ربنا رزقنى بولد وعايز اعملة عقيقة وعايز خبراتكم...

**elansary** · 27-09-2009 08:57 PM

ربنا يباركلك فية

**ehab_mansour** · 27-09-2009 09:16 PM

الف مبروك علي المولود وربنا يباركلك فيه ويرزقك بره
بالنسبة لموضوع العقيقة انا لسه عامل عقيقة لإبني محمد يوم 28 رمضان الماضي يعني من حوالي 10 ايام وكنت شاري خروف ومعزة الخروف كان ب 830 جنيه والمعزة كانت ب 400 جنيه وعملت عزومة كبيرة جدا ودعيت ليها الأقارب والأحباب والأصدقاء وخصصت جزء منها أخرجته علي شكل وجبات جاهزة لبعض الفقراء اللي نعرفهم ولبعض الفقراء من الأقارب
بالنسبة للتفاصيل انا ساسا من المنصورة ومن الأرياف خليت احد الأصدقاء من الجزارين هو اللي اشتراهم وذبحهم وقطعهم وجبت طباخ واشتريت له الطلبات اللي احتاجها وبس
واعرف ان أكثر العلماء والمشايخ قال بأن التصرف في العقيقة شأنها شأن الأضحية يعني عادي ممكن تأكلها انت واهلك وأصدقائك ولكن الأفضل انك تخرج منها علي قدر استطاعتك للفقراء والله المستعان

وربنا يعينك ويوفقك ويجزيك خيرا علي قدر محافظتك علي إقامة سنة الحبيب المصطفي صلي الله عليه وسلم

**أحمد سالم** · 27-09-2009 09:51 PM

وكنت شاري خروف ومعزة

ويشرع أن تكون الشاتان متكافئتين يعني مستويتان أو متقاربتين
يفضل ان تكون عقيقة الولد خروفين ويكونو نفس العمر
غير محبب العقيقه بخروف ومعزة (والله واعلم )
على فكرة العقيقه فى رقبة الاب وممكن تتعمل فى اى وقت حتى لو المولود كبر
ده فى حالة لو الظروف كانت بعد ولادة الطفل غير سامحه
واعتقد ان عليك خروف تانى (والله اعلم) انا لست فقيه فى الدين لاكن هذا ماقرأته فى كتاب تحفة المودود