مجموعة أسئلة بخصوص الثبات

**مصطفى_صديق** · 30-09-2009 12:16 PM

بخصوص السيارات الصغيرة
انا شفت سيارات صغيرة...زى البولو مثلا والابيزا ...وثابتة ماشاء الله..وعلى سرعات عالية

معنى كده ان وزن العربية ممكن يبقى خفيف وفى نفس الوقت العربية ثابتة كويس
ليه فى عربيات كبيرة ووزنها مش قليل..وبرده مش ثابته
وايه اللى يخلى مصنع سيارة مايخدش فى اعتباره الكلام ده كله وهو بيصنع السيارة ويصممها ...طالما الموضوع هام وحيوى

**m.3abdel3al** · 30-09-2009 12:28 PM

المشاركة الأصلية كتبت بواسطة مصطفى_صديق

بخصوص السيارات الصغيرة
انا شفت سيارات صغيرة...زى البولو مثلا والابيزا ...وثابتة ماشاء الله..وعلى سرعات عالية

معنى كده ان وزن العربية ممكن يبقى خفيف وفى نفس الوقت العربية ثابتة كويس
ليه فى عربيات كبيرة ووزنها مش قليل..وبرده مش ثابته
وايه اللى يخلى مصنع سيارة مايخدش فى اعتباره الكلام ده كله وهو بيصنع السيارة ويصممها ...طالما الموضوع هام وحيوى

يا استاذ مصطفى انت بتسال في حاجات عايزة كتاب مثلا علشان تشرحها بس انا هقولك على حاجة قليلة اوي

انت لو عايز تحقق الثبات في اي عربية ( كبيرة او صغيره ) ( تقيلة او خفيفة ) تهتم بالحاجات دي

1.نظام التعليق
2.نوع الفرامل
3.وزن العربية
4.الديناميكية بتاعت تصميم العربية
5.ارتفاع العربية عن الارض
6.عرض الكاوتش و مقاس الجنط
7.الانظمة الالكترونية زي ( ebd - esc وهكذا )

بالحاجات دي انت ممكن تحقق الثبات في اي عربية

بالنسبة باه للشركات طبعا هما هدفهم الاول التوفير في الفلوس مش اكتر و بعدين ما تنساش ان في دول اخر سرعة ليهم على الطرق المفروض انها تكون 120 زي مصر و دي سرعة قليلة جدا مش محتاجة كل نظم الثبات دي

**مصطفى_صديق** · 30-09-2009 12:31 PM

كلام سليم جدا

**مصطفى_صديق** · 30-09-2009 12:33 PM

والله يا جماعة كان صباح لذيذ جدا.....سيل من المشاركات المفيده...بشكر كل اخوتى الزملاء عليها

ويجعل نهاركم سعيد ان شاء الله

**m.3abdel3al** · 30-09-2009 12:35 PM

فعلا صباح مفيد جدا وانا معرفش صاحب طلبة معاية ابداع ليه كدا عمال اعمل في مواضيع

**MuhammedSoliman** · 30-09-2009 12:40 PM

المشاركة الأصلية كتبت بواسطة مصطفى_صديق

بخصوص السيارات الصغيرة
انا شفت سيارات صغيرة...زى البولو مثلا والابيزا ...وثابتة ماشاء الله..وعلى سرعات عالية

معنى كده ان وزن العربية ممكن يبقى خفيف وفى نفس الوقت العربية ثابتة كويس
ليه فى عربيات كبيرة ووزنها مش قليل..وبرده مش ثابته
وايه اللى يخلى مصنع سيارة مايخدش فى اعتباره الكلام ده كله وهو بيصنع السيارة ويصممها ...طالما الموضوع هام وحيوى

بص ياباشا موضوع انه تقيله او مش خفيف ده تشيلوا من دماغك مبدئيا لأنه مش العامل الرئيس فى ثبات العربية العامل الرئيس فى ثبات العربية التصميييييييييم والأيرو دينمك بالإضافه إلى الأنظمه اللى اتكلمنا عليه طب البورش ما صغير حجما بس ثابته والهوندا ال سى أر أكس وناهيك بقا عن الزد سيرس بتاعت البى أم والإرو دينمك ده يا جماعه مجال خطير جدا ودراساته مكلفه جدا وأبحاثه مكلفه فعشان بعض السيارات بطلع حجات مش ثابته لأنهم عايزين يقللوا التكاليف وحجات زي ديه بتبقا تكالفها عاليه جدا ... يعنى انت لما تشتري مرسيدس ولا بى ام انت فى الحقيقه مش بتدفع فلوسالعربية لأن العربية تكلفتها الفعليه أقل لأن انت بتدفع كمان تمن الأبحاث اللى عملوها عشان يطلعوا العربية

وتحياتى

**مصطفى_صديق** · 30-09-2009 12:52 PM

المشاركة الأصلية كتبت بواسطة muhammedsoliman

بص ياباشا موضوع انه تقيله او مش خفيف ده تشيلوا من دماغك مبدئيا لأنه مش العامل الرئيس فى ثبات العربية العامل الرئيس فى ثبات العربية التصميييييييييم والأيرو دينمك بالإضافه إلى الأنظمه اللى اتكلمنا عليه طب البورش ما صغير حجما بس ثابته والهوندا ال سى أر أكس وناهيك بقا عن الزد سيرس بتاعت البى أم والإرو دينمك ده يا جماعه مجال خطير جدا ودراساته مكلفه جدا وأبحاثه مكلفه فعشان بعض السيارات بطلع حجات مش ثابته لأنهم عايزين يقللوا التكاليف وحجات زي ديه بتبقا تكالفها عاليه جدا ... يعنى انت لما تشتري مرسيدس ولا بى ام انت فى الحقيقه مش بتدفع فلوسالعربية لأن العربية تكلفتها الفعليه أقل لأن انت بتدفع كمان تمن الأبحاث اللى عملوها عشان يطلعوا العربية

وتحياتى

تسلم يادكتور
افادكم الله

علشان كده تكنولوجيا صناعة السيارات دى بتنتقل مع الوقت للعربيات التانية وبأسعار أقل بعد مايكون استفاد منها وجاب تمنها
وكمان كل مصنعى السيارات اللى بتليهم فى المراتب بيقلدوهم حتى فى التصميم الخارجى مش فى تكنولوجيا السيارة بس

**MuhammedSoliman** · 30-09-2009 01:09 PM

المشاركة الأصلية كتبت بواسطة مصطفى_صديق

تسلم يادكتور
افادكم الله

علشان كده تكنولوجيا صناعة السيارات دى بتنتقل مع الوقت للعربيات التانية وبأسعار أقل بعد مايكون استفاد منها وجاب تمنها
وكمان كل مصنعى السيارات اللى بتليهم فى المراتب بيقلدوهم حتى فى التصميم الخارجى مش فى تكنولوجيا السيارة بس

بالضبط كده يا عزيزي يعنى فى أنظمه إلى الآن خاصه بمرسيدس فقط أو البي أم فقط أو الأودي فقط وصارفين عليها كتير جدا ولسه لم تطبق على سيارات أخري لغاية ما يجيبوا تمن الابحاث ديه وبعدين تبدأ السيارات الأخري فى تطبيقه وسعره يكون نزل يعنى الأي بي اس أول ما نزل كان فى العربيات اللى تبدأ من ربع ملون وطالع أيامها دلوقت بينزل فى السيارات فئة ال 100 ألف وهكذا ودليل بقا على كده كمان العربيات المواتير الألمانى بتتجه إلى المواتير الجديده اللى هيه FSI
Fuel Stratified Injection (FSI) وخصوصا الأودي والفولكس فهمه هيبدأو فى التخلى عن التكنولوجيا القديمه ويتجهوا إلى الجديد والقديم يبدأو ينزلوا بقا للسيارت الأقل بالتكنولوجا اللى بنسبا لهم قديمه زي ما كان بحصل مع البروتون فى الأول من مواتير الموتسوبيشي اللى كانت فى الاستوك اليابانى غير كده البرليانس بتستخدم الاستوك اليابانى القديم وهكذا

وانا مبسوط والله من التفاعل ده وصباحك فل

تحياتى