تيل فرامل الـa 113

**mero2008** · 27-09-2009 02:49 PM

يا جماعة حد يعرف محل قطع غيار اسبيرانزا يبيع التيل أرخص من التوكيل علشان التوكيل بيبيعه بـ 170ج ودا كتير جداً وكمان لو حد يعرف اذا كان في تيل مش أصلي يقوللي لحسن الاصلي بتاعها بيقعد بكتيره 13 الف ك ودا حرام طبعا اجيب تيل بـ170ج الاصلي ويقعد 13الف ك بس ؟
افيدوني اثابكم الله وشكراً

**x_gomgom** · 27-09-2009 03:26 PM

شوف هو في شارع دمشق في كذا محل بيبيع قطع غيار الاسبرانزا زي بيكين في شارع دمشق بجوار ابراهيم بتاع الفاميه...
و غيره كتير.. و كمان تيل ايه اللي بيقعد 13000 اكيد دا كلام التوكيل عشان يعملوا شغل...
يا رب اكون افدت

**mero2008** · 28-09-2009 12:08 PM

المشاركة الأصلية كتبت بواسطة x_gomgom

شوف هو في شارع دمشق في كذا محل بيبيع قطع غيار الاسبرانزا زي بيكين في شارع دمشق بجوار ابراهيم بتاع الفاميه...
و غيره كتير.. و كمان تيل ايه اللي بيقعد 13000 اكيد دا كلام التوكيل عشان يعملوا شغل...
يا رب اكون افدت

بقول التيل بيخلص على 13000ك فعلاً مش كلام التوكيل انا بسمع صوت في التيل لما بدوس فرامل

**x_gomgom** · 29-09-2009 02:43 AM

انا بالفعل مستغرب جدا ان تيل الفرامل بيقعد 13000؟ ممكن يكون النوع بتاعه مش كويس او هو عمره الافتراضي قليل و الله اعلم ان عندي بيقعد 20 الف و ممكن اكتر....
بس هي المحلات اللي بتشتغل في الاسبرانزا بالفعل كتير في دمشق و سمعت ناس كتير بتشكر في بيكين اللي هناك..
و ربنا يوفقك

**x_gomgom** · 29-09-2009 02:47 AM

و ممكن تكون الصفاره اللي حضرتك بتسمعها ناتجه عن احتكاك رمل او ما شابه بين سطح التيل و الطنبوره ...
ممكن حضرتك لما تكون العربيه بارده تغسل الطنابير و الكلبارات اللي راكب فيا التيل بالماء عشان لو في عوالق تنزل و متنضفهاش و الطنابير سخنه عشان متضرش....
يا رب اكون افدت

**mero2008** · 29-09-2009 03:11 PM

الصوت اليومين دول راح دا غير ان انا مش واثق في الميكانيكي الي قاللي كده عايز يشتغل وخلاص وياخد 20 ج التركيب ويولع الزبون

**x_gomgom** · 30-09-2009 02:39 AM

كمان احب اقول لحضرتك ان في بعض انواع التيل بالفعل لما تسخن بتعمل صوت الصفاره اللي حضرتك بتسمعه و تحس ان التيل خلص....
جرب حكايه النضافه المذكوره سابقاً بتفيد عن تجربه و في ميكانيكيه بالفعل بيحبوا بس يغير من غير ما يتأكد و كل واحد و ضميره...
يا رب اكون افدت

**mero2008** · 02-10-2009 05:06 PM

في واحد بتاع قطع غيار في الدقي قاللي ان في اختراع جديد النااس بيعملوه هو ان تيل الفرامل بتاعت الفيات ريجاتا نفس الشكل بس في حته في الباده بتاعت التيل بتتخرط عند الخراط وتركب وبيقول ان خامة التيل بتاعته حلوه جداً لأنها إيطالي وبـ60ج بس وانا نفسي شوفت التيل شبه بتاعي بالظبط بس في أختلاف فعلا في شفتين الحديد بتاعته ممكن فعلاً تتخرط لو جربت الموضوع ده ونجح حنشره على المنتدى