عرض للطباعة
ارجو ان نتوسع فى هذا القسم الخاص بالسيارات اللادا وانواعها الجديدة مثل :
- 2110 و 2111 و 2112
- لاداء سمارة
- لادا كالينا
والمطلوب ياريت نوضح الفرق بين هذه الانواع وايهم افضل وهل تم فيهم معالجة المشاكل الموجودة فى اللاداء 2107 من حيث موضوع بيض المقصات ام لا
ارجو من لديه خبرة بقيادة اى نوع من الانواع السابقة ان يفيدنا برايه وشكرا
اهلا بيك يا محمد بص انا هرد عليك بالمختصر المفيد
ال 3 عربيات ملهومش سوق
ال 3 عربيات افضل مليون مره من ال 2017
الكالينا افضلهم شكلا وموضوعا وتقييما وديه اول عربية تاخد تقييم طبقا للمواصفات الاوربية
بس عامة كلها عربيات مغامرين لانهم لسه متجربوش كفاية
اخير توكيل الامل من اسواء التوكيلات في مصر والتلات عربيات ملهومش قطع غيار ( علي حد علمي ) الا في التوكيل
لو عندك استفسارات تانية انا تحت امرك
شكرا على الرد Abonora ، ولكن هل يمكن فى المقارنة ان تكون 2110 او 2115 افضل من الشاهين 1400 من حيث قوة التحمل حيث اننى افكر فى شراء سيارة جديدة تكون قوية وتتحمل الطرق الشاقة وعائلية فى نفس الوقت مع العلم اننى يمكننى عمل بها 100 كم على الاقل يوميا نظرا لظروف عملى ، اما بالنسبة لقطع الغيار اذا كانت متوفرة بالتوكيل فاعتقد انه ليس هناك مشكلة ، فارجو اتفيدينى خصوصا اذا كانت لديك خبرة فى سواقة احداهما ، ولك من جزيل الشكر .
لا يمكن بالمقارنة ان تكون 2110 او 2115 افضل من الشاهين من حيث قوه التحمل ولا من حيث السعر ولا من حيث سهولة الصيانة وتوفر قطع الغيار كل اللي فات ده في صالح الشاهين
للاسف مقدرش اديك خلفيه عن قيادة واحدة من الاتنين بس سواقتهم هتعرفك علي ادائها بس لاكن تحملها ده بيبان مع الاستخدام
بس انا ممكن اخدك ونروح مركز خدمة الامل ونشوف العربيتين وهما بيتصينوا ونسأل المهندسين واصحاب العربيتين وتسأل عن اسعار قطع الغيار ونبص ونسمع بعنينا
كمان ممكنن تسأل في حمدي لادا اذا كان عنده قطع غيار ليها ولا لاء
وبكده تبقي قطعت الشورت في البسين قصدي الشك باليقين :lol:
الاخ Abonora شكرا جزيلا على الرد ، بس الواحد بيقى محتار نظرا لكثرة الاراء وهذا على سبيل المثال احد الاراء فى الشاهين نقلته من احد المواقع ، وبجد الواحد محتار لانى داخل دماغى 2110 او 2115 على الرغم انى قرات عنهم اراء تشكر فيهم لانهم اصبحوا على كبالن بس هارجع واقول انا عندى فكرة لعدم حيرة الناس وهى اننا ممكن نعمل رابطة من خلال المنتدى زى جمعية حقوق المستهلك ويكون لدينا خبير او اثنين من الفنيين على اعلى مستوى يقوموا باجراء تقييم فنى على اسس علمية ويمكن ان يكون ذلك فى شكل استشارات فنية مدعمة ماليا من خلال اعضاء المنتدى ، وللتوضيح اكثر يكون هناك ملف فنى لتقييم كل سيارة ، واى احد يطلبه من المنتدى يمكن الحصول عليه بمقابل مادى ، انا مش عارف انا كده بفكر صح ولا لا ، لكن فعلا انا معجب بهذا المنتدى واريد ان يكون هو المرجع الاول لكل الناس ، وشكرا واسف ان كنت قد اطالت
عيوب الشاهين الجديد الزيرو يعنى
الكهربا الكترونى مفيش ابلتين وكوندنيسر عبارة عن لوحة بتحكم فى كهربا العربية
العربية معمولة نظام الحقن الكترونى وطبعاااااا ناس كتير اشتكوا من النظام دة فى الشاهين
تقفلها وحش جدااااااااااا
قطع غيار الشاهين الجديد موجودة فى التوكيل بس مش عند بتوع قطع الغيار
سعرها غالى وحرام يدفع فيها فلوس يعنى ال 1600 سى سى الجديدة تمنها 67 الف جنية طب ما اللى هيدفع المبلغ دة يدفعة فى قيرنا او يجبلة عربية يبانى مستعملة وهكون احسن مليون مرة من الشاهين
خش بقى على الادا هى الادا ميزتها حتى الزيرو منها ان الصنيعية بيفهموا فيها شوية عن الشاهين الجديد بس بردة فيها عيوب منها
ان العربية بتجيب بيض ودة عيب فى الادا من ساعة ما نزلت مصر
ان الزيرو منها دلوقتى كلة مصرى مش روسى
وكمان عربية خشنة وصوتها وحش الكلام دة على الادا 2107 عشان تبقى واخد بالك وعشان تبقى واخد بالك مفيش روسى منها والكلام دة واحد كان قلى علية وهو شغال فى شركة الامل اللى فى النزهة اللى بتعمل صيانة للعربيات الادا
الادا 2110 انا سمعت ان هى حلوة لانها مش خشنة وعلى كبالن ارحم شوية من الادا 2107
وربنا يوفقك
بالنسبة لموضوع جمعية حقوق المستهلك فده واقع عمل ادارة المنتدي فعلا واحنا بنفتح اتصالات مع كل التوكيلات حاليا بس بدئنا بالحاجات اللي عاملة مشاكل مبدئيا احنا شغالين
مع توكيل الكيا الجديد نصير وده مع كريم منير
هاني فراج والعبد لله مع توكيل كيا القديم
العبد لله مع توكيل الامل
هاني بايو مع غبور وابو الفتوح
والناس ديه عندها استعداد تروح مع اي حد عنده مشكلة حقيقية في للتوكيل
بالنسبة لقاعدة بيانات السيارات فحب اطمنك اننا شغالين فيها كمواصفات فنية واسعار الاول
ده غير اننا الحمد لله عندنا خبير السيارات الاشهر سبعاوي وهو علي دراية وعلم بتقييم السيارات ميكانيكيا
كمان بدئنا نكون قاعدة من المتخصصين في تخصصات مختلفة كان اولهم الدكتور / درش وده متخصص في ظبط الزوايا والاتزان وخبير في اجهزة هانتر والمسؤول عن تدريب كبريات الشركات على استخدام الاجهزة ديه
وان شاء الله هنكبر بمجهوداتكو وتشجيعكوا لينا علي فكره احنا لسه بدئيين مبقالناش شهرين
اخيرا بخصوص المقارنات
اي مقارنة بين 2107 والادا الاحدث طبعا مش هتبقي في صالح الادا القديمة بس ده بيقابلة قله سعرها وطول عمرها واحتمالها وديه اهم عامل دلوقتي في حالتي لان استخدامك عالي انت قولت 100كم يوميا
يعني علي الاقل 2500كم شهريا يعني 30.000كم سنويا يعني بعد خمس سنين هتبقي العربية عاملة 150.000 يعني خلاص هتفتح بقها لو عربية مش بتاعة شغل فلازم تدور علي امتن حاجة في السوق
يا جماعة أنا عجباني أوي اللادا كالينا . :D ... العربية شكله تحفة وتقفيله نضيف أوي دي فعلا أول عربية لادا عليها القيمة
شوفوها معايا وقولوا رأيكم :shock: :shock:
وكمان من جود شكله برضه حلو من زي بقية أنواع الادا إللي عامله زي ال128
وعلى فكرة دة سعرها في السوق المصري
الموديل المحرك سنة الصنع السعر
كالينا 1.6 P/S E/W C/L 2007
61000 ألف جنية
كالينا 1.6 A/C P/S E/W C/L 2007
64000 ألف جنية
ياباشا مشكورييين جدا على مجهوداتكم الرائعة وبالنسبة للسيارة كالينا يبدو ان لادا سيكون لها وجود اكثر قوة فى الايام القادمة لان السيارة شكلها تحفة
وبرده ياريت ناخذ راى الخبير سبعاوى فى هذه السيارات الجديدة بداية من 2110 ، وبما انك تتعامل مع توكيل الامل فارجو ان تنقل انطباعات مالكى هذه السيارة طبعا بداية من 2110 وشكرا يا ابو نورا واسف لاننى اعتقد اننى اثقل عليك باسئلتى .
هل الكالينا دي لها مركز صيانه و مبيعات في الأسكندريه و لا لأ؟
هل الشراء بالحجز و لا لأ؟
]تسمحوا لى ايها الاخوة الافاضل بالمداخلة للرد على ماسبق[/color]
اللادا سواء 2107 او 2110 او 2111 او 2112 او سمارة او كالينا
هى جميعاً سيارات روسية من انتاج مصانع افتوفاز الروسية القلعة العملاقة لمدة 40 عام فى صناعة السيارات
وهذة السيارات جميعاً يجمعهم عامل مشترك وهو القوة والصلابة فى جميع مكونات السيارة بدءا من الموتور الى الات الجر كالعفشة والمساعدين الى الشاسية الى البودى الخارجة الى حتى الاكسسورات الداخلية مقارنة بالماركات الاخرى التى عبارة عن كليبسات وفيبر وكرتون مقوى وpvc الى اخرة .
وتعتبر السيارة 2107 هى الاخت الكبرى لهذة السيارات حيث تشير الاحصائيات الى انة يوجد 300 الف سيارة لادا 2107 تجوب شوارع مصر يليها فى ذلك اللادا 2110 والتى لاقت قبولاً من محبى اللادا لانسيابية شكلها بعض الشيى مقارنة بموديلات اللادا الاقدم من ذلك .
وجميع الموديلات المشار عنها جر امامى ماعدا اللادا 2107 جر خلفى .
وتتميز سيارات اللادا بجميع موديلاتها حتى الحديثة منها كاكالينا و2110 بانخفاض اسعار قطع غيارها فهى تعتبر بملاليم مقارنة بالماركات الاخرى فبثمن فردة فانوس واحدة من اى سيارة حديثة تسطتيع ان تجدد السيارة بالكامل سمكرة ودوكو تغير 4 فوانيس وتغير اكصدامين .
كان هناك بعض المشاكل فى سيارات اللادا القديمة كمشكلة ملص بيض العفشة وسخونة المحرك وثقل الدركسيون وكان يتغلب عليهم بكثرة تشحيم البيض وتغيير الردياتير باخر نحاس وتركيب مروحة اضافية .
اما الان فى الموديلات الحديثة من 2107 فتم التغلب على هذة المشاكل بتركيب مروحة كهربائية وثرموستات يعمل على 70 درجة مئوية وتركيب ردياتير المونيوم فلم تعد مشكلة السخونة موجودة على الاطلاق وبالنسبة لمشكلة ملص البيض فتم تثبيتة بمسامير فلم تعد المشكلة ايضا موجودة واصبح الدركسيون اخف كثيرا من قبل والدليل على ذلك اننا نرى الان الكثير من الفتيات والسيدات ( البسكويت ) يقودن لادا 2107 زيرو .
ومن يشترى اللادا فهو يشترى سيارة قد تعيش معة ثلاثين سنة على الاقل ( لو ربنا مد فى عمرة ) ولن تشتكى وسيبيعها عندما يزهق منها .
ولا نستطيع ان نغفل ان اللادا2107 فعلاً تفتقد للرفاهيات مثل ال abs والاير باجز والكاسيت cd والزجاج الكهرباء ولكن يجب الا ننسى انها سيارة بـ 43 الف اذا لايجب مقارانتها الا بسيارة فى نفس السعر ولن نجد فى نفس السعر ابدا سيارة بهذة القوة والمتانة .
وبالفعل السيارة اللادا كالينا هى اول سيارة لادا تتوافق مع اشتراطات الامان الاوروبية وليس معنى ذلك ان باقى الموديلات لاتتوافق مع اشتراطات الامان ولكن هى لم تخضع لتجاربها من الاصل .
وبالنسبة لموضوع التوكيل فانا لى راى اخر وهو ان التوكيل ليس سيى ولكن المشكلة تكمن فى الضغط الشديد علية وعدم توافر الامكانيات اللازمة لصيانة هذا العدد الرهيب من سيارات اللادا الموجودة بمصر والضغط الشديد علية يكمن فى انخفاض اسعار قطع الغيار الاصلية الموجودة بالتوكيل عن الموجودة بالخارج عكس جميع التوكيلات وايضا انخفاض اسعار المصنعيات مما يجعل الكثير يتجة للتوكيل عن الخارج فانا على سبيل المثال دفعت 50 جنية لصيانة 10 الاف نظير تغيير طقم كهرباء ابلاتين وبوجيهات وكوندنسر وتعلية دبرياج وتفريغ الهواء من الفرامل والكشف على الزيوت وتغيير زيت الموتور والفلتر وتغيير فلتر هواء وبنزين والكشف على شحن الدينامو والكشف على دورة التبريد وتربيط العفشة وضبط الموتور بالكمبيوتر تخيل ان كل دة بخمسين جنية وتخيل انك لو ذهبت لميكانيكى تحت الكوبرى لعمل كل ذلك هتدفعلة كام لذلك الكل يتجة للتوكيل مما يسبب ضغط علية وان عن نفسةى المشكلة الوحيدة التى تقابلنى فى التوكيل هى طول الانتظار والمشكلة ستحل لو هناك حجز كبقية التوكيلات الاخرى وتخيلوا ان صيانة 10الاف للتويوتا تتكلف 980 جنية والميجان الف جنية
اذا التوكيل ليس سيى كما قال اخى العزيز ابو نورا والمشكلة مشكلة تنظيم
واخيرا اسف للاطالة ولكننى اردت التوضيح[/size]
الاخ العزيز حسام بعد التحية
لقد استمتعت بقراءة ردك خصوصا واننى قد اثارت هذا الموضوع من فترة كبيرة ولكنى لم احصل على اجابة شافية على هذه الموديلات تحديدا ودائما مااجد الحديث يتجه مباشرة الى الاخت الكبرى 2107 وكانها هى الوصية عليهم بمعنى بما انها كويسة يبقى البافى كويس وهذا يتنافى مع اصول المنطق لان الاشقاء بطبعهم يوجد بينهم اختلافات ولذلك كنت اتمنى ان اجد تقييم لهذه السيارات وعن تجارب شخصية حتى نستطيع ان نعرف مافى هذه السيارات من فوائد وما بها من عيوب وشكرا
أنا براهن على اللادا 2110 أنها الحصان الأسود في السنتين الجاييين
بس التوكيل يشد حيله شوية في الدعاية و التسويق و مراكز الخدمة و الصيانة و .....
وكمان المصنع يصلح أي شكاوي من المشترين .. و دي حاجات بسيطة و كلها تلافيها سهل بالنسبة لمهندسين الإنتاج
اول مشاركة لية فى المنتدى وجبت عربية لادا 2110 زيرو وانا اسمع انها حقن الكترونى هل هذا النظام له علاقة ببنزين 80 او 90 او مياه حته ولا اية وشكرا
tamim باشااقتباس:
المشاركة الأصلية كتبت بواسطة tamim
اولا وقبل كل شئ الف مليون مبروك على العربية وربنا يبارك لك فيها ويحفظهالك من
كل شر ان شاء الله واهلا بيك اخ كريم بينا
ثانيا انا مش عارف افيدك في سؤالك بس طبعا كل ما يكون البنزين نظيف كل ما يكون احسن
فيفضل تستعمل بنزين 92 ، والاخوة هنا خبراء ان شاء الله هايفيدوك
ثالثا انا وقعت من السما وانت اتلقـفتني ، انا معجب جدا بالادا 110 ممكن حضرتك تقولي
انت اشترتها مصري ولا روسي وليه وانطباعك ايه عن العربية وتقييمك
معلش انت اول واحد في المنتدى يجيبها
مشكووووووووور
شكرا على ردك ياستاذ وائل خصوصا اول مرة حد يرد عليا فى المنتدى ماتتصورش فرحتى اد اية بالرد دا انا كنت عملت اول موضوع لية فى المنتدى ياريت تقراة وطبعا الاخوة الافاضل والاستاذ حسام كرم انا متابعة من زمان والموضوع كالتالى وعايزك تطمنى العربية دى هتنتشر ولا لا ضرورى تقوللى اصل لو انتشرت انا كدة هستريح الموضوع كالتالى
السلام عليكم
اول مشاركة لى فى المنتدى وكنت عايز اشترى عربية بعد ما ابوية باع 504 وقعدنا 8 سنوات بدون عربية وفجاة طلعت فى دماغ ابوية ورحنا المعرض وابوية اختار عربية لونها ازرق سماوى طبعا علشان لون البيجوكان لونها ازرق
ابوية:اية رايك ياتميم
تميم:100 100 يابابا
كانت العربية لادا 2110 المصرى بعدها عرفت انها مش منتشرة وكان نفسنى اعرف عن العربية اكتر واكتر ولقيت فى المنتدى ما احتاجة بس مش اوى فياجماعة عايزين نعرف اكتر عن العربية دى خصوصا انها موديل لادا الجديد اللى نازل السوق وعايز اعرف انا اتخميت فيها ولا لاء اصل انا معرفش اقيمها خصوصا دى اول عربية ركبتها انا بركب جرار زراعى من سنوات وعلى فكرة دركسيون اللادا 2107 فى ناس بتشبة بالجرار والجرار اصلا باورهههههههااااااهه معلش ماتكسفونيش وابعتوا ردكم علشان فى ناس كتير عايزين يعرفوا كل شىء عن العربية دى انا بعشق السيارات موت ميكانيكا وانواع واشكال بي بحس ان كل ما بتعلم جاجة احس ان انا متعلمتش حاجة فى المجال العظيم دا
منتظر ردكم
:
على فكرة العربية تقفيل مصرى مش روسى
بص ياباشا العربية 57 بعد الفصال من المعرض سبق وقولت ف المشاركة اللى فاتت ليا ان انا اول مرة اركب عربية فمقدرش اقيمها بالنسبة للعربيات التانية بس ممكن اقوللك شوية مميزات انا شايفها ف العربية
ان العربية عالية لدرجة كنا قاعدين فيها 6 والله 6 اوزان ما حكت ف اى مطب خصوصا عندنا المطبات ماتتوصاش ف الارياف
بحطلها 80 بس سحبها جميل البودى بتاعها حدادى واحلى ما فيها كشافتها اللى شكل الbmw بس انا اول ما جبتها كانت فيها مشكلة هى انا الفايظ ف اربة الماء كان مسدود بمسمار برمة وعشان كده كانت بتسخن بس الميكانيكى شاف المسمار بالصدفه واول ما شيلناه الحرارة طبيعية
الرجوع الى المقدمة
كلامكوا جميل بس يا ريت حد يقولي مين احسن اللادا2110ولا الفيرنا :-)
من ناحيه القوه والكماليات لادا 2110
من حيث سهوله البيع فيرنا
والله اعلم
يعني اشتري مين فيهم :roll:
اخى العزيز لو عايز سياره العمر تعيش معاك وفيها كافه الكماليات وتتمتع بالقوه والمتانه والراحه يبقى لادا 2110
لكن لو هتفكر انك تبيع بعد فتره وتجدد يبقى فيرنا لانها سهله فى البيع والشراء اكثر من لادا
انا شخصيا افضل اللادا
+100000000اقتباس:
المشاركة الأصلية كتبت بواسطة ibrahimsaad
وان كنت لا اعتقد ان اللي بيشتري عربية بيغيرها بعد سنة بس وحتى لو كان كدا
الواحد فينا ميعرفش بعد سنة درجة انتشار اللادا هاتبقى ازاى واعادة بيعها ظروفها ايه