البنزين 80 و 90

**د.محمود صلاح** · 28-09-2009 02:22 AM

جميع البنزين فى مصر خالى من الرصاص

**ahit** · 30-09-2009 06:37 AM

بس تأخير الكهربا بيأثر على السحب أكيد

**ابوهاشم** · 30-09-2009 08:56 AM

بس خلو بالكم ان نوع العربيه بيفرق كثير
يعنى مثلا فورد سكورت فى منها عربيات 1300سى سى
مكتوب فى الكتالوج بتاعها انها تعمل ببنزين يبدأ من 91 اوكتان
كان واحد صاحبى معاه العربيه دى وجرب ال80 والعربيه اتبهدلت
ودلوقتى رجع يمون 92

**أحمد كمال** · 30-09-2009 06:32 PM

المشاركة الأصلية كتبت بواسطة islambana

ظبط الكهرباء علي 80 ده بيتم بأنك تفول العربيه كلها80 من محطه نضيفه وتروح للميكانيكي او الكهربائي بتاعك علشان يأخرلك كهرباء العربيه سنه (يأخر وقت الشراره سنه بسيطه )بأختصارللميكانيكي انا غيرت م ن 90 الي 80 ظبطتلي الكهرباء وهو هيفهم

وده لان ال80 بيحتاج ينضغط اكتر من ال90 علشان تاخد الطاقه اللي فيه كلها لكن كده انت مابتستفيدش من كل الطاقه الموجوده في البنزين وفي العربيات الحديثه العمليه دي بتبقي عن طريق فيشه الاوكتين

العكس يا باشا

اما تحط 80 بتبدر الشرارة مش بتأخرها

و ال90 هو اللي بيستحمل انضغاط اكتر

انما لو ضغطت ال 80 نفس ضغط التسعين هيعمل حاجة اسمها انفجار ذاتي Spontaneous detonation و ده بيسبب التصقيف

**ahit** · 01-10-2009 05:21 PM

بس أنا لما بعلى الكهربا مع بنزين 80 العربيه بتسقف !!!!!!!!!!!!!!!!

**أحمد كمال** · 01-10-2009 05:50 PM

المشاركة الأصلية كتبت بواسطة ahit

بس أنا لما بعلى الكهربا مع بنزين 80 العربيه بتسقف !!!!!!!!!!!!!!!!

مش حكاية عالي و واطي

حكاية بدري و متاخر

ليه؟

محركات العربيات تعمل بتقنية محركات الاربع اشواط

Four stroke engine

يعني ايه؟

يعني كل سلندر بيشتغل على اربع مراحل

الاربعة هما

Intake
Compression
Combustion
Exhaust

أو

ادخال خليط الوقود
الضغط
الحرق
اخراج العادم

اللي هما ايه؟

اول مرحلة البستم بيبقى في اول مشواره و السلندر فاضي .. عمود الكامة بيفتح صبابات البنزين و الكربراتير او الرشاشات بترش خليط البنزين و الهوا

تاني مرحلة البستم بيخش لجوة يضغط البنزين و الهوا و عشان الخليط ما بيهربش الصبابات بتقفل

تالت مرحلة و البستم ضاغط البنزين عالاخر البوجيه يشتغل يفجر البنزين و يفتح البستم على اخره

رابع مرحلة البستم يمشي نفس المشوار زي التانية بس و الفرق ان صبابات العادم هي اللي مفتوحة و صبابات البنزين مقفولة عشان يطرد العادم

عشان نفهم الموضوع بيحصل ازاي ..... البنزين عشان يديك طاقة حركية لازم تحرقه تحت ضغط عشان ينفجر و يديك

المشكلة ... ان البنزين اي بنزين تحت ضغط معين بيفرقع ذاتيا بدون حرارة او شرارة

و المشكلة دي اكتشفوا ان كل ما الاوكتان يقل و يزيد بدائله (الهيبتان) بيفرقع تحت ضغط اقل

عشان كده فيه علاقة مباشرة بين نوع البنزين اللي العربية بتحتاجه و معدل الانضغاط بتاع الموتور

و عشان كده لو هتحط بنزين اقل محتاج تبدر الشرارة يعني تبدر الشوط التالت

و ده بيقلل اداء المحرك بس من غير ما يضره (لان التسقيف معناه ان البستم اتزق هو و العمود غصب عنهم)

فيه عربيات زي اللانسر عندي فيها knock sensor او حساس تسقيف لما تسقف يعمل retardation للموتور من غير ما يضره

-

-

الموضوع: البنزين 80 و 90

LinkBack

أدوات الموضوع

عرض

-

-

-

-

-

المواضيع المتشابهه

أزمة البنزين ومؤشر البنزين لعربيتى الكورولا 2003 مانيوال

وزير البترول يناقش اليوم صرف البنزين بكوبونات لرفع الدعم عن البنزين

البنزين بقي يتشفط من بعد أزمة البنزين .. أستهلاك عالي ... حد بيحصل عنده كدة ؟

هل يوجد علاقة بين نوعية طلمبة البنزين واستهلاك البنزين وسحب العربية ؟

ما رأيكم فى محسنات البنزين (محسن أوكتين البنزين) للباسات و الجيتا ؟؟!!

الكلمات الدلالية لهذا الموضوع

المفضلات

المفضلات

ضوابط المشاركة