الذهاب من حلوان الى بنى سويف ؟؟؟؟؟

**merosss** · 27-09-2009 09:09 PM

انا يا شباب كنت عايز اعرف ازاى اروح من حلوان لبنى سويف وعايز امشى فى الطريق الصحراوى الجديد بيقولوا انة حلوة جدا ونضيف وسريع انا اعرف انة الاتوستراد على طول بس هفضل ماشى على طول لحد امتى وهمشى ازاى بعد كدة

**sweetheart_** · 05-10-2009 03:10 AM

يا ريت حد يقولنا انا برده عايز اعرف الطريق من كورنيش المعادى لبنى سويف

**HRH_Sameh** · 05-10-2009 12:27 PM

ببساطة بتمسك الاوتوستراد لحد ماتلاقي يفطة يمين لطريق الكريمات
بس معاك لحد ما تخش بنىسويف شرق النيل (المدينة)
والكارتة 5 جنيه وطريق ممتاز الصراحة

**merosss** · 05-10-2009 01:00 PM

المشاركة الأصلية كتبت بواسطة hrh_sameh

ببساطة بتمسك الاوتوستراد لحد ماتلاقي يفطة يمين لطريق الكريمات
بس معاك لحد ما تخش بنىسويف شرق النيل (المدينة)
والكارتة 5 جنيه وطريق ممتاز الصراحة

شكرا جدا انا رحت خلاص وفعلا ذى محضرتك قلت كدة والطريق حلو جدا والسرعة القانونية علية 120 ومكنش فية ردار بس مش عارف هو مفيهوش ردار على طول ولا دة نصيب كدة انا كنت ماشى طول الطريق 140 و مشفتش ولا ردار

المشاركة الأصلية كتبت بواسطة sweetheart_

يا ريت حد يقولنا انا برده عايز اعرف الطريق من كورنيش المعادى لبنى سويف

انا اقول لحضرتك انا عرفت الطرق خلاص هتفضل ماشى على الكورنيش على طول وتعدى على مدخل حلوان الى عند نادى المهندسين وتفضل ماشى على طول وتعدى على مدخل حلوان التانى الى هو ركن فاروق وتفضل ماشى على طول لحد متلاقى كوبرى قاطع الطريق بالعرض اسمة كوبرى المرازيق حضرتك المفروض فية داخلة يمين كدة ومنها هتطلع على الكوبرى بس انا معرفهاش عشان انا رحت من الطريق الصحراوى بس نصيحة حضرتك روح من الطريق الصحراوى طريق هايل بجد فى ساعة وربع تقريبا هتبقى فى بنى سويف (فى حالة الالتزام بالسرعة الى هى 120 ) وعيبة الوحيد انة مفيهوش خدمات يعنى لازم تبقى واثق من العربية كويس هو فية بس بنزينة اول الطريق والطريق الزراعى بيقولوا كلة مطبات وعربيات نقل ووحش جدا جدا بس ونس وفية خدمات كتير

**fady.bekatcho** · 05-10-2009 02:13 PM

المشاركة الأصلية كتبت بواسطة merosss

انا اقول لحضرتك انا عرفت الطرق خلاص هتفضل ماشى على الكورنيش على طول وتعدى على مدخل حلوان الى عند نادى المهندسين وتفضل ماشى على طول وتعدى على مدخل حلوان التانى الى هو ركن فاروق وتفضل ماشى على طول لحد متلاقى كوبرى قاطع الطريق بالعرض اسمة كوبرى المرازيق حضرتك المفروض فية داخلة يمين كدة ومنها هتطلع على الكوبرى بس انا معرفهاش عشان انا رحت من الطريق الصحراوى بس نصيحة حضرتك روح من الطريق الصحراوى طريق هايل بجد فى ساعة وربع تقريبا هتبقى فى بنى سويف (فى حالة الالتزام بالسرعة الى هى 120 ) وعيبة الوحيد انة مفيهوش خدمات يعنى لازم تبقى واثق من العربية كويس هو فية بس بنزينة اول الطريق والطريق الزراعى بيقولوا كلة مطبات وعربيات نقل ووحش جدا جدا بس ونس وفية خدمات كتير

زى ما حضرتك وصفت بالظبط بس طبعا لو خدها من الاتوستراد يبقى تمام والطريق روعة بجد واغلب الوقت مش علية رادار خالص

**HRH_Sameh** · 05-10-2009 02:40 PM

المشاركة الأصلية كتبت بواسطة merosss

شكرا جدا انا رحت خلاص وفعلا ذى محضرتك قلت كدة والطريق حلو جدا والسرعة القانونية علية 120 ومكنش فية ردار بس مش عارف هو مفيهوش ردار على طول ولا دة نصيب كدة انا كنت ماشى طول الطريق 140 و مشفتش ولا ردار

حمد الله ع السلامة
وانا شفت السؤال متأخر معلش

**sweetheart_** · 07-10-2009 12:38 AM

طب يا جماعه انا مش عارف امشى ازاى للصحراوى دلوقتى انا هطلع الدائرى من اثر النبى وبعدين هفضل ماشى لحد نزلة الاوتوستراد اللى بيودينى على نادى السكه امشى ازاى بأه انا معرفش غير الحته دى من الاوتوستراد انتوا تقصدوا ايه معلش انا ممكن مكنش عارف معنى كلمة اوتوستراد معناها انهى طريق

**merosss** · 08-10-2009 12:17 AM

المشاركة الأصلية كتبت بواسطة sweetheart_

طب يا جماعه انا مش عارف امشى ازاى للصحراوى دلوقتى انا هطلع الدائرى من اثر النبى وبعدين هفضل ماشى لحد نزلة الاوتوستراد اللى بيودينى على نادى السكه امشى ازاى بأه انا معرفش غير الحته دى من الاوتوستراد انتوا تقصدوا ايه معلش انا ممكن مكنش عارف معنى كلمة اوتوستراد معناها انهى طريق

بص حضرتك انتا المفروض تمشى على الاتوستراد فى التجاة الاخر عكس الاتجاة الى بيودى على نادى السكة الى هو اتجاة حلوان وتفضل ماشى على طول على طول بتاع نصف ساعة كدة لحد مدخل حلوان هتسيبة وتفضل ماشى على طول بردة ذى ما انتا لحد متلاقى قدامك كمين ثابت (بتاع مايو ) تفضل ماشى على طول بردة هتلاقى قدامك يافطة الطريق الدولى وكوبرى طالع كدة تطلع الكوبرى دة خلاص هتلاقى قدامك البوبات بتاعت الكارتة وتاخد الطريق لحد بنى سويف هو الطريق سهل اوى انتا مش هتحود خالص انتا هتفضل ماشى على طول وخلى بالك هيقبلك 3 مجموعات من المطبات فى السكة قبل مدخل حلوان هتلاقى كدة عند مركز شباب المعصرة بتاع 6 مطبات وتمشى يادوبك كدة 2 كيلو هتلاقى عند مدخل المعصرة مطبات تانية و تمشى هتلاقى تالت مجموعة من المطبات الى هى عند مدخل حلوان بس هما كدة لكن الطريق الدولى ذى الحرير لحد بنى سويف

**sweetheart_** · 09-10-2009 12:02 AM

الف شكر على الوصف

**sweetheart_** · 09-10-2009 12:02 AM

انت كده فهمتنى اللى كنت عايز اعرفه وشكراً

الموضوع: الذهاب من حلوان الى بنى سويف ؟؟؟؟؟

LinkBack

أدوات الموضوع

عرض

الذهاب من حلوان الى بنى سويف ؟؟؟؟؟ - انشر الموضوع فى :

-

-

-

-

المواضيع المتشابهه

حد من بني سويف

الطريق من حلوان الى كلية فنون جميله جامعة حلوان

عاجل طريق حلوان لأسكندرية وكمان حلوان للعين السخنة

انا من حلوان وعايز اروح الغردقة طريق حلوان الكريمات الغردقة

فيه حد هنا من بني سويف ؟

الكلمات الدلالية لهذا الموضوع

المفضلات

المفضلات

ضوابط المشاركة