في حادثه كبيرة حصلت عل الدائري النهاردة
:O_stupid[1]:
راح فيها ٧ سيارات و مقطورة
و سببها مقطورة من غير فرامل
لو حد عندو تفاصيل يا رايت يخبرنا
عرض للطباعة
في حادثه كبيرة حصلت عل الدائري النهاردة
:O_stupid[1]:
راح فيها ٧ سيارات و مقطورة
و سببها مقطورة من غير فرامل
لو حد عندو تفاصيل يا رايت يخبرنا
لا حول ولا قوة الا بالله...
متابع بحسرة.
متابع
لا حول ولا قوة الا بالله
انا بقيت اخاف امشى علية و خصوصا باليل
الدائري .. الحاصد الأكبر لأرواح المصريين !
انا شفت تقرير الحادث علي إحدي القنوات .. عربيات متدغدغة .. و بيقولوا فيه حالة وفاة واحدة و الباقي إصابات .. اما تفاصيل الحادث فا معرفش .
يادي المقطورات...انا بقيت اترعب من صوتها..خصوصا علدائري
لا حول ولا قوة إلا بالله
ايوة فى جريدة اليوم السابع الخبر ده اللينك
http://www.youm7.com/News.asp?NewsID=139912
اليوم السابع | مصرع مواطنين وتحطم 13 سيارة بدائرى "الهرم"
مصرع مواطنين وتحطم 13 سيارة بدائرى "الهرم"
شهد الطريق الدائرى، المحيط بالقاهرة الكبرى، مساء اليوم حادثا مروعا أمام نزلة الهرم تحطمت على إثره 13 سيارة ملاكى، وأسفر عن وفاة شخصين وإصابة 4 آخرين بجروح خطيرة وتم نقلهم لمستشفى الهرم كما أصيب عدد آخر من الأشخاص بجروح لم يتحدد مدى خطورتها.
جاء الحادث نتيجة اصطدام سيارة نقل الغربية بسيارتين ملاكى من الخلف مما أسفر عن فقدان قائديهما السيطرة عليهما، وهو الأمر الذى أحدث ارتباكا مفاجئا فى نهر الطريق.
لا حول ولا قوه الا بالله
ده العربيات النقل وانا ماشى بتقى عايز تنط ع العربيه بذات بليل استغفر الله
اللهم اهدى الناس
عشان لحد دلوقتى مش لاقيين اللى يلمهم يافرعون ايش فرعنك ملقيتش حد يلمنى
وطبعا البهوات لما عملو اضراب والسوق وقف حاله شويه خافو على مصالحهم ورجعوهم وطبطبو عليهم بلد خلاص
لاحول ولا قوه الا بالله
طب بتوع العربيات الملاكى الغلابه يعنى يعملوا ايه
امتى بقى يبقى فيه فحص فنى للعربيات بجد
وامتى يلغوا المقطورات
يا باشا بتوع الملاكي مش غلابة
العيب في السواق مش في العربية
زي ما بتوع النقل بيجروا و يتخطوا السرعة بتوع الملاكي بيجروا و يتخطوا السرعة
زي ما بتوع النقل بيمشوا و العربية خربانة بتوع الملاكي بيمشوا و العربية خربانة
العيب في النظام ككل .. العين علي النقل لأنه بحجمه بيعمل كوارث .
:stink[1]:هى دى مصر يا عبلة
المرور في مصر فاميه و ملصقات و تفاهة
شكليات
لا حول ولا قوة الا بالله , اللهم ارحم المتوفين واشف المصابين
هو كده فعلا عشان يعرفوا يلموا فلوساقتباس:
المرور في مصر فاميه و ملصقات و تفاهة
شكليات
بدون زعل أي عربية عليها غربية ابعد عنها علشان سواقتهم غشيمة أوي ودة عن تجربة ومتابعة لعربيات كتير عليها غربية سواك نقل أو ميكرو أو ملاكي بعد ما إتقرصت منهم كذا مرة على الطريق
أكيد طبعاً مش كل أهل الغربية بالشكل المؤسف دة لكن الوحش دايماً بيعم
الواحد شكله بياخد ذنوب اساسا انه عايش فى البلد دى :)
ربنا يستر و الواحد اتعقد
الموضوع مش موضوع غربيه او شرقيه في ناس كتير بتتغاشم في السواقه في مصر كلها مش محافظه بعينهااقتباس:
بدون زعل أي عربية عليها غربية ابعد عنها علشان سواقتهم غشيمة أوي ودة عن تجربة ومتابعة لعربيات كتير عليها غربية سواك نقل أو ميكرو أو ملاكي بعد ما إتقرصت منهم كذا مرة على الطريق
أكيد طبعاً مش كل أهل الغربية بالشكل المؤسف دة لكن الوحش دايماً بيعم
انا معاك فى كلامك
انا اقصد ان لما سواق مقطوره يعمل حادث بياخد فى طريقه مش اقل من 10-15 عربيه
لازم طبعا التشديد يبقى على كل العربيات فى الفحص وبلاخص عربيات النقل لانها بتبقى على الاقل محمله حموله ممكن تكون اخطر من الحادث
يعنى تصور لو كانت محمله احجار كبيره والاحجار دى نزلت وقعت من فوق الكوبرى على العربيات اللى تحت يعنى يبقى الخراب من كل ناحيه
انا اللي كنت سايق المقطورة .................
لا حول ولا قوة الا بالله
مش بس الدائري و مش بس النقل , المشاكل دي كلها علي كل الطرق و من كل المركبات لأن ماحدش بيلتزم لا بسرعة و لا بحارة مرورية و لأ بأي حاجة
شوفتها بعينى امبارح و انا مروح..... و كانت موقفة الفردة اللى نازلة من طريق الواحات..... بقى ان اقول حسبى الله من سواقين النقل..... لانى كنت هفقد حياتى انا و مراتى بسبب احدهم فى نفس مكان الحادثة الحالية و بسبب واحد معندوش ضمير من غير فرامل برضه..... لكن ربنا سلم و اقتصر الدمار على السيارة بعد ان رأينا الموت بأعيننا...... حسبنا الله و نعم الوكيل......
لا حول ولا قوة الا بالله
حوادث لا تنتهى
الله عليك يا ايفو
فعلا كلامك مضبوط 100 %:verygood:
انا والله ملاحظ موضوع عربيات الغربيه ده من فتره طويله جدااا يجيى كده 5 سنين كل ما اشوف عربيه جايه من ورا وصاحبها عمال ياخد غرز ويكسر على الناس اللى ماشيه ومعتبر ان مفيش حد غيره على الطريق اقول ان ده نمر الغربيه والحمدلله بنسبه 90 بيطلع توقعى صح
وده فعلا سواء ملاكى او نقل او نصف نقل او ميكروباص فعلا بالاضافه انى شفت حوادث فظيعه تسببت فيها عربيات نمر الغربيه قدام عينى فعلشان كده نصيحه فعلا
ابعد عن اى عربيه نمر الغربيه (مع الاعتذار الى الساده قاطنى محافظه الغربيه وبدون تعميم )
نفس شعوري بالنسبه لعربيات القاهره وخصوصا الملاكي والتاكسي ودايما احرص منهم جدا ودايما ادي زماره خفيفه جنب كل عربيه قبل ما اعدي من علي شمالها علشان ينتبه وقبل تقاطع كل شارع في القاهره قبل ما اعدي لان ممكن الاقي طياره خارجه بسرعتها من شارع جانبي لا همه ان الطريق طريقي ولا لأ المهم يعدي وبالنسبه ليه العكس صحيح ملاكي المحافظات محترمين الي حد كبير وسواقتهم كويسه وبيحافظوا علي عربياتهم وعربيات غيرهم في السواقه خصوصا التاكسي لكن ملاكي وتاكسي القاهره بمنتهي الأمانه بيرمي بكل غشامه بوز عربيته وسعات بجنب العربيه كله ودي ثقافه الزحمه في البلاد اللي مفيهاش قوانين لكن السواقه في المحافظات التانيه لسه رايقه ولذلك الناس بتحافظ بشكل اكبر من اهل القاهره لكن لما هتتزحم بشكل رهيب زي القاهره متهيئ لي هيبقوا كده برده نتيجه غياب القوانين وانتشار نقافه البلجطه واللي يلحق يعدي .
علي فكره انا من القاهره لكن ده رأي اللي انا شايفه صحيح بالنسبه لخبراتي مع المحافظات وخصوصا الغربيه لان اهلي هناك وبروح ازورهم كل فتره .
والله المفروض يعملو حصر لمالكى رخصه الدرجه الاولى ويتعملهم كشف دورى كل شهرين ويتم على هذا الاساس مد الرخصه فتره شهرين ويتم بعدها الفحص وهكذا ويفضل عمل ليهم نقابه تراعى سنهم وتعملهم معاشات وفى نفس الوقت الغير لائقين يتم انتسابهم لاماكن عمل مغلقه زي مواقع عمل وبس والى هيبقى محترم تمتد رخصته لكل فتره ( الشهرين )*
ربنا يسلم ويحفظنا شر الطريق
حقهم مافيش حد هيعملهم حاجة
الشرطة تقريبا بتخاف منهم زى بتوع الميكروباصات