مااسوقش ولا أعمل حادثة؟

**fatma0fahmy** · 27-09-2009 02:50 AM

السلام عليكمأولا : تحياتى لجميع أعضاء هذا المنتدى الرائع . .أنا بفضلكم بعد الله قدرت من خلال نصائحكم بالمنتدى أشترى أخيراا عربية ممتازة بس طبعا بعد شهور من البهدلة والرفع وووو. . بس الحمدلله اتوفقت في عربية رينو كليو اتوماتيك تعتبر كسر الزيرو ولله الحمد . . بس بعد مااأشتريتها أفتكرت حاجة مهمة جدا كنت ناسيها إنى مبعرفش أسوق خالص وجبانة جداكنت من فترة اتعلمت عند واحدة ربنا هقول ايه بس اخدتنى بمكان كله صحرا بالمقطم وعرفتنى في اربع حصص مبادئ المانيول على الواقف وقالتلى معلش ياحبيبتى العربية جديدة يلا إنزلى حتى سابتنى أرجع مشيوحلفت من يومها ماروحش شركات السوائقة ابداااامن الغيظالمشكلة ان اهلى دلوقتى فاكرنى بسوق وأنا معرفش أمشي غيرمتران وأرجعهمأخواتى كل واحد معه عربيته ومحدش فاضي لحدأمبارح بس ركب جنبي اخويا عصبية وتنشنة روحت مشيت لأخر الشارع وأول ماشوفت الشارع الرئيسي والسرعة لفيت ورجعت تانى. . أنا حاسة إن هو دة أخرى وعمرى ماهطلع على الرئيسيفكنت عايزة اسئلكم من خلال خبرتكم أنا من سكان المقطم ممكن أأقعد أد ايه فوق في الشوارع الفاضية وبعدين أنزل البلدولازم في الأول يكون حد جنبي ولا إيه النظام أنا مرعوبة لأن العربية بجد بتلمع حرام أبهدلها أنا بعرف أظبط نفسي من قدام لكن مبعرفش خالص اخد بالى من المرايات أو الشوارع الجانبية بنسى ومستحيل انتبه قدام ومن الجنب. . فرأيكم اسيبها مركونة تحت البيت ولا اعمل ايه؟وكمان عايزة أستشير الناس والرجال عامة الي بيقابلوا البنات الي بتمشي على اليمين تاتا تاتا موقفهم بيقى ايه وايه حدود الغضب عندهم ؟معلش عشان بس ابقى ماشية عارفه موقفى كويس . .وربنا يكرمك في عربياتكم

**mando_yaris** · 27-09-2009 03:27 AM

بسي انا ولدتي كانت بتتعلم السوقا فيا احسن حاجا روحي اتعلمي في ماراكز تعليم السوائه زي خلوصيكار او اي حاجا زياها و تتعلمي علي عربيا من عندوهم و انشاء الله هتبءي تمام
اما لو هتمشي تاتا تاتا علي اليمين ديمن هاتكوني مالبوخا من الي بيجي من واراكي بيجري و هاتخافي اكتر حولي تمشي علي سرعت الودامك بس بعقل ياعني منئيش واحد مءفل عاداد و تمشي وراه و هيا مسءلت تعود و مش هتول بس انا افضلك تمشي في شوارع راسيا يوم الجمعه الصبح و كل فترا تطولي المده بتاعت السواءه لغايت ما مرا تلاءي نفسك ونتي مشيا بائتس فل زحما هتلقي خوفك ال كتير ده الي حصل معا ماما و هيا بتتعلم و كل واحد و ليه طرئتو

**SeiffoZ** · 27-09-2009 03:28 AM

الممارسة و الماثبرة .....
ده الحل الأمثل ...

لازم تجربى
عشان تتعلمى ...

**magyver** · 27-09-2009 05:28 AM

ماافيش حل قدامك غير مركز تعليم سوااقة
وربنا يوفقك

**bmya** · 27-09-2009 05:47 AM

عشانك انتي مش عشان العربيه لازم تتعلمي كويس عشان ماتئذيش نفسك حاولي تمشي في اماكن فاضي كتير الاول لحد ما تكسري رهبه العربيه الجديده وتتعودي عليها وبعدين ابدئي انزلي شوراع مش زحمه لا بس يكون فيها بعض العوائق البسيطه يعني عربيات ركنه شوارع جانبيه عشان تبدئي تحفظي ابعاد العربيه وتتعودي تبصي في المرايات الجانبيه
وطبعا ده كللللله مش لوحك لازم يكون جمبك حد بيعرف يسوق ويكون ايده علي الهاند عشان لا قدر الله لو فيه حاجه يفرمل او يهدي العربيه وعلي فكره السواقه سهله جدااااااا بس الفكره انك تحوطي في دماغك انها سهله مش صعبه ومتخفيش خليكي واثقه في نفسك وانتي ماشيه وملكيش دعوه بنظرات الناس خااااالص ركزي وعيشي مع العربيه وخير ان شاء الله

**tutankhamoun** · 27-09-2009 08:39 AM

لازم مكز تعليم سواقة ....... لازم لازم لازم لازم لازم

أنا قلت اللوازم دي كتير علشان ممكن لا قدر الله ..... تعملي حادثة ........ أو تدهسي المشاة بسبب أن انتي لسة مش متمرسة .
بس لازوم تتعلمي السواقة الأول قبل ما تخرجي الشوارع الرئيسية و لازم تتعلمي تستخدمي المرايات
و الجراءة هاتيجي بعد كدا

بس لازم تدخلي مدرسة سواقة كويسة و أعتبري مصاريفها جزء من ثمن العربية الجديدة
و مبروك الرينو ............. عربية زي الفل .

**محمد محمد** · 27-09-2009 09:12 AM

بالأضافة لردود الأعضاء الغالية والمهمة جدا
حضرتك السواقة محتاجة تدريج في التعلم يعني مينفعش اول مانزل اسوق اروح وسط البلد الساعة 6 مساء .
حضرتك ممكن مثلا المنطقة اللي انت عايشة فيها تنزلي مرة تسوقي بعد الفجر علي طول بتبقي الدنيا رايقة واقعدي اسبوع علي الحال ده لغاية ما رهبة السواقة تروح بعد كده ممكن تنزلي الساعة 7 ص تكون الدنيا اتزحمت شوية وهكذا بالتدريج لغاية متلاقي نفسك اتعلمتي جميع انماط القيادة وبالنسبة لموضوع الركن في احد الأعضاء جزاه الله خيرا عامل شرح بالصور في القسم التعليمي ازاي تركني عربيتك ممكن تطالعيه.

**dr_abooody** · 27-09-2009 09:32 AM

انت تسوقي كتير في الشوارع الفاضية في المقطم عندكم لحد ما تحسي انك متمكنة من العربية و اتعودتي عليها و بعد كدا تبدأي تنزلي الشوارع الزحمة شوية واحدة واحدة لحد ما هتتعودي

لازم تسوقي كتير عشان تبقى كويسة في السواقة لأنها ممارسة مش تعليم

**M.Mosaad** · 27-09-2009 10:17 AM

1- مركز تعليم سواقه كويس بلاش القرايب لانهم بيتنرفزوا بسهوله و بيفتكر انك المفروض فاهمه كل حاجة لكن المدرب بيبقي عارف انك لسة في الاول فبيشرح الموضوع من بدايته و بينزل معاكي مناطق زحمه علشان يكسر الرهبه
2- تدريب كتير علي عربيتك في مناطق حوالين البيت و تتعملي تراقبي المرايات يمين و شمال و مرايه الصالون حتي لو محدش حواليكي و تظبطي الدركسيون بتاعك
3- تعرفي انك انتي اللي بتسوقي العربيه مش هي اللي بتسوقك يعني متخافيش منها دي حاجة مسخرة ليكي علشان تأدي غرضها يعني بعد فترة و انتي راكبة العربيه هتحسي انك ماشية في الشارع علي رجلك هتبقي حافظة ابعادها كويس
4- لازم تفهمي قواعد السواقه كويس علشان لو انتي مش غلطانه و واحد قعد يزمر و كدة تبقي عارفه ان هو اللي غلطان و تعرفي تاخدي حقك لان في ناس كتير مابتقصدق تلاقي بنت بتسوق و تطلع كل عقدها عليها بس برضة بصراحه في ستات تعلللللللللللل في السواقه
و ربنا يوفقك

-

الموضوع: مااسوقش ولا أعمل حادثة؟

LinkBack

أدوات الموضوع

عرض

-

-

-

-

-

-

-

المواضيع المتشابهه

أعمل إيه؟

أعمل ايه؟؟

حادثة باللوجان... مش ذنبي بس الحمدلله... أعمل إيه ؟؟؟

مجرد حادثة من ألف حادثة لكن تجلى فيها كل التخلف

أعمل اية

الكلمات الدلالية لهذا الموضوع

المفضلات

المفضلات

ضوابط المشاركة