ما معنى ان ضغط الوش مرتفع؟؟

**khaled02001** · 27-09-2009 11:21 PM

عربيتى بتستهلك بنزين حوالى 120 كيلو فى الصفيحة مشاوير ما بين جوة البلد وبرة . وبتطلع دخانة سودا لما اجى ادوس جامد على البنزين . مع العلم انها بتدور على طول من اول تكة .ومرة واحدة نقصت زيت معايا استشرت الخبراء فى المنتدى وقالوا احتمال تكون رشاشات وحط العربية على الاسكانر
بعد ما حطيت العربية على الاسكانر قالى المهندس ان ضغط وش السلندر عالى فوق الالف وعلشان كدة بتهرب بنزين من جوة وبتنقص زيت . وهتحتاج وش سلندر وقالى ان الموضوع مش رشاشات خالص.
يعنى اية ضغط وش السلندر عالى؟ وصح كلام المهندس دة والا اروح عند واحد تانى واغير رشاشات؟ وفعلا لو وش السلندر بايظ يعمل كدة؟
الرجاء المساعدة يا باش مهندس ممدوح والباش مهندس سمير و خبراء المنتدى
علما با عربيتى نوبيرا 1 موديل 97

**samirayad** · 27-09-2009 11:29 PM

مفيش حاجه أسمها ضغط وش السلندر
وطالما وش السلندر قاطع كويس على البلوك ومفيش تفويت كبس لبره المكنه أو لمية التبريد
يبقى الوش تمام

وتقريبا كده من كلامك .....
عندك تفويت كبس بسبب أن الشنابر خفت شويه

وبتطلع دخانة سودا لما اجى ادوس جامد على البنزين . مع العلم انها بتدور على طول من اول تكة .ومرة واحدة نقصت زيت

والمفروض تعمل أختبار كبس
للأطمئنان على كفاءة الحبك بين الشنابر وغرف الحريق من الداخل

قبل التفكير فى تغيير طقم شنبر

لو أردت تحسين أستهلاك البنزين

**khaled02001** · 27-09-2009 11:38 PM

الف شكر يا باش مهندس سمير على سرعة الرد و حضرتك عودتنا على كدة
وبعد ما اعمل اختبار كبس الموتور. هيقولى ان حالة الموتور مثلا كام فى المية علشان اغير الشنبر؟

**samirayad** · 27-09-2009 11:46 PM

نعم حيبان من أختبار الكبس حالة الموتور

**MMamdouh** · 28-09-2009 12:38 AM

المشاركة الأصلية كتبت بواسطة khaled02001

عربيتى بتستهلك بنزين حوالى 120 كيلو فى الصفيحة مشاوير ما بين جوة البلد وبرة . وبتطلع دخانة سودا لما اجى ادوس جامد على البنزين . مع العلم انها بتدور على طول من اول تكة .ومرة واحدة نقصت زيت معايا استشرت الخبراء فى المنتدى وقالوا احتمال تكون رشاشات وحط العربية على الاسكانر
بعد ما حطيت العربية على الاسكانر قالى المهندس ان ضغط وش السلندر عالى فوق الالف وعلشان كدة بتهرب بنزين من جوة وبتنقص زيت . وهتحتاج وش سلندر وقالى ان الموضوع مش رشاشات خالص.

بص دى حاجة من الاتنين... اما انت مفهمتش هو قال ايه صح ياما هو مش فاهم حاجة

وش السلندر ملوش ضغط... الضغط بولد الضغط هو حركة البستم و احكام غرفة الحريق.... لو الشنابر او الصبابات بتهرب ضغط حيبقى ضغط الغرفة قليل مش زيادة زى ما قال الباشمهندس الرائع

كمان ايه علاقة ضعط الوش او الغرفة او اى حاجة باستهلاك البنزين؟؟؟؟ حتى لو القصد ان فيه تهريب للكبس دة يعمل دخنة سودة و استهلاك عالى ازاى؟؟؟ كمان لو فيه تهريب زيت يبقى القصة اما شنبر و اما دلايل صبابات... ايه الحكمة من تغيير الوش نفسة اذا مكنش مقفع مثلا و مش حينفع معاه قشط؟؟؟

روح لحد بيفهم قبل ما تحل مسمار من موتورك

MMamdouh

**samirayad** · 28-09-2009 12:42 AM

لو الشنابر او الصبابات بتهرب ضغط حيبقى ضغط الغرفة قليل مش زيادة زى ما قال الباشمهندس الرائع

**samirayad** · 28-09-2009 08:27 AM

يا باشا انا نقلت اللى قالهولى بالحرف وحسيت انة مش فاهم

حرد عليك بدل الباشا ....ويمكنه الأضافه أذا أراد
فعلا أحساسك فى محله

1- موضوع الاستهلاك العالى للبنزين والدخانة السوداء ( ودة ممكن يكون عيب رشاشات او غيرة)

بلاشك رشاشاتك سليمه ....لأنه راجل تخصصه أسكانر مثلا
بالأضافه لقولك التالى

مع العلم انها بتدور على طول من اول تكة .ومرة واحدة نقصت زيت معايا

والأستهلاك العالى ( ضعف كبس )
والدخنه السوداء ( أستهلاك زيت )

2-موضوع تهريب الزيت و اما اذا كانت تحتاج لشنبر( و دة عن طريق اختبار كبس الموتور)

كلام تمام

**MMamdouh** · 28-09-2009 12:46 PM

المشاركة الأصلية كتبت بواسطة samirayad

والدخنه السوداء ( أستهلاك زيت )

الدخنة السودا بتبقى بنزين غير كامل الاحتراق و غالبا دة بيبقى بسبب مشكلة حساس اكسجين

MMamdouh

**samirayad** · 28-09-2009 03:24 PM

المشاركة الأصلية كتبت بواسطة mmamdouh

الدخنة السودا بتبقى بنزين غير كامل الاحتراق و غالبا دة بيبقى بسبب مشكلة حساس اكسجين

mmamdouh

وماذا يمنع من أن تكون بسبب الزيت المستهلك

ولا تنسى أن مهندس الأسكانر طمئأنه على عملية التحكم

يعنى الحساس سليم

-

الموضوع: ما معنى ان ضغط الوش مرتفع؟؟

LinkBack

أدوات الموضوع

عرض

ما معنى ان ضغط الوش مرتفع؟؟ - انشر الموضوع فى :

-

-

-

المواضيع المتشابهه

شقة 70م جنب محطة مترو المطرية ...... ارضي مرتفع !!!

صوت محرك الصني مرتفع جدا فوق ال100كم/ساعة ؟؟!!

طرمبة النزين وصوت زنة مرتفع

كل العربيات الصينية فاشلة وسيئة وسعرها مرتفع

الكلمات الدلالية لهذا الموضوع

المفضلات

المفضلات

ضوابط المشاركة