استفسار بخصوص صيانة الباسات

**aneo** · 27-09-2009 11:57 AM

كنت عاوز اروح اعمل صيانة للباسات و كنت عاوز اسال شوية اسئلة

1: صيانة ال55 الف بيتغيرلها ايه

2:بخصوص محمد سمير هل لازم اخد معاد و لا اروحله على طول

3:محمد سمير عندو زيوت و تيل و كده و لا لازم اشتريها من الشهابى و اروح اركبها عند محمد سمير ؟؟؟

4: هل يوجد فى الحرفيين حد بيبيع قطع كماليات (يعنى انا عاوز اشترى الفانوس الخلفى شمال بس الحتة الى الشمال منه يعنى الحتة الى بططلع مع الشنطة الى هى فيها نور الشبورة سليمة لكن الحتة الى فيها نور التابلوه مكسورة و المكسور الازاز بس لكن الكشفات سليمة فهل ممكن اشتريها لوحدها و لا لازم اشترى الفانوس بالكااااامل)
بردة العلامة الى ورا عندى مسروقة و الحتة البلاستك الى العلامة بتركب عليه مكسورة فهل ممكن اشترى الحتى البلاستك دى بس و لا لازم اشترى الحتة البلاستك بالسنسور الى وراها

**M.Mostafa80** · 27-09-2009 12:13 PM

هات حاجتك من الشهابى ورحله وبيتهيئلى بيبقى عندو زيوت
الحرفيين مليانه وروح لواح أسمو مجدى البيومى فى النزله أو لواحد أسمو الشهاب فى الأول وانت داخل وممكن تخد الجنب دا لوحدو لأنو مش هيأثر على التانى فى حاجه لأنو بيطلع مع الشنطه
ويفضل تجيب العلامه بالسينسور بتاعها ولو فيها فيشه يبقى هات العلامه بس من غير سينسور ومش عارف هيردو يفكوها من شنطه ولا لأ
وممكن تلاقيها جديده عند أشرف الشهابى

**M.Mostafa80** · 27-09-2009 12:14 PM

المتيب بتاع العربيه هتلاقيه مكتوب فيه ايه اللى المفروض يتغير

**aneo** · 27-09-2009 12:37 PM

المشاركة الأصلية كتبت بواسطة m.mostafa80

هات حاجتك من الشهابى ورحله وبيتهيئلى بيبقى عندو زيوت

المشاركة الأصلية كتبت بواسطة m.mostafa80

الحرفيين مليانه وروح لواح أسمو مجدى البيومى فى النزله أو لواحد أسمو الشهاب فى الأول وانت داخل وممكن تخد الجنب دا لوحدو لأنو مش هيأثر على التانى فى حاجه لأنو بيطلع مع الشنطه
ويفضل تجيب العلامه بالسينسور بتاعها ولو فيها فيشه يبقى هات العلامه بس من غير سينسور ومش عارف هيردو يفكوها من شنطه ولا لأ
وممكن تلاقيها جديده عند أشرف الشهابى

معلش اصلى اول مرة اروح الحرفيين فين النزلة دى ؟؟؟؟
الشهابى ده فى الحرفيين و لا فى حتة تانية و لو مش فى الحرفيين ممكن اجيب قطع الغيار الى هركبها (التيل مثلا )من اى حد فى الحرفيين و اركبها عند محمد سمير

هل محمد سمير يقدر يخلى النور الى فى الباب يشتغل (النور الى فى الباب من تحت لما تفتح الباب عشان الى جاى من ولا ياخد بالو)

**M.Mostafa80** · 27-09-2009 12:42 PM

الشهابى دا محل قطع غيار فى ش دمشق مصر الجديده وهو الوحيد اللى ممكن تاخد منو قطع الغيار الأصلى وانت مغمض
أما مجدى البيومى والشهاب اللى بقلك عليهم دول فى الحرفيين نفسها
أما محمد سمير فهو ورا حديق بدر قبل الحرفيين بحوالى محطيطين
يعنى تجيب حاجتك كلها الأول وبعدين تروحله
لو منزلتش الحرفيين قبل كدا هيبقى صعب قوى أنى أوصفلك لكن لو نزلت يبقى مفيش مشكله قولى وهوصفلك
اما نور التحذير بتاع الباب فهو هيقدر يشغلهولك لأنو من خلال الجهاز هيدخل على الكنترول بتاع العربيه ويشغله لو هى مجهزه أصلا بالنور ده

**aneo** · 27-09-2009 12:49 PM

انا منزلتش الحرفيين قبل كده
يعنى الشهابى هيبقى بعيد عن محمد سمير و لا قريب ؟؟؟ (معلش اصلى مش من القاهرة )
الشهابى ارخص من التوكيل ولا زيه ؟؟
محمد سمير ارحله على طول و لا لازم اخد معاد ؟؟؟

اسف على كثرة استفساراتى

**M.Mostafa80** · 27-09-2009 01:15 PM

الشهابى فى مصر الجديده ش دمشق امام بنك عودا
لكن محمد سمير دا فى شارع جسر السويس ولو معاك رقمو كلمو بس معتقدش أن عندو موضوع الحجز دا بس المهم تروحلو بدرى عشان مايرجعكش لأنو على بعد الظهر كدا بتبقى الدنيا أتزحمت عندو وما بيقبلش عربيات تانى
ومفيش أسف كلنا هنا أخوات وكلنا بنفيد بعض

**aneo** · 27-09-2009 01:25 PM

طيب محمد سمير ممكن يكشف على العربية و يقولى هى عاوز يتغير فيها ايه و لا انا الى اقوله غيرلى كذا و كذا اصل الكاتالوج معايا مش موضح ايه الى عاوز يتغير

يا ريت لة حد معاه باسات و عدت ال55 الف يقول غير فيها ايه عند 55 الف

**M.Mostafa80** · 27-09-2009 01:35 PM

طيب لو معاك رقمو كلمو واعرف منو صيانه ال 55 بيتعمل فيها أيه وجهزلو الحاجه ووانت هناك قولو يكشفلك على العربيه كلها وربنا يكرمك أن شاء الله

**aneo** · 27-09-2009 01:45 PM

الف شكر يا استاذ m.mostafa80
سؤال تانى معلش هى الحرفيين دى شارع مثلا و كلو محلات ولا حى و شوارع جانبية و لا ايه بالظبط هل ممكن اخشها بالعربية و العربية اركنها برة و اخش كعابى

الموضوع: استفسار بخصوص صيانة الباسات

LinkBack

أدوات الموضوع

عرض

-

-

-

-

-

المواضيع المتشابهه

استفسار بخصوص الباسات

استفسار بخصوص صيانة ال 5000

عاجل استفسار بخصوص ايرباج الباسات 2009

استفسار بسيط بخصوص الباسات

استفسار بخصوص الباسات 2009؟؟؟؟؟؟؟؟؟؟

الكلمات الدلالية لهذا الموضوع

المفضلات

المفضلات

ضوابط المشاركة