 1300
لالالالالالالالالالالا يا مون خليك مكانك خلاص هعقل