الموضوع: مشكلتي مع الكبالــــــن !!!

المشاركة الأصلية كتبت بواسطة nasroo

انا سمعت انك كنت بتجدد العفشة قريب
الف مبروك يا مان

الله يبارك فيك يا كبير ده انا لسه رايح لعبده على اخر الأسبوع عشان اهد العفشة كلها

المشاركة الأصلية كتبت بواسطة samirayad

أعتقد ده عيب ميكانيكى

مقفلش الكبالن كويس ....أو نوع الشحم المستخدم مش كويس
دا لو كان نوع الكبلن والكاوتش (مش مغشوش )

انا حاسس وشاكك فعلا ان الميكانيكي ما ركبهم كويس مع اني بعمل معاه شغل من سنتين وعارفه كويس بس الي خلاني اشك انه هو قالي كبالن اللانوس قليل ونادرا جدااااا لما تخرب وهو ما غيرهم قبل كده في عربيه لانوس ,,,,,,,,,,

المشاركة الأصلية كتبت بواسطة mmamdouh

انت جبت الكوبلن الاصلى.. صح؟؟؟

هل كان معاه كاوتشة الكوبلن بتاعتة الاصلية؟؟؟... كاوتشة الكوبلن الاصلية مش كاوتش انما اشبة بالبلاستيك و فى السوق اسمها كاوتشة الكوبلن الفبر و دى ب85 جنية

الشحم اللى بييجى مع كاوتشة الكوبلن مش حلو... استعمل شحم اسو

mmamdouh

ما هو انا بقيت مستغرب وحاسس بقرف من الناس والمحلات الي مفش حد فيهم صادق مع حد انا لما جيبتهم لاقيت العلبة مكتوب عليها gm و 380 ج والماني يعني الواحد يتاكد اكتر من كده ايه ولما روحت للميكانيكي يقولي لا ده الاصلي ب 500 ج المهم للاسف ما اخد بالي من كاوتشه الكبالن لكن لو كاوتشه الكبلن اليمين المقطوعه لو اتغيرت هتروح الطقطقة والموضوع يتحل ولا مادام طقطقت يبقى الكبالن كده انتهت ؟؟!! ,,, وبالنسبه لموضوع الشحم كان جاي معاهم كده انبوبه زي معجون الاسنان والراجل حتى الي اشتريت منه الكبالن قالي خلي الميكانيكي يشحمهم كويس ويحط الانبوبه كلها

طيب هل الحل دلوقتي علشان اريح دماغيييييي خالص اروح اشتريهم من التوكيل واركبهم على الاقل هيبقوا مضمونين باذن الله وهيبقى عليهم ضمان 3 شهور تقريبا لان الواحد مش هيخاف يجيب حاجة تانيه وتخرب !!!!!!!!!!!!!!

المشاركة الأصلية كتبت بواسطة shiref_mohamed

انا لفيت كتير في موضوع الكبالن ده لحد ما وصلت للأتى :
90% من الى موجود في السوق مضروب يعني مكتوب عليه الماني بس هو صناعة تحت السلم
لعد لف وتدورير لاقيت جوز كبالن ياباني في محل صديق اخويا ومش قادر اوصفلك قد ايه الكبالن ديه ممتازة من ناحية شكلها والكاوتشة حتى الشحم الى بيجي معاها ممتاز انا كنت اشتريتهم بـ 490 جنيه ولغاية الأن هما تمام

انا بس اشوف الموضوع ده هيخلص على ايه واذا كان كده اما اروح التوكيل او اشوف حضرتك جيبتهم منين واركبهم

طبعا قبل كل حاجه ربنا يريح قلبك ويهديك لحل فى موضوع الكبالن .... مع انى شايف ان الموضوع واضح .... الكبالن كانت مضروبه ودا الارجح ... لو مش مضروبه "وانت متأكد منها يبقى العيب فى الميكانيكى

يبقى الحل انك تبعد عن الميكانيكى دا وكمان تبعد عن المكان اللى اشتريت منه الكبالن دى .... وطبعا ربنا يعوض عليك فى اللى باظ

قلة الضمير شئ متداول ومتعارف عليه جدا فى بلدنا الجميله .... وواضح جدا انها بطل القصه هنا ..... ماهو محدش يحاول يقنعنى ان كبالن الحجه لانوس بتبوظ فى شهر ... وربنا يهدى العاصى

أما ثانيا فأحب اعبر عن مدى سعادتى انى شايف كل وحوش الدايو موجودين وفى خلال 24ساعه كان كلهم كاتبين اسهاماتهم الجميله

امال ليه انا حاسس ان القسم نايم من قبل العيد بأسبوع كدا ؟؟؟؟

يالا كل سنه وانتم طيبين وحمدالله على السلامه