مشكله عند بدء الدواره

**ya_broker** · 26-09-2009 10:22 PM

عند بدء الدواره اجد صوت السياره به كركره كده كانها على 3بوجيه فقط يستمر لمده دقيقه او اقل ثم يعود صوت السياره عادي
تفتكرو ايه المشكله
(السياره بيجو 206 و بها بوجيهات شمعه واحده فقط)قالولى شمعه واحده هى الاوريجينال
ارجو الافاده و شكرا

**ya_broker** · 26-09-2009 11:09 PM

ايه يا جماعه فين الردود

**Hegazio** · 27-09-2009 03:45 PM

فلتر بنزين - بخاخات - هوا
و طبعا أكتر من شمعة أحسن - سيبك من حتة اوريجينال دي - الشركات ما بتعملش بوجيهات دي بس بتطلب يتكتب عليها اسمها

**SAMEH_FOUAD** · 27-09-2009 04:29 PM

شوف ياباشا موضوع شمعة واحدة وشمعتين مش هايفرق معاك فى حاجة غير بس لما نتيجة الاشعال هتبقى رايحة لجهة واحدة هاتروح لعدد الشمعات اللى موجودة فى البوجية المتعدد الشمعات سواء اتنين او تلاتة او اربعة يعنى مالهاش دعوة
كدة انت عندك مشكلة فى الكهرباء لازم تتظبط والعربية مابترجعش لوضعها الطبيعى غير لما بتسخن وتبقى كويسة يبقى حضرتك هاتظبط الكهرباء وهاتنظف الفلاتر وحساس السلانسية او الايدل دة لو عربيتك رشاشات ,لكن او كربراتير هاتنظف البيجات ,وتظبط بردة الكهرباء وفلتر الهواء واكشف على البوجيهات

**Hegazio** · 27-09-2009 05:09 PM

المشاركة الأصلية كتبت بواسطة semsem kane

شوف ياباشا موضوع شمعة واحدة وشمعتين مش هايفرق معاك فى حاجة غير بس لما نتيجة الاشعال هتبقى رايحة لجهة واحدة هاتروح لعدد الشمعات اللى موجودة فى البوجية المتعدد الشمعات سواء اتنين او تلاتة او اربعة يعنى مالهاش دعوة
كدة انت عندك مشكلة فى الكهرباء لازم تتظبط والعربية مابترجعش لوضعها الطبيعى غير لما بتسخن وتبقى كويسة يبقى حضرتك هاتظبط الكهرباء وهاتنظف الفلاتر وحساس السلانسية او الايدل دة لو عربيتك رشاشات ,لكن او كربراتير هاتنظف البيجات ,وتظبط بردة الكهرباء وفلتر الهواء واكشف على البوجيهات

شمعتين أو تلاتة أو أربعة .. في النهاية لا تخرج غير شرارة كهربية واحدة عند وصول فرق الجهد الي درجة تأين الهواء بين القطبين
الأكتر من شمعة يعمل علي سرعة حصول شرارة عند اقل فرق جهد مناسب لأنسب و أفضل قطب كل مرة
اذا اتسخ قطب يتطلب جهد أعلي للتأين .. وجود أكثر من قطب يعمل علي خروج الشرارة بسرعة للقطب الأنسب