الموضوع: الأويل سيلات

أويل سيل ....من الترجمه الحرفيه
يعنى حابس زيت

وده بيبقى عباره عن حلقه من الكاوتش المعين وبمواصفات هندسيه معينه

القطر الخارجى للحلقه بيبقى راكب على جسم ثابت (بيت السيل )
القطر الداخلى بيبقى راكب على أعمده دواره ومن داخل السيل توجد سوسته لأحكام القطع على الأعمده ولمنع تهريب الزيت من داخل المنظومه الى خارجها (بغرض المحافظه على الزيت وكميته المقننه داخل المنظومه )
ومن أمثلة الأويل سيل (سيلات أعمدة الكرنك الأماميه والخلفيه وسيلات أعمدة الكامه وخلافه )
وفيه طبعاأويل سيلات بتستخدم فى معدات هندسيه أخرى لنفس الغرض السابق توضيحه (زى صناديق التروس كمثال آخر )

شكرا لحضرتك يا باشمهندس سمير .. بس كنت عايز اعرف من حضرتك الأويسيلات دي ليها عمر افتراضي ولا المفروض تتغير كل فترة ولا تتغير بس لو حصل تسريب للزيت ؟

هى طبعا ليها عمر أفتراضى
بس طالما قاطعه كويس ودوران العمود مظبوط بيزيد عمرها الأفتراضى

وعند وجود أنحراف ورفه فى الأعمده ومع الدوران الغير منتظم للأعمده
بتتولد قوى ضغوط غير مظبوطه على سوستة السيل وشفته من الداخل وبالتالى بيقصر عمر السيل
وتبدأ مشاكل تهريب الزيوت