عرض للطباعة
ليا ناس صحابي عايزين يفتحوا محل بلاي ستيشن .. و سالوني عن الاجراءات و كدة زي المحل و التصاريح و المصنفات ...بحيث ميبقاش في مشاكل بعد كدة ... انا قولت مفيش غير اعضاء نايل موتورز اللي يقدروا يفيدوني .. انا عايز اعرف كل حاجة عن المشروع ده ...يعني المحل يبقي ايجار و لا تمليك احسن .. التصاريح اللازمة ... الاجهزة المطلوبة .. الشاشات .. الالعاب .. هل في تصريح من المصنفات علي حاجة معينة و لا ايه ؟؟
جزاكم الله خيرا
الافضل طبعا يكون تمليك لكن لو ايجار حاول الا يتعدى الايجار عن 800ج وكلما قلت المصاريف كلما كان افضل طبعا
بالنسبه للمصنفات هايعمل الاول بطاقه ضريبيه وبيها وبالعقد وايصال كهرباء يقدر يطلع تصريح من وزارة الثقافه بمزاوله النشاط طبعا مع توافر الشروط واللى هى اهمها ان الالعاب تكون بسى دى اوريجنال
وفى معاينه للمكان من جهات امنيه اللى فاكره ان مايكونش فى مسجد او مدرسه قريبه من المكان
بالنسبه للاجهزه ابعد عن البلاى استيشن 3 خليك فى 2 واهم الالعاب طبعا فيفا
بالنسبه للمكان والديكور هاقولك على نظلم فظيع جامد جدا بص ياسيدى اولا الشاشات حاول بقدر المستطاع تكون 32بوصه
يكوت تحتها طربيزه ارتفاعها من الارض حوالى 50سم وتعمل نظام قاعده عربيى (سجاد وشلت ) على الارض ويكون ظهر اللى بيلعب على الحيطه وتعمل المشروبات مجانا عباره عن كاتيل كهربائى وسكر وشاى باكيت واللى عاوز يعمل حاجه يعملها بنفسه
مع شويه اضواء خفيفه كده واستيكارات
واعرف اسعار الساعه فى المنطقه وانزل عنها بحوالى 2ج واعمل عروض ياعنى مثلا كل اربع ساعات ساعه مجانا
والمكان مفتوح 24 ساعه وطبعا بالتناوب
والله الموفق
الف شكر ليك يا باشا علي سرعة الرد ... بس يا تري ليه ابعد عن البلاي ستيشن 3 و اخليني في بلاي ستيشن 2 ..مش مفروض يبقي احدث حاجة ؟؟اقتباس:
المشاركة الأصلية كتبت بواسطة mohamedezat
الجهاز سعره غالى جدا وده هايخليك تغلى فى سعر التايم بتاعه والاقبال عليه مش هايكون كبير
السلام عليكم
اضافه لكلام الاستاذ محمد عزت
محلات البلاى ستيشن بتاخد ترخيص من المصنفات الفنيه التابعه لوزارة الثقافه ومكانها خلف الاوبرا باب الدخول بجوار النادى الاهلى وتعتبر كمان خلف برج القاهرة
كانو بيحصلو مبلغ 253 جنيه سنويا
كل المطلوب للتقديم للترخيص
عقد ايجار
بطاقه ضريبيه
سجل تجارى او ايصال التقديم للسجل التجارى
اهم حاجه لازم تحدد لهم مين المدير للمحل وتاخد معاك صورة بطاقته
لأن المدير هو المسئول امام الجهات الرسمه ومش شرط يكون صاحب المحل
بيطلبو دمغه ب 2 جنيه تقريبا
طبعا لو لسه ماعملتش البطاقه والسجل مش مشكله
بتروح تقدم عقد الايجار وبيقولولك هات باقى الاوراق عند استلام الترخيص
الترخيص بياخد شهر لانه لازم يتعمل استعلام امنى على المكان
رقم تليفونهم 7358328 - 7358317
بس مش عارف الرقم قبله 2 ولا 3 بعد تعديل الارقام
طبعا شرط عدم وجود اجهزة كمبيوتر وانترنت فى نفس المكان
لان الكمبيوتر له ترخيص تانى من القريه الذكيه وموضوعهصعب شويه والغرامه لاقدر الله فى حالة العمل بدون ترخيص بتوصل ل 5000 جنيه ومصادرة الاجهزة
واى استفسارات انا موجود
شكرا على المعلومات القيمة