الموضوع: مقياس الثبات

صعب ، هتتقاس ازاي دي غير بالتجربة ؟

انا معاك بس ياتري اية ممكن يكون المقياس دة

ما هو علشان كده انا عملت الموضوع ده

واضح ان اليارس فرقت معاك كتير يا ابو سمره
على العموم تبادل يا ريس النوبيرا فتحالك دراعتها

بس موضوع معايير الثبات دا محتاج شوية حاجات
- اختبار المعيار على سياره بحاله جيده مع تثبيت ظروف الاختيار (سرعه - وزن الركاب - وزن المحتويات استبن ..عده .. كمية بنزين - ظروف الجو هوا مطر ...) طبعا يكون فى نفس الطريق او التراك
- اعطاء نتيجة الاختبار بامانه

لو قدرت تثبت كل دا بقى ابدأ حط معايير الختبار اللى هتحسب بيها ثبات السياره

........ فى طريقه تانيه .... ممكن ماتكونش موضوعيه قوى بس عمليه شويه

كل واحد ساق اكتر من موديل عربيه (مع ثبات الحاله .. الطريق طريقة القياده ) ممكن يقولنا هوا حس بايه وياريت نكون موضوعيين وحياديين قدر الإمكان

وفى إنتظار باقى الردود

هو علميا الشركات مش بتعترف بمقياس الثبات والرضا من عدمه غير بتجربه العربيه على تراك سرعه وعلى سواق اختبارات الشركه ان يضغط على العربيه لحد اخر نفس فى ثباتها فى المنعطفات ومن ثم يتم تحسين الاداء حتى الوصول الى الزمن اللى كانت الشركه بتطمح ليه

الكلام ده مش بس على عربيات الاداء ده فعلا بيحصل فى تقريبا اى عربيه لكن فى العربيات العائليه بيكون بشكل اصغر وعلى حلبه جوا الشركه وبدون ارقام فلكيه يعنى مجرد موازنه بين الراحه والثبات

لكن المفهوم الطبيعى لثبات عربيه عاديه من رأى الشخصى

1 - قدرتها على التوازن فى حاله تغيير الحاره المروريه بشكل مفاجئ على السرعه

2 - قدرتها على دخول منعطف بدون تغيير مسارها رغما عن السائق على سرعه ( ودى فيها شويه كلام )

3 - قدرتها على التعامل مع الهواء بسلاسه سواء كان الهواء فى الامام او الخلف او خاصه من الجانب بحيث ان الرياح العرضيه وخلافه متتسببش فى تغيير مسار العربيه على سرعه

4 - التحكم الكامل فى توجيه العربيه فى اى اتجاه على السرعه وعدم وجود اى بطئ او فشل فى استجابه العربيه للتوجيه على سرعه عاليه لأن ده معناه ان العربيه من السرعه بتتحرك حسب اهواء الطريق وده معناه ان ضغط الهواء تحت العربيه مرتفع جدا والكاوتش مش فى حاله تسمح بالتماسك اللى يوفر للسواق التحكم الكامل

5 - تغيير الاتجاه الى الاتجاه المعاكس فجأه دون فقد السيطره او الانقلاب يدل على الثبات , بمعنى فى حاله دخول منعطف يمين مثلا على سرعه 80 والدركسيون وضعه نص لفه الى اليمين وفجأه تم تحويله الى نص لفه الى اليسار ولم يحدث اى انزلاق كبير او خروج عن المسار مؤشر قوى على الثبات التام فى السرعه المجربه

5 - بشكل او بأخر وجود فرمله جيده على السرعه تؤكد تلامس كاوتشات العربيه للطريق بشكل كامل ووجود Grip مناسب , سواء استغرقت مسافه طويله او قصيره دى نقطه ترجع لقوه الفرمله نفسها لكن انا اقصد ان فى عربيات من ضعف الثبات لو لمست الفرامل على سرعه تحس انك فى الهواء وشويه وهتنزل على الارض فالفرامل تشتغل لكن بمجرد ما تدوس فى تأخر فى الاحساس بأن العربيه بتفرمل اساسا

طبعا كل النقط دى تستثنى منها سوء حاله الطريق ومطبات الهواء والحفر وخلافه علشان دى بعون الله تضيع ثبات اى عربيه وطبيعى هتفقد السائق السيطره والقدره على المناوره وحادث اللمبورجينى مورسلاجو الشهير فى الساحل الشمالى يشهد بشده على كدا

بالنسبه لتوضيح النقطه التانيه , تغيير مسار العربيه فى منعطف بفعل عدم الثبات بيكون مش بس انها تغير اتجاهها فى المنعطف ( understeer ) لأن ده بيكون عاده بسبب ان العربيه مش رياضيه ( جانب ال handling ضعيف ) لكن اللى اقصده هو فقد السيطره على العربيه اما بأن ظهرها يعوم ويفقد السيطره عليها أو تنط بالجنب فى الملفات ( وده بيحصل فى حاله الافتراء جامد ) او لا تستجيب اطلاقا لتوجيهها داخل الملف بسرعه وهى نفس النقطه الاولى فى جانب الثبات

واخيرا ال body roll يعتبر من اكثر الحاجات اللى تثبت ضعف ثبات العربيه وهى مرتبطه بشكل كامل فى القدره على المناوره والتحكم فى العربيه خصوصا فى وجود المطبات هنا

اخيرا ياريت يا جماعه محدش يحاول يختبر عربيته بالشكل ده علشان العواقب فى تصحيح الاخطاء دى تتطلب مهاره مش موجوده فى سواق عادى وربنا يستر , اسف على الاطاله

كان فى برنامج على الاي فون,
http://www.nilemotors.net/Nile/92698-dyno-iphone.html
و من ضمن الحجات الى بيعملها بيقيس ال G force سواء للمنعطفات او التسارع او الفرمله,

ممكن نتفق على سرعه معينه و نشوف اقصى ارقام للعربيه. هو اقتراح مش عملى اوى مش كل واحد معاه اى فون و فاضى يعمل الكلام ده, بس ده الى جه فى دماغى.

1 - قدرتها على التوازن فى حاله تغيير الحاره المروريه بشكل مفاجئ على السرعه

2 - قدرتها على دخول منعطف بدون تغيير مسارها رغما عن السائق على سرعه ( ودى فيها شويه كلام )

3 - قدرتها على التعامل مع الهواء بسلاسه سواء كان الهواء فى الامام او الخلف او خاصه من الجانب بحيث ان الرياح العرضيه وخلافه متتسببش فى تغيير مسار العربيه على سرعه

4 - التحكم الكامل فى توجيه العربيه فى اى اتجاه على السرعه وعدم وجود اى بطئ او فشل فى استجابه العربيه للتوجيه على سرعه عاليه لأن ده معناه ان العربيه من السرعه بتتحرك حسب اهواء الطريق وده معناه ان ضغط الهواء تحت العربيه مرتفع جدا والكاوتش مش فى حاله تسمح بالتماسك اللى يوفر للسواق التحكم الكامل

5 - تغيير الاتجاه الى الاتجاه المعاكس فجأه دون فقد السيطره او الانقلاب يدل على الثبات , بمعنى فى حاله دخول منعطف يمين مثلا على سرعه 80 والدركسيون وضعه نص لفه الى اليمين وفجأه تم تحويله الى نص لفه الى اليسار ولم يحدث اى انزلاق كبير او خروج عن المسار مؤشر قوى على الثبات التام فى السرعه المجربه

5 - بشكل او بأخر وجود فرمله جيده على السرعه تؤكد تلامس كاوتشات العربيه للطريق بشكل كامل ووجود grip مناسب , سواء استغرقت مسافه طويله او قصيره دى نقطه ترجع لقوه الفرمله نفسها لكن انا اقصد ان فى عربيات من ضعف الثبات لو لمست الفرامل على سرعه تحس انك فى الهواء وشويه وهتنزل على الارض فالفرامل تشتغل لكن بمجرد ما تدوس فى تأخر فى الاحساس بأن العربيه بتفرمل اساسا

أولا شكرا لك أستاذ / أحمد علي الشرح الوافي و الرد العلمي السليم و أعتقد أننا ممكن نتفق علي أن كل ماذكرته يمكن أن يكون معيار لقياس الثبات بحيادية مع أدخال بعض التعديلات البسيطة التي سوف أسردها فيما بعد

واضح ان اليارس فرقت معاك كتير يا ابو سمره :oc_sun1[1]:
على العموم تبادل يا ريس النوبيرا فتحالك دراعتها

مش للدرجة بالعكس انا اتعودت عليها خلاص و برضه بأعمل بيها اللي انا عايزه لما الظروف تسمح
اما عن المبادلة ... فده هايكون شرف ليا اني أركب عربية سيادتك طبعا

موضوع مفيد و متابعه بأهتمام ..
و الكل مشكور على الافادة ..