على فكرة انا معايه ال 516 من 2007 العربية ممتازة وعيوبها كالتالى
1- وجود دبة فى المطبات لو ماشى بسرعة فى الناحية اليمين من العربية
2-فعلا العربية تجميع السرعة على الاول والتانى بطىءولكن بعد كدة ممكن تجيب ال100 كم بسهولة وونت طالع كمان
3-الشنطة علشان تقفل لازم ترزعها
4- استهلاك البنزين داخل البلد حوالى 180 كم فى الصفيحة وعلى السريع 250 كم فى الصفيحة
5- العيب الازلى فى المصريين التقفيل علشان كده ممكن تلاقى عربيتين خارجين ورا بعض من المصنع واحدة تقفيلها حلو والتانية وحش اوى لكن كل العيوب دى ليها حل وبتتظبط
دى كل عيوبها وانا عرفت انى موضوع الدبة ممكن يضيع لو غيرت المساعدين بمساعدين الميتسوبيشى بس مش عارف اى موديل
وبخصوص الخامات الداخلية الخامات ممتازة انا العربية بركنها تحت البيت والشمس تنقع فيها طول النهار والتابلوه والفرش كما هو والحمد لله
وبخصوص ان الاكر بتنكسر ده مش عيب فى خامة الاكرة لا ده لانى العربية بعد سرعتها ما بتوصل 45 كم فى الساعة السنتر بيقفل الابواب اتوماتيك ولما بتقف اللى عايز ينزل بيفضل يعافر ويستقوى على الاكرة علشان يفتح وما بينتظرش لما تفتح السنتر من جنبك فبيكسر الاكرة
غير كدة بصراحة العربية دى لو عليها اى ماركة عربيات تانية كنت ها تلاقى مليون واحد يشكروا فيها وكان ها يبقى ليها سعر تانى خالص
المفضلات