يا جماعه انا بادور على وايرليس باركينج سينسور لعربيتى السيفيك 2007 لانى بصراحه مش عايز العب فى اى حاجه ولا افك العتب الداخلى علشان اعدى الاسلاك فلو حد عنده اى معلومات عنه ياريت يفيدنى مش مهم السعر بس المهم يكون موجود فى مصر وماركه كويسه
عرض للطباعة
يا جماعه انا بادور على وايرليس باركينج سينسور لعربيتى السيفيك 2007 لانى بصراحه مش عايز العب فى اى حاجه ولا افك العتب الداخلى علشان اعدى الاسلاك فلو حد عنده اى معلومات عنه ياريت يفيدنى مش مهم السعر بس المهم يكون موجود فى مصر وماركه كويسه
شفتها عند برفكت اللي في الرحاب و عجبتني جدا جدا
و هي مش محتاجة غير توصيل الكهرباء من لمبة المارشدير لحلية نيكل بتركب فوق النمرة و شكلها شيك جدا و فيها السنسورز و لعلبة صغيرة فيها ليدات بتتحط فوق التابلوة تديك الصوت و اشارات ضوئية مع الركن
بس سعرها غالي شوية ب 350 جنية على ما أذكر
انا عجبتني جدا و كنت عاوز اجيبها بس سعرها مبالغ فية و مش مستاهلة و قلت استنى شوية حاتنزل و ممكن حد تاني ينزلها قريب و بسعر احسن
المهم روح الرحاب في السوق اللي فية كافيتريا زلط برفكت مكانهم في الشارع اللي وراة من اولة على طول قبل راديو شاك اللي هناك
أنا شايف انها مش غالية على مواصفاتها
لا غالية
العادية بنص التمن بالكتير
أنا رأيى برضه انها مش غالية لان العادية لسه مرخصتش اوى كدة بالاضافة ان العادية بتحفر فى الاكصدام وتلعب فى الكهربا
مش العادية برضة ب 175 ؟؟ وللا انا غلطان ؟؟
لا يا ادهوم العاديه اخونا اسلام شاهين كان جايبها بالتركيب بحوالى 260 ودى لانها صوتيه ومحمد بسيونى زميلنا فى المنتدى ركب العاديه اللى بصفاره ب 190 والاسعار دى بعد خصم سبير كار لاعضاء المنتدى يعنى انا شايف انها كده ماتبقاش غاليه لان انت بتوفر على نفسك فك العتب ومد الاسلاك والحوارات دى كلها
خلاص يبقى لو كدة تعالوا ننزل يوم نجيب منها كمية و ناخد خصم عليها, و انا اعرف واحد كان شغال معاهم ممكن يخدمنا في خصم إنشاء الله
وانا معاك يابو الاداهيم انوى انت بس وشوف مين هاييجى معانا وابقى كلمنى ان شاء الله نتقابل
وده رقم تليفونى 0101664913
و انا معاكو يا رجالة
و يلا نتفق على المعاد