العربية بتحدف يمين (لادا 2107)

**mcml_13** · 27-09-2009 08:32 PM

يا جماعة العربية عندى فيها حدفة يمين بتبان قوى لو بدوس فرامل و لما حد بيقعد على الكرسى اللى جنب السواق .... يا ترى دى من ايه ؟؟؟؟
رحت لعفشجى و غيرلى بيض الاسكاترة و غيرت الجلب و البيض بتاع المقصات و برده زى ماهى
لو حد ممكن يفيدنى يبقى كتر الف خيره

**mohamed_rhem** · 30-09-2009 02:58 PM

اول حاجه بص عليها علبة الدرسكسون لانها في الادا بتشرخ وبتحتاج تقويه

ثاني حاجه اتأكد من الزوايا ثم الترصيص

مش عارف كلمه لما بتدوس فرامل ده خلتني اشك في في مساتر العجل

برضه ممكن يكون عندك ماشتر عجله ضعيف ده في حالة ان المشكله وانت بتفرمل

**waelfarid** · 11-10-2009 10:13 AM

يامحترم لما تدوس فرامل والعربية تحدف يمين (بما انك اطمنت علي العفشة كويس) يعني العجلة قدام يمين فراملها قوية يعني شغالة كويس او ماستر العجلة مبيرجعش بسهولة بيعض يعني بالاضافة الي ذلك العجلة قدام شمال فراملها ضعيفة او مبتمسكش يبقي ماسورة زيت الباكم اللي رايح قدام شمال مسدودة فالحدفة يمين مع الفرامل بتخلي قدام يمين تقف تيجي عاملة نقطة ارتكاز قدام يمين فباقي جسم العربية بالقصور الذاتي عايز لسة يتحرك لان قدام شمال ملقاش حد يوقفه لذا غير ماسورة الزيت قدام شمال بواحدة تكون كويسة سالكة والماستر كمان قدام شمال اكشف عليه يستحسن تراجع دايرة الفرامل كلها انها سالكة ومتعمرة زيت يعني مش واخدة هوا ومنتظر ردك