جنوط لعربيتي بس انا فقري

**ELzanatti** · 27-09-2009 01:41 AM

ازيكم يا جماعة إنتو اللي حاتساعدوني ،
من حوالي أسبوعين قررت أشتري حاجة للعربية كان في بالي كذا حاجة منها، كار كيت ،فيلترهواء زي بتاع لsti ، فتحة على الكبوت ، و أخيرا جنوط ... بس الفقري فقري لفت في محلات كتييير زي اشرفكو ، ارابكوم، و كتير ولاهي بس ل مشكلة كانت في المسافة بين المسامير ٥ * ١٠٠ كل الجنوط الجامدة كانت ٥*١١٤ بس وأنا بدوار جه في طريقي جنط سوبارو ١٧ إنش بس المشكلة أن شكل زي ل أصلي بتاعة شوية مش زي إلي في السوق أنا رفعت صورته .
أنا مش عارف أعمل إيه.انا مش عارف اركب 17 ولا بلاش كتيير خوفوني.
. أسف إني طاولت عليكم .

**Mosso** · 27-09-2009 04:08 AM

انا جابيب جنوط 16 لعربيتي من ارابكوم,
نوعهم HRS تايواني و كان عنده كذا شكل بس ده الي كان عجبني
و كان في MOMO كان شكلهم حلو جدا بس كانوا 15 وانا مكنتش عايز 15 تاني,
هو موضوع الشكل دي تختلف حسب الشكل الي انت تحبه على عربيتك بس هو 5*100 ده مقاس نادر شويه
و موضوع 17 ده يختلف حسب الطرق الي بتمشي فيها و طريقة سواقتك,
يعني لو مش ضامن مفاجئات الطريق خليك 16 لكن لو مطمن و عارف الطرق الي بتمشي فيها و ان مفيهاش مطبات جامد ال17 مفيهوش مشكله,
يعني انا مثلا مبقاليش 3 شهور مركب الجنوط فوجئت ببلوك طوب اكلته عملي بقليله في الكاوتش,
بس خلي بالك من الET-offset بتاع الجنط عشان ال17 بالذات لو مش محسوبه كويس هتحك جامد في الرفارف مع المطبات
لو الجنوط ال17 الي معروضين عليك دول اصلي توكل على الله لو هما استعمال نضيف او جداد بسعر كويس و ربنا يوفقك,
هو ال17 دول لو اصلي معروضين عليك بكام؟

**ouba2** · 27-09-2009 10:29 AM

متهيالي 17 هايبقي متعب للعفشة في مصر

**ELzanatti** · 27-09-2009 01:22 PM

أنا كنت رفع ل صور بس مش عارف أنا مش شايفها ححاول أرفعها تاني، أنا سكن في أكتوبر وطريقي فيه مطبات بس مش كتير بس بصراحة أنا خايف على ل مصاريف بعد مراكب ل ١٧ يعني مصاريف إستعدال و كاوتش باظ كدة يعني بس بصراحة العربية لما ييركبلها ل ١٧ شكلها بيتغير خالص .