مشاكل فى الفلوريدا .. أرجوا المساعدة ..

انا اليومين دول بعمل حملة صيانة للفلوريدا ...

المهم عملت الكاوتش ..

فاضل الفرامل .. الهاند نفسها بايظة و هغير تيل الفرامل ...
دلوقتى لو ملقتش هاند الفلوريدا ... ممكن هاند إيه يركب عليها؟؟؟

و مين بيعرف يركب فرامل و كويس قوى مع العلم انا ساكن فى المهندسين ..

ثالثا أنا بسمع صوت زنة فى الموتور بعد rpm 3 ... دى حلها إيه و إيه مشكلتها؟؟
و عند مين يعملها؟؟

رابعا التكييف بايظ و عايز حد تمام و سعره كويس يعمله .. مين كويس؟؟

فاضل كهربة العربية عايز أظبتها ... مين كويس ؟؟؟

أنا ساكن فى المهندسين يعنى يا ريت كل ما تكون المسافة أقرب كل ما كان أحسن :E_braces[1]:

الهاند بايظة مش بتقفش خالص ولا ضعيفة عشان لو ضعيفة هايشد السلك ولو السلك نفسة مقطوع يبقى هيغيرة ويشوف ممكن سلك الشاهين يركب علية هو اليكانيكى هيبقى عارف اية اللى يمشى علية
انت هاتركب تيل فرامل مش محتاجة حد كويس عادى دة تيل هايتركب فى اقل من عشر دقايق
صوت الزنة من الماتور ممكن يكون فية حاجة مفكوكة مش مربوطة كويس وبردة سمعها للميكانيكى عشان هاتبقى كل حاجة قدامة
التكيف بايظ خالص يعنى مش شغال اصلا ولا مابيشتغلش ولا مش بيسقع ,عموما انزل الحرفيين عن واحد اسمة الريحانى ودة كويس جدا جدا بس انا معرفش حد جنبك بتاع تكيفات ممكن حد من الاخوة الاعضاء يدلك
كهرباء السيارة هاتظبط فيها اية ؟؟؟؟؟
شوف انت عندك ميكانيكى كويس وانت رايح عند كوبرى ثروت اللى عند بابا تجارة فى جامعة القاهرة بس ماتتطلعش الكوبرى خليك من تحت الكوبرى هاتلاقى اول شارع يمين بس الاتجاة دة عكس بس شوف بقى انت الشارع اللى يوديك علية
ولو مش عارف يبقى هاتخش اول شارع يمين بعد توكيل مقار اللى قدام مترو البحوث لحد اخر الشارع فى اول شمال فى يمين على طول لحد الاخر هتلاقية على شمالك قدام جراج كبير

41 ش المدينة المنوره فى المهندسين بالجيزة
تليفونات 37614591
33387154
واى استفسار تانى انا تحت امرك
ده مركب عنده تكييف لعربيتى وبصراحه بيشتغل بضمير

اقتباس:

---

المشاركة الأصلية كتبت بواسطة mrghost

41 ش المدينة المنوره فى المهندسين بالجيزة
تليفونات 37614591
33387154
واى استفسار تانى انا تحت امرك
ده مركب عنده تكييف لعربيتى وبصراحه بيشتغل بضمير

---

رحتله مرة قبل كده من فترة و قالى التكيف هيتكلف 2500 جنيه ....
أنا اشترى جديد أحسن !

شكرا و هشوف لو هعدى عليه تانى

اقتباس:

---

المشاركة الأصلية كتبت بواسطة semsem kane

الهاند بايظة مش بتقفش خالص ولا ضعيفة عشان لو ضعيفة هايشد السلك ولو السلك نفسة مقطوع يبقى هيغيرة ويشوف ممكن سلك الشاهين يركب علية هو اليكانيكى هيبقى عارف اية اللى يمشى علية
انت هاتركب تيل فرامل مش محتاجة حد كويس عادى دة تيل هايتركب فى اقل من عشر دقايق
صوت الزنة من الماتور ممكن يكون فية حاجة مفكوكة مش مربوطة كويس وبردة سمعها للميكانيكى عشان هاتبقى كل حاجة قدامة
التكيف بايظ خالص يعنى مش شغال اصلا ولا مابيشتغلش ولا مش بيسقع ,عموما انزل الحرفيين عن واحد اسمة الريحانى ودة كويس جدا جدا بس انا معرفش حد جنبك بتاع تكيفات ممكن حد من الاخوة الاعضاء يدلك
كهرباء السيارة هاتظبط فيها اية ؟؟؟؟؟
شوف انت عندك ميكانيكى كويس وانت رايح عند كوبرى ثروت اللى عند بابا تجارة فى جامعة القاهرة بس ماتتطلعش الكوبرى خليك من تحت الكوبرى هاتلاقى اول شارع يمين بس الاتجاة دة عكس بس شوف بقى انت الشارع اللى يوديك علية
ولو مش عارف يبقى هاتخش اول شارع يمين بعد توكيل مقار اللى قدام مترو البحوث لحد اخر الشارع فى اول شمال فى يمين على طول لحد الاخر هتلاقية على شمالك قدام جراج كبير

---

طب الريحانى ده عنوانه إيه؟؟

أنا بشوف كذا ميكانيكى فى المنطقة بتاع كبرى ثروت ... إسمه إسيه الميكانيكى أو عنوانه عشان أعرف بس أروحله ..

و شكرا جزيلا

معرفش اسمة ,بس دة اقرب واحد ليك ,وبعدين مافيش غيرة قدام جراج كبير موجود فية اتوبيسات لو هاعدى هاشوفلك اسمة واقولك