خطاب القذافى أصاب المترجم بالانهيار

**mobitic** · 27-09-2009 04:55 PM

أصاب الخطاب الطويل للزعيم الليبى العقيد معمر القذافى أمام الجمعية العامة للأمم المتحدة الأربعاء الماضى، المترجم المكلف بالترجمة الفورية، بالانهيار من شدة التعب.
تمكن المترجم الليبى من ترجمة ٧٥ دقيقة من خطاب القذافى الطويل الملىء بالتكرار، لكنه فى النهاية ألقى بالسماعتين قائلاً: «لم أعد قادراً على الاستمرار»،
كما ذكرت صحيفة «نيويورك بوست» فى عددها الصادر أمس الأول، وعلى الفور توجهت المسؤولة عن قسم المترجمين العرب فى الأمم المتحدة لنجدته، وتولت الترجمة خلال الدقائق العشرين المتبقية من الخطاب.
وقال أحد زملاء المترجم للصحيفة: «لقد انهار من الإرهاق»، مشيراً إلى «أنها المرة الأولى التى أرى فيها مثل هذا الأمر طوال ٢٥ عاماً».
وتقضى قوانين ولوائح الأمم المتحدة بألا تتجاوز مدة خطابات رؤساء الدول أمام الجمعية العامة ١٥ دقيقة.

المصدر : المصرى اليوم

**maka** · 27-09-2009 06:49 PM

75 دقيقة يعنى ساعة وربع ليه؟؟؟؟؟؟؟؟؟؟

بيحل مشكلة الوطن العربى

**tutankhamoun** · 27-09-2009 07:13 PM

هو أصلا المترجم ده كان ضعيف جدا في الترجمة و غير متمكن ........... أنا سمعت الحوار كله مترجم مباشر ......... و الترجمة كانت سيئة جدا .

بس هو عموما القذافي بصراحة خطابه كله مكرر و مفيهوش أي كلام مفيد ........ تحس أنه قاعد على قهوة و شغال كلام في كلام .

نجادي ........ و شافيز .......... كلمتهم كانت حلوة ...... بس نجادي زنق نفسه في ركن ملوش أي لزمة .

عموما ربنا يهدي

**MoToRiZeR** · 27-09-2009 07:27 PM

75 + 20 = 95 دقيقة !!
ماتش كورة يعني !

**elansary** · 27-09-2009 07:30 PM

بصراحة كلمتة بتبقي ممتعة

**MoToRiZeR** · 27-09-2009 07:47 PM

يا باشا حتي لو ممتعة .. أقعد أسمع واحد بيتكلم ساعة و نص ليه !!
ده فيه أفلام فيها 700 واحد و أحداث و إنفجارات و حروب و الواحد بيلاقي نفسه زهق و بتبقي بالكتير ساعة و نص !

**youssefmustang** · 27-09-2009 09:18 PM

القذافى ده راجل لاسع بس اسمه راجل محترم بيقدر شعبه وبيجى من الاخر فى اى حوار جد
يعنى مثلا العرب ساعة حرب غزة ادلعو وقعدو يعملو حورات القذافى يقول : العرب خونة ... من غير كلام ولا اى حوارات
وهكذا على العموم انا معايا الكتاب الاخضر بتاعه .
اخوكم يوسف

**Sharky** · 27-09-2009 09:47 PM

المشاركة الأصلية كتبت بواسطة motorizer

75 + 20 = 95 دقيقة !!
ماتش كورة يعني !

و من غير راحة بين الشوطتين كمان !

**mohamedbook** · 27-09-2009 10:11 PM

مهو انتم متعرفوش اصل الرئيس المصري ادالة لقب ملك ملوك افرقيا من حقة يتنفخ علي اي حد بقة
ويتكلم زي مهو عايز والكل يسمعة
اظاهر فاكر نفسة الحجاج ابن يوسف الثقفي

**elansary** · 27-09-2009 10:34 PM

بصراحة ياريت يكون عندنا واحد زي القذافي علي الاقل مريح شعبو ومعيشهم عيشة محترمة

الموضوع: خطاب القذافى أصاب المترجم بالانهيار

LinkBack

أدوات الموضوع

عرض

خطاب القذافى أصاب المترجم بالانهيار - انشر الموضوع فى :

-

-

-

-

المواضيع المتشابهه

خطاب القذافى الجديد لاهالى الزاوية

تعليقات على خطاب القذافى امس من موقع twitter

خطاب القذافى!!!!!!!!!!!!!!!

خطاب متظاهر في التحرير (اهم من خطاب الرئيس)

الكلمات الدلالية لهذا الموضوع

المفضلات

المفضلات

ضوابط المشاركة