السلام عليكم ورحمة الله وبركاته
اخواتي يا ريت نصيحتكم لان الموضوع بجد هام جدا بالنسبة لي
انا معايا فيرنا 1500 تكييف وباور وكاسيت اترخصت اغسطس 2007 عاملة 6500 كم
وان شاء الله هسافر للعمل خارج مصر خلال شهر وعاوز ابيع العربية واسدد ثمنها للبنك واخلص طالما لن استخدمها
1 - رايكم ابيعها ام لا ؟
2 - عاوز اعرف تجيب كام بسعر السوق الحالي ؟
السلام عليكمورحمة الله وبركاته
ايه يا جماعة مفيش ردود ليه
يا ريت الافادة
و الله يا أستاذ طارق كنت أود المساعدة و لكني مش فاهم قوي في الهيونداي ............
و بما أني دخلت و قرأت الموضوع فحسيت أنه من الأمانة أرد عليك حتى لو مش عارف :| :| :| :| :|
سعرها هينزل من 10 : 5 الاف جنيه عن سعر الزيرو بتاعها
الميزة عند حضرتك إن الفيرنا غليت في الفترة السابقة ده غير إنها مش متوفرة أوي فأعتقد خسارتك هتبقي الحد الأدني بالنسبة للسعر اللي اشتريت بيه و مش هتاخد وقت في بيعها يعني خسارة قريبة
المشكلة بقه في فوائد البنك ، يبقي حضرتك تشوف ينفع تسوي مع البنك و لا لأ و التسوية هتخسرك كام و تحسبها
بخصوص تبيعها و لا لأ ،، دي نظرية اقتصادية ترجعلك ،، حضرتك هتسافر تجربة و احتمال ترجع ولا لأ و لا مسافر فترة طويلة اكيد
اخويا مثلآ مسافر و مستقر بس رافض يبيع عربيته و بيقول كده كده شهر الأجازة هآجر عربية اقل حاجة بثلاث الاف جنيه
و في نفس الوقت عربيته شاهين موديل 98 فسعرها مبيزيدش و لا بينقص المبلغ الفظيع
و ممكن واحد تاني يقول أيه اللي يخلني اركن فلوس مابستخدمهاش استخدمها في حاجة تانية افضل
في حل تالت بص صعب لو حد أمانة تعرفه ياخدها و يأجرها لحسابك
طالما قسط يبقي بيعها و سدد فلوسها (لو الفايدة اللي فاضلة حتتلغي)
لو حتدفع الفايدة حتي لو سددت كاش يبقي ارفعها احسن - تنفعك في الاجازات
*نصيحة ليك اوى تأجرها لحد سواء معرض او غيرة لانك هتاخدها بعد كدة حتة خردة
*بالنسبة للتخليص مع البنك لاانصح بيه لان اى بنك هايقولك اخد نسبة لا تقل عن 3% على المبلغ ويشيلك الفوائد
*لوهيا مريحاك ممكن ترفعها وتستعملها فى الاجازات
او تبيعها لواحد تعرفة وتكون واثق فية بحيث تأخد انت المقدم اللى دفعتة وهوا يسدد القسط نيابة عنك
وربنا يوفقك فى الخير وصلى استخارة قبل ما تعمل اى حاجة .
+1اقتباس:
المشاركة الأصلية كتبت بواسطة ahmed1900
السلام عليكم ولرحمة الله وبركاته
اولا : متشكر جدا لكم علي الردود والنصائح
ثانيا : البنك هياخد 2 % نسبة ويشيل الفوائد
لا يبقي الاحسن انك ترفعها و تستعملها في الاجازات و لما تيجي تستقر نهائي في مصر تبقي تبيعها و حتون برضه لسه بحالتها و حتتباع بمبلغ كويس دا رايي الشخصي و حضرتك طبعا شوف ايه اللي يريحك لكن انا لو مكانك و مش محتاج الفلوس حسيبها مش حبيعها.
و تروح و تيجي بالسلامه يا رب :-)
+1اقتباس:
المشاركة الأصلية كتبت بواسطة hazem_khidr
لو النسبة 2 % بس اعتقد معقولة
يعني لو حضرتك مقسط 50 ألف ده لو بالكتير لأن العربية بحالها كان تمنها 63 ألف
يبقي هتدفع 1000 جنية بس ،،
خسارة مش ضخمة ،، لو عايز تستغل الفلوس في حاجة تانية
نصيحة..........خلص مع البنك........هذا النوع من المعاملات مشكوك فى شرعيته.ودى فرصه تخلص مهما كانت الخسارة.هترتاح جدا بعد العملية دى................لا تؤجرها.لا ترفعها اوتتركها.................لما ترجع اجر واحدة .ولم ترجع نهائى ربنا يكرمك وتشترى احسن منها وكاش..اخلص من البنك.اخلص من البنك..اخلص من البنك......اللهم انى قد بلغت اللهم فاشهد
هو ده الكلاماقتباس:
او تبيعها لواحد تعرفة وتكون واثق فية بحيث تأخد انت المقدم اللى دفعتة وهوا يسدد القسط نيابة عنك
لو حد قريبك او صاحب ثقة يشيلها منك و تنزل له من تمنها سنة بسيطة
أنصحك بالتخليص مع البنك والبعد عن التعامل مع البنوك وابتغ وجة الله وهذا ربا صريح واحسبها من هذه الناحية ومن ترك شيئا لله عوضه خيرا منه وربنا يوفقك وكدة كدة العربية هتخسر بسبب ركنتها ولا تأمنن أحدا على نفسك الا نفسك
اقتباس:
تبيعها لواحد تعرفة وتكون واثق فية بحيث تأخد انت المقدم اللى دفعتة وهوا يسدد القسط نيابة عنك
فيه حل تاني انك تبيعها قسط برضه تاخد المقدم اللي انت دفعته تقريبا و القسط اللي حتاخده تدفعه للبنك او انك تبيعها نهائي تقريبا سعرها لو هي سليمه زي مابتقول ومافيهاش خدش في حدود 56 - 57 الف
مانصحكش خالص برفع العربيه لانها غالبا حتتبهدل طالما انت بعيد عنها خصوصا لو اترفعت في ( جراج ) مثلا