اغلاق مخرج النفق بمدينه الصلب بالتبين
وانا جاى دلوقتى من شويه وداخل المنطقه باخد دايما طريق مختصر ادخل منه على البيت على طول وهو الشارع الجديد يعرفه اللى ساكن فى الصلب او نزلها قبل كده
المهم ماشى فى الطريق وببص على الفتحه اللى بدخل منها وهى على طريق الترام لقيت مقاطير كتير واوناش وعربيات شرطه والدنيا مقفوله خالص
بطلع من ورا مقطوره ببص قدامى لقيت ناقله من الناقلات العملاقه جدا جدا عرضها قد مقطورتين تقريبا وكلها من تحت عجل وعجل صب مش هواء وشايله ماسوره خرسانيه عامله زى مواسير الصرف الكبيره قوى ارتفاعها لا يقل عن 15 متر :eee: ها والله عملاقه جدا ومش عارفه تعدى على طول عشان السلك بتاع الترام هى كانت مكمله على طريق الكريمات و 15 مايو
المهم بعد شويه اسئله فى المنطقه عرفت انها كانت المفروض طالعه على اوتوستراد الكريمات ومسافره لمشروع كبير وطبعا ماعدتيتش عشان السلك بتاع الترام طبعا الحى اقترح انهم يرفعوا اللى عليها فوق السلك بأوناش ضخمه والعربيه تعدى وبعدين ينزلوه عليها بعد السلك لكن طبعا كان رد السواق والمهندسين اللى معاه انها عشان تترفع فى المكان ده محتاجه هيليكوبتر :O_stupid[1]:
لأنها فى الموقع بتترفع بأوناش ضخمه وثابته وصعب جدا يجيبوا اوناش ترفع التهمه اللى عليها
فى الاخر الحى قال اقطعوا السلك وبعدين يتلحم تانى
طبعا اضطريت ارجع والف لفه كبيره بعد ماكنت على بعد امتار من البيت
مش الفروض الحاجات دى بيدرسوا الطرق اللى هتمشى فيها الاول ولا ايه ؟؟؟