ازاى اطلع رخصة ملاكى بزجاج فامية ؟

**nakkash** · 28-09-2009 01:59 AM

:b4_388::b4_388::b4_388::b4_388::b4_388::b4_388::b 4_388::b4_388::b4_388:

المشاركة الأصلية كتبت بواسطة motorizer

مخالفة الفاميه 50 جنيه .
بس .. بتخش الفحص من تاني عشان تاخد الرخص ! يعني بهدلة البهدلة

الكلام ده صح مليون فى المية والموضوع مش مستاهل بهدلة وخصوصا مع الفراعنة اللى مالين البلد اليومين دول

**I.S.L.A.M** · 28-09-2009 02:15 AM

متشكر يانكاش على اهتمامك وعلى ردودك المميزة وربنا ما يحرمك منى سلاااااام

**د.محمود صلاح** · 28-09-2009 02:18 AM

المشاركة الأصلية كتبت بواسطة nakkash

مبروك على العربية وربنا يديلك خيرها ويكفيك شرها
بالنسبة لموضوع الفامية ده بقى حاجة كده من المستحيلات التلاتة لازم تكون العربية جاية من بلدها كده ومكتوب فى ورق الافراج الجمركى بتاعها ان السيارة مواصفات خاصة بزجاج ملون خلفى او كامل العربية غير كده ما تحاولش
انا حاولت كتير قوى ومن كذا سكة وسايط وفلوس وكل حاجة محدش قدر يوصل لحل كل اللى قدرت اعرفه ان من فترة حوالى سنة تقريبا كان ممكن بعد العربية ما بتتفحص بتشوف حد من الموظفين اللى بيخلصوا الرخص وهو بيزودلك على الرخصة ان السيارة مواصفات خاصة لكن دلوقت ده بقى مستحيل لأن اللى عرفته كويس ان العربية بمجرد ما بتدخل البلد والافراج بتاعها بيروح على المرور الرئيسى بتاع الدراسة بتتسجل كل بياناتها هناك وسيادتك بعد كده لما بترخص بمجرد ان الموظف يدخل رقم الماتور والشاسيه بتطلعله كل بيانات العربية فالموضوع بالنسبة لى بقى شبه مستحيل
اخيرا سمعت ان ممكن بعض الناس اللى عندهم حساسية عالية ضد الشمس بيجيبوا شهادة طبية بكده وبيعملوا تصريح فاميه بس الشهادة دى بتطلع من الكومسيون الطبى لوزارة الداخلية .

الف شكر على التوضيح

**Egyzizo** · 28-09-2009 02:30 AM

قبل ما تفحص تروح على اى كشك بتاع شركة تأمين وتدفع التأمين الإجبارى

بس لازم ياخد نمر قبل التأمين لأن رقم العربية بيتسجل فى ورق التأمين.

**محمد محمد** · 28-09-2009 02:45 AM

حتي لو فاميه فابريكة لازم تروح تطلع شهادة بيانات من مرور الدراسة ان العربية نازلة فاميه والموقف ده حصل مع صاحب والدي كان جايب فورد فوكاس استيشن.

**nakkash** · 28-09-2009 02:49 AM

المشاركة الأصلية كتبت بواسطة egyzizo

بس لازم ياخد نمر قبل التأمين لأن رقم العربية بيتسجل فى ورق التأمين.

يا باشا الكلام ده فى حالة إذا كانت العربية مرخصة قبل كده لازم ياخد منك الرخصة ويكتب رقم العربية فى ورق التأمين لكن لو العربية زيرو زى عربية اخونا صاحب الموضوع ممكن تدفع التأمين قبل ما تاخد النمر بالبطاقة بس لأن مش هتغرف تاخد نمر من على الشباك غير لو كل ورقك كان جاهز بما فيها ورقة التأمين الإجبارى

**yoko** · 28-09-2009 07:30 AM

طب محدش يعرف لو واحد منزل العربية من برة وكان مفيمها ومركب زينون لو أثبت الكلام ده في الجمرك هينفع يحط التصريح ده في الرخصة ولا ﻷ

**Egyzizo** · 28-09-2009 11:15 AM

المشاركة الأصلية كتبت بواسطة nakkash

يا باشا الكلام ده فى حالة إذا كانت العربية مرخصة قبل كده لازم ياخد منك الرخصة ويكتب رقم العربية فى ورق التأمين لكن لو العربية زيرو زى عربية اخونا صاحب الموضوع ممكن تدفع التأمين قبل ما تاخد النمر بالبطاقة بس لأن مش هتغرف تاخد نمر من على الشباك غير لو كل ورقك كان جاهز بما فيها ورقة التأمين الإجبارى

الحقيقة أنا ماجربتش الزيرو ، بس كنت بانقل ملكية عربية من محافظة لمحافظة تانية فكان لازم وأنا بارخص آخد نمر جديدة ، فلما حاولت وأنا بارخص أعمل التأمين فى الأول، بتاع التأمين رفض وقال لى طب اكتب ايه فى ورق التأمين لأن لازم ورق التأمين يكون فيه رقم العربية.

طب فى حالة الزيرو ، هل ورقة التأمين هتطلع من غير رقم للعربية؟