| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 7 1 2 3 4 5 6 ... الأخيرةالأخيرة
النتائج 1 إلى 10 من 68

  1. #1

    الصورة الرمزية mr_shims_49

    رقم العضوية : 21567

    تاريخ التسجيل : 09Oct2008

    المشاركات : 909

    النوع : ذكر

    الاقامة : 6th of october

    السيارة: IBIZA 2009

    السيارة[2]: NUBIRA II

    دراجة بخارية: no

    الحالة : mr_shims_49 غير متواجد حالياً

    افتراضي حصريا التقرير الكامل المصور للابيزا 2009 !!!! - Facebook Twitter whatsapp انشر الموضوع فى :

    hasad">

    بسم الله الرحمن الرحيم
    السلام عليكم ورحمة الله وبركاته


    انا النهاردة هاعملكو تقرير عن الابيزا ال 2009 و انا بعتذر عن التأخير بس كنت مسافر و قلت برده كويس عشان ابقي اخدت فرصة كافية اعرف كل حاجة عن العربية عشان ان شاء الله اعمل تقرير شامل و يستفيد منه كل اللي مايعرفش العربية دي يلا بقي نبدأ التقرير بس معلش استحملوني شوية هاطول عليكوا عشان اقول كل حاجة ان شاء الله جاهزين ؟؟
    السيارة : سيات ابيزا
    الموديل :2009
    الموتور: 1600 سي سي
    الفتيس : اتوماتيك تيب ترونيك 6 نقلات


    مكان الشراء : المصرية للسيارات فرع كورنيش المعادي
    اللون : فراني
    السعر : 110 الف جنيه


    المواصفات :
    1- الموتور 1600 سي سي 105 حصان صافي

    2- الفتيس تيب ترونيك 6 نقلات و تأثيره بيبان اوي علي السرعات العالية

    3- ABS +EBD

    4- EPC و ده باور مزود بحساس سرعة بيخلي الباور يتقل بالتدريج مع زيادة
    السرعة مما يؤدي الي زيادة الثبات و التحكم في السيارة

    5- 2 اير باج

    6- راديو و كاسيت سي دي ام بي ثري مزود بوصلة aux و اربع سماعات و اربع
    تويترات صوته أكثر من رائع

    7- تكييف بكر التكييف بجد فظييع جدا تلاجة فعلا

    8- وحدات رفع تعمل عند غلق السيارة بالمفتاح و كذلك عند الفتح بالمفتاح كل الازاز
    بيفتح زي معظم العربيات الالماني

    9- حساس للازاز بحيث لو حد قفل الازاز و في حد حاطط ايده عليه بيطلع و قبل ما يقفل علي ايده بينزل تاني لوحده اتوماتيك و دي ميزة حلوة اوي عشان الاطفال

    10- دريكسيون مالتي فانكشن

    11- امكانية التحكم في شدة اضاءة نور التابلوه

    12- امكانية التحكم في ارتفاع و انخفاض مستوي اضاءة الفوانيس الامامية

    13- فوانيس شبورة خلفية

    14- الدريكسيون قابل للحركة في اربع اتجاهات (اعلي-اسفل-للخارج-للداخل)

    15- جنوط حديد و طاسات شكلها شيك اوي و لايقة علي العربية جدا

    16- مفتاح بريموت كنترول

    17- اريال سقف

    18- سبويلر داخل في تصميم العربية شكله شيك جدا

    19- الفتيس مكسي جلد طبيعي نضيف اوي ملمسه ممتاز بصراحة

    20- التحكم في المريات الجانبية كهربائيا من الداخل بزرار فكرته لذيذة اوي

    21- درج التخزين واسع جدا و منظم

    22- يوجد درج تخزين آخر علي يسار السائق مكانه حلو اوي

    23- مساند رأس متحركة مريحة جدا في كل الاوضاع

    24- شاشة بها الساعة و درجة حرارة الجو الخارجية

    دي المواصفات يارب بس اكون مانستش حاجة و دلوقتي بقي هابدأ اقولكوا تقييمي الشخصي عن العربية و أعلق علي المواصفات دي

    - الشكل الخارجي :- تصميم العربية فعلا شيك جدا بجد في الصور حاجة و لما تكون واقف ادام العربية حاجة تانية بجد بتحس فعلا بشياكتها . مقدمة السيارة جريئة جدا كا أغلب تصميمات سيات و بتبان جرئة التصميم خصوصا و العربية ماشية و كذلك ايضا الجزء الخلفي للسيارة مميز جدا جدا و شكله تحفة بصراحة انا بحب منظرها من ورا اوي خصوصا ان غطا الشنطة نص مقوس كده و ده مخلي منظرها انسيابي و اكثر شبابية .
    الخلاصة :- الشكل الخارجي متميز رياضي ايروديناميكي يساعد علي ثبات السيارة و تقفيل السيارة الخارجي ممتاز و مفيهوش غلطة.

    و دي شوية صور للسيارة من برة











    كفاية صور كده زمانكوا زهقتو مني نكمل كلام بقي
    - الشكل الداخلي :- بالرغم من ان تابلوه العربية بسيط جدا الا انك اول ما تدخل العربية تحس بنضافة الخامات الداخلية و تحس انها متينة كده و بليل بقي هتلاقي المفاجأة ان الشكل البسيط ده مع الاضاءة الحمرة الرائعة جدا في نظري بتخلي شكل التابلوه قمة في الشياكة و بحس بده اوي لما بركب عربية حد من اصحابي خصوصا لو عربية مش اوروبي بدون ذكر اسماء عشان ماحدش يزعل بحس ان عندي الاصل و العربية التانية تقليد بجد انا ركبت عربيات كتيير جدا بس ماحستش في اي عربية ان التابلوة و الخامات الداخلية متينة بالمنظر ده و شكلها حمالة آسية التقفيل طبعا مش هاتكلم عليه مافيهوش غلطة بمعني الكلمة بصراحة تقفيلها 100% و عزل الصوت هايل الصراحة بيدخلك بس نسبة بسيطة من صوت الموتور عشان تحس بالعربية زي كل الالماني و اصلا الموتور صوته حلو جدا تحب تسمعه بالذات لو بتشد مع حد اما الفرش الاصلي شيك جدا جدا ولايق اوي علي العربية و علي الوان الخامات التانية نفسي اسيبه بس لازم اركب فرش عشان ده مايبوزش
    - الخلاصة :- الشكل الداخلي بسيط و رقيق نهارا قمة الشياكة ليلا مع الاضاءة خامات نضيفة جدا جدا و قوية اوي و لو ركبت اي عربية مش اروبي هاتحس الفرق واضح جدا و الفرش الأصلي شيك اوي
    للاسف انا ماصورتش من جوه بليل بس دول برده شوية صور كده و في صور تانيه هاحطها و انا بتكلم في التفاصيل اللي قلناها فوووق









    - الموتور :- الموتور 1600 سي سي بيطلع 105 حصان صافي تخيلوا بقي علي عربية بالحجم ده هايعملوا ايه بجد السحب فوق الممتاز خصوصا علي السرعات العالية انا جربت اعمل كيك داون وانا علي 120 بجد العربية بتتطير اكني مثلا علي 60 و عملت كيك اقصي سرعة جبتها لحد دلوقت 180 علي الصحراوي و فضلت ماشي حاولي 5 دقايق علي نفس السرعةوكنت مشغل التكييف كمان بس كان معايا ولاد اخني و كده لسه بصراحة ماطلعتش علي طريق حلو وانا لوحدي عشان اشوف اخرها الطلعة مش تقيلة خالص يعني جربت انا و واحد صاحبي معاه نيو سيراتو طلعنا مع بعض من علي مطب طالع معاه والله فرق بيني و بينه لايذكر و اول ما فتحنا انا فرقت عنه شوية و بعدها الطريق وقف ماكملناش بس طبعا علي السرعة العالية الابيزا تكسب و كمان في الطلعة الفرق شبه معدوم والله يعني كان اول العربية في نص الرفرف الامامي عنده لحد مادخلنا في الغيار التالت انا طلعت منه . البنزين عايز اقولكوا الاستهلاك بجد العربية استهلاكها قليل جدا جدا ولا بيفرق معاها تكيف ولا غير تكييف انا اصلا من يوم ما جبتها 90 % من الوقت مشغل التكييف فعلا مريحني اوي موضوع البنزين ده .
    - الخلاصة :- الموتور قوي جدا ماشاء الله خصوصا علي حجم العربية ووزنها الخفيف سحبه فوق الممتاز و ينفع في الشد و الجري استهلاكه للبنزين رائع جدا جدا و للعلم هو نفس موتور الجيتا


    - الفتيس :- الفتيس تيب ترونيك (اتوماتيك و مانيوال ) 6 نقلات مش 4 زي معظم العربيات الاتوماتيك و ده مدي للعربية ميزة علي السرعة تجميعها سريع جدا و خصوصا لما بنقل علي السبورت درايف بجد بيبقي فاضلها اجنحة وتتطير الفتيس ماتحسش بيه و هو بينقل ناعم جدا و اليد بتاع الفتيس نفس شكل اليد بتاع الجيتا لأن الفتيس و الموتور اصلا هما هما اللي راكبين في الجيتا و اليد مكسية بجلد طبيعي نضيف جدا و فيه حتتين كروم كده و شكله شيك اوي و ادي صورة ليه



    - الثبات :- فظييييييييييييييييييييييي ييييييييييييييييييييييييي ييييييييييع بجد العربية ماشاء الله لحد ال 180 عادي جدا بصراحة مجربتش ازود لسه بس كفاية اوي انها لحد 180 ثابتة تماما
    انا والله بدخل بيها ملفات 140 و هنا بيبان الثبات الحقيقي للعربية و الحمد لله عمرها ما خانتني لا في غرزة ولا ملف يعني من الاخر الثبات ممتاز جدا اديها فيه 9.9 من 10

    - الدريكسيون و الباور :- ناااااااعم اوي اوي اوي خصوصا و العربية واقفة ايوه ماتستغربوش اكتر وقت بيكون ناعم فيه الدريكسيون و العربية واقفة و علي السرعات العالية بيتقل شوية و ده بيساعد علي الاتزان ده غير ان الدريكسيون صغير سهل جدا في استخدامه و بيسهل اوي ركنة العربية فعلا و سهل التحكم فيه و بيتحرك في اربع اتجاهات زي ما قلت فوق فيه مالتي فانكشن و شكله شيك اوي و اللوجو بتاع سيات في النص مخلياه شكله لذيذ اوي مش هاحط صورة بقي هو موجود في الصور اللي فوق .

    - الفرامل :- حدث ولا حرج حاجة كده من الاخر حاجة وهمية فعلا و ال abs و ال ebd مؤثرين جدا جدا جدا فعلا مش اسمهم موجودين و خلاص زي عربيات تانية انا مش هاتكلم عنها كتير هي مش محتاجة كلام لأنها بجد حلوة اوي اوي هاحكيلكوا موقف بس كنت ماشي 130 و كان في كلب صغير كده بيعدي الطريق ماكنتش واخد بالي منه فجأة جه وقف ادامي انا مافكرتش في اي حاجة ساعتها غير اني لازم ماخبتش الكلب ده انا فرملت بأمانة العربية شبه وقفت في غمضة عين و جيت شمال شوية و هو بدأ يتحرك نحية اليمين وقفت و نزلت بصيت عليه لقيته سليم و عدي الطريق و نام علي الارض تقريبا من الخضة انا كمان كنت عايز انزل انام جنبه ساعتها بجد احترمت العربية دي

    - التكييف :- قوي جدا جدا جدا جدا عمري مازودته عن 2 في عز الحر اول مرة اشوف تكييف الماني بيشبر الازاز زي بتاع التويوتا بجد ماشاء الله عليه فعلا تبريده قوي اوي و مابيخدش وقت عشان يبرد العربية من اهم مميزات العربية دي ان التكييف قوي فعلا و مبيأثرش علي الموتور زي ماقلت فوق كنت جايب 180 و التكييف كان شغال

    - الاير باج:- يوجد بها 2 اير باج للسائق و الراكب الامامي .

    - الكاسيت:- صوته حلو جدا و نقي و راكب عليه 4 سماعات و اربع تويترات صوتهم تحفة بيشغل سي دي ام بي ثري و كمان في وصلة aux لو عايز تستخدم ام بي ثري بلاير ولا حاجة و الراديو استقباله حلو جدا و بيلقط بسرعة و طبعا في تحكم في من الدريكسيون في الكاسيت (مالتي فانكشن )

    - الازاز:- به وحدات رفع تعمل فقط عند غلق الابواب بالمفتاح يعني لو سايب ازاز مفتوح و قفلت بالمفتاح بيرفع الازاز لوحده و كمان لو جيت تفتح العربية بالمفتاح كل الازاز بينزل لوحده زي الاوبل فيكترا و كمان فيه حساس عشان لو حد حاطط ايده مثلا و حد رفع الازاز بيفضل يطلع لحد قبل ما يقفل علي ايده و ينزل لوحده اتوماتيك.

    - الشنطة:- الشنطة معقولة و واسعة بالنسبة للعربيات السوبر ميني اللي في فئتها


    - درج التخزين:- واسع جدا و الغطا بتاعه منظم فيه مكان لقلم و مكان للرخصة و اماكن ممكن تحط فيها كروت او اي حاجة و فيه كمان مكان مخصص للنظارة


    - درج التخزين الاخر:- مكانه علي يسار السائق مكانه لذيذ جدا و عملي و كبير ممكن تحط فيه اي حاجة انا شخصيا حاطط فيه تحويشة العمر و هاتشوفها في الصور


    - المرايات:- المرايات الجانبية يتم التحكم فيها من الداخل بزرار فكرته حلوة اوي و عاجباني و مراية الصالون واضحة جدا و مجال رؤيتها ممتاز


    - اضافات:- يوجد ايضا فوانيس شبورة خلفية كما يوجد امكانية التحكم في درجة اضاء التابلوه و التحكم ايضا في ارتفاع و انخفاض مستوي اضاء الفوانيس الامامية و البكر الي بيتحكم فيهم موجود في الصورة اللي فيها تحويشة عمري هههههههههه


    - العيوب:- والله مش عايز اقول مافيش عشان الناس ماتقولش بيكدب بس انا فعلا لحد دلوقت ماقبلتش عيوب بس عشان ماحدش يزعل الحاجة الوحيد اللي ممكن تكون عيب ان الكنبة اللي ورا ضيقة شوية بس بالنسبالي مش مشكلة لأني لسه ماتجوزتش و حتي لما اتجوز مش هاتكون مشكلة قبل 10 سنين علي ما اتجوز و اخلف و العيال يكبروا ان شاء الله



    بس كده و في النهاية جدير بالذكر ان التوكيل فعلا محترمين جدا جدا في تعاملهم و ناس ذوق جدا الصراحة و هابقي اعمل تقرير عنهم بس مش النهاردة لأني بقالي كتيير اوي بعمل التقرير ده و تعبت و اسف جدا طولت عليكوا اوي و اتمني اكون افدتكم و اي استفسار انا موجود
    نسي اقول ان تقيمي للعربية 9.8 من 10
    و لو رجع بيا الزمن هاشتريها تاني لأنها فعلا عربية محترمة و عمري ما هندم اني جبتها ان شاء الله سلاموا عليكوا


    دي صورة كده في افريقا بارك



    تحياتي للجميع
    سامح محمد السيد

    SEAT - IBIZA 6L- 1600 CC 105 HP 16V - BTS


  2. #2

    الصورة الرمزية ehab_mansour

    رقم العضوية : 16065

    تاريخ التسجيل : 09Aug2008

    المشاركات : 3,929

    النوع : ذكر

    الاقامة : 6 اكتوبر - الحي الثامن

    السيارة: Grand Terios 2012

    السيارة[2]: Seat Cordoba 2002

    دراجة بخارية: لا يوجد

    الحالة : ehab_mansour غير متواجد حالياً

    افتراضي -

    ماشاء الله ولا قوة إلا بالله تقرير ممتاز لسيارة فوق الممتازة ومعشوقة الشباب
    ربنا يباركلك فيها ويعطيك خيرها ويكفيك شرها بس للأسف مش كل الصور ظاهرة كويس يا سامح وحجمها كبييييييير علي العموم ألف شكر علي التقرير
    جزاكم الله خيرا

    م / إيهاب منصور
    SEAT CORDOBA 2002 1.0 16V AVZ


  3. #3

    الصورة الرمزية M.Mostafa80

    رقم العضوية : 27652

    تاريخ التسجيل : 14Dec2008

    المشاركات : 5,477

    النوع : ذكر

    الاقامة : giza -harm

    السيارة: النترا HD

    السيارة[2]: بولو سابقا-ألنترا 2006-سكودا ايه 4

    دراجة بخارية: لايوجد

    الحالة : M.Mostafa80 غير متواجد حالياً

    افتراضي -

    ما شاء الله الله أكبر ربنا يحفظهالك
    بس ممكن سؤال غريب شويه
    أزاى حرف واحد ورقم واحد ولا حضرتك ما سح الباقى بس لو ماسحهم تبقى ماسحهم بأحتراف لدرجه انى شكيت ان النمر مكونه من حرف واحد ورقم واحد

    It’s not about having the perfect relationship.. But its finding someone who matches you and would go through everything without giving up.


  4. #4

    الصورة الرمزية bedo13

    رقم العضوية : 45899

    تاريخ التسجيل : 01Sep2009

    المشاركات : 1,700

    النوع : ذكر

    الاقامة : UppeR EgypT

    السيارة: Vectra 2008 M/T

    السيارة[2]: Mazda3 2009 A/T

    دراجة بخارية: no

    الحالة : bedo13 غير متواجد حالياً

    افتراضي -

    ربنا يباركلك فيها ويديك خيرها ويكفيك شرها وتملاها عيال صغيرين كدة لما تتجوز

    وداعا أيها الغريب..
    لكن كل شيء ينتهي....


    Little Doc.
    Abd El RahmaN


  5. #5

    الصورة الرمزية Ahmed Selim

    رقم العضوية : 2316

    تاريخ التسجيل : 25Sep2007

    المشاركات : 16,640

    النوع : ذكر

    الاقامة : Nasr City - UAE

    السيارة: Accent 2006

    السيارة[2]: Megane II 2005/Megane II 2007

    دراجة بخارية: لا يوجد

    الحالة : Ahmed Selim غير متواجد حالياً

    افتراضي -

    ربنا يباركلك يا باشا

    تقرير ممتاز

    يا بلادى يا بلادى.........أنا بحبك يا بلادى


  6. #6

    الصورة الرمزية nab!l

    رقم العضوية : 40835

    تاريخ التسجيل : 22May2009

    المشاركات : 3,475

    النوع : ذكر

    الاقامة : damietta

    السيارة: thanks god

    السيارة[2]: opel astra 2000

    الحالة : nab!l غير متواجد حالياً

    افتراضي -

    انا كنت بحبها لكن بعد التقرير ده عشقتها
    وبعدين ياراجل تخض الكلب وهو بتمشى ملكش حق
    بس ناقصها جنط تبقى حكايه
    انا عن نفسى بعد التقرير ده افضلها عن السيراتو
    بس ربنا يباركلك فيها


  7. #7

    الصورة الرمزية theking2690

    رقم العضوية : 3512

    تاريخ التسجيل : 01Dec2007

    المشاركات : 2,280

    النوع : ذكر

    الاقامة : cairo-shoubra

    السيارة: honda civic 2007

    السيارة[2]: hyundai matrix 2008

    دراجة بخارية: لا يوجد

    الحالة : theking2690 غير متواجد حالياً

    افتراضي -

    شكرا على التقرير الاكتر من رائع ده و ربنا يباركلك فيها بإذن الله

    [img2]http://cdn-img1.imagechef.com/w/110921/sampe24f53992f6e9e21.jpg[/img2]


  8. #8

    الصورة الرمزية eng/muhamad

    رقم العضوية : 885

    تاريخ التسجيل : 08Jun2007

    المشاركات : 2,786

    النوع : ذكر

    الاقامة : zagazig

    السيارة: no car

    السيارة[2]: no car

    دراجة بخارية: no

    الحالة : eng/muhamad غير متواجد حالياً

    افتراضي -

    الف مبروك على العربيه
    بس انا عاوز اعرف النمر دى فوتوشوب؟؟؟؟؟؟؟؟

    على رأى أبو مروى
    ان لم تكن ذئبا أكلتك الذئاب

    Eng/ Muhammad Hamdy
    civil engineer



  9. #9

    الصورة الرمزية M.Mostafa80

    رقم العضوية : 27652

    تاريخ التسجيل : 14Dec2008

    المشاركات : 5,477

    النوع : ذكر

    الاقامة : giza -harm

    السيارة: النترا HD

    السيارة[2]: بولو سابقا-ألنترا 2006-سكودا ايه 4

    دراجة بخارية: لايوجد

    الحالة : M.Mostafa80 غير متواجد حالياً

    افتراضي -

    هو عاملهم بأحترافيه جدا لدرجه انو خلانا كلنا شكينا انها ممكن تكون حرف واحد ورقم واحد
    عمتا ربنا يباركله فيها ويسد عنو

    It’s not about having the perfect relationship.. But its finding someone who matches you and would go through everything without giving up.


  10. #10

    الصورة الرمزية ehab_mansour

    رقم العضوية : 16065

    تاريخ التسجيل : 09Aug2008

    المشاركات : 3,929

    النوع : ذكر

    الاقامة : 6 اكتوبر - الحي الثامن

    السيارة: Grand Terios 2012

    السيارة[2]: Seat Cordoba 2002

    دراجة بخارية: لا يوجد

    الحالة : ehab_mansour غير متواجد حالياً

    افتراضي -

    hasad">

    اقتباس المشاركة الأصلية كتبت بواسطة m.mostafa80 مشاهدة المشاركة
    هو عاملهم بأحترافيه جدا لدرجه انو خلانا كلنا شكينا انها ممكن تكون حرف واحد ورقم واحد
    عمتا ربنا يباركله فيها ويسد عنو
    اللهم أمييييييييييييييييييييين

    منورنا يا محمد باشا فينك ياعم من زماااااااااان

    م / إيهاب منصور
    SEAT CORDOBA 2002 1.0 16V AVZ



 
صفحة 1 من 7 1 2 3 4 5 6 ... الأخيرةالأخيرة

المواضيع المتشابهه

  1. التقرير المصور النهائي في زيادة عزل الماروتي
    بواسطة eiad_naser في المنتدى ::: أهـــم مـوضـوعــات القســـم :::
    مشاركات: 31
    آخر مشاركة: 28-10-2014, 01:35 AM
  2. حصرياً : التقرير المفصل المصور للابيزا 2010
    بواسطة hatemahmed75 في المنتدى ســـيات
    مشاركات: 135
    آخر مشاركة: 31-07-2013, 12:47 AM
  3. التقرير المصور عن لقاء صقور النيسان مع نسور السوزوكي
    بواسطة Amr Axel في المنتدى نيـــــــــسان
    مشاركات: 0
    آخر مشاركة: 25-02-2012, 03:19 AM
  4. مشاركات: 179
    آخر مشاركة: 18-02-2011, 06:54 PM
  5. التقرير الكامل عن جيتا 2010 (مواصفات و اسعار)... حصريا في نايل موتورز
    بواسطة ghazy12 في المنتدى ::: أهـــم مـوضـوعــات القســـم :::
    مشاركات: 75
    آخر مشاركة: 20-05-2010, 03:13 PM

الكلمات الدلالية لهذا الموضوع

1600, 1600 سي سي, 20, 2006, 2008, 2009, 2010, 323, 40, 50, a3, للابيزا, مميزات, abs, ما, لازم, لانسر, محلات, مية, مين, مرسيدس, مركز, مصر, أسعار, أسعار قطع الغيار, مشكلة, مع, معرض, من, مواصفات, مواقع سيارات, موتور, موديل, موضوع, لكل, beetle, ام, اللي, المصور, الالماني, الاخر, التابلوه, التي, التو, البنزين, التوكيل, التقرير, الي, الجي, الجديدة, الجزء, السيارة, الصيانة, السرعة, الشنطة, الكامل, الكنبة, ابيزا, اتزان, اتوماتيك, ارتفاع, اركب, استفسار, اسعار, اسعار السيارات فى مصر, اسعار قطع الغيار, اسعار قطع غيار, انا, اوبل, اوبل فيكترا, انخفاض اسعار السيارات, اكسسوارات سيارات, تأمين سيارات مصر, تأمين سيارات فى مصر, تأجير سيارات, تأجير سيارة, تامين سيارة, ثبات, تيل, تيل فرامل, بيتل, بيتلز, بجد, بيع, بين, بدون, بس, بصراحة, تعديل سيارات, تويوتا, بنزين, توكيل, تقييم, تقسيط السيارات, تقسيط سيارت, تكييف, تكيف, golf, حل, ibiza, يا, جبت, خدمة, جيتا, حرارة, حساس, حصريا, جولف, جنوط, جنط, رائع, رخصة, سامح, صالون, شاشة, سبويلر, سبورت, سيات ابيزا, سيارات, سيارات بالتقسيط, سيارة, صيانة, صيانة سيارات, زيت, سير, سيراتو, شراء, سرعة, سعة, سعر, صوت, صوت الموتور, صور, صورة, شنطة, seat, عايز, غيار, عدو, عيوب, عربية, عن, volkas, فلتر, فلتر بنزين, فلتر هواء, فتيس, في, فيكترا, فرامل, فرش, فرق, فولكس, فوانيس, هل, هارلي, هي, هو, هنا, نيو, نيو سيراتو, نور, وكيل, ضيف, قابل, قطع, قطع الغيار, كل, كماليات سيارات, كاسيت, كيك داون, كورولا

عرض سحابة الكلمة الدلالية

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2