يا جماعة انا حجزت رينو لوجان وخلاص هستلمها بكره بس ياريت اى حد يعرف ازاى اطلع ترخيص العربية بزجاج فامية يقول وبلاش موضوع ده ممنوع عشان فين ناس مطلعاها قانونى ياريت لو اى حد عنده فكره يقولى واريت يقول تكلفة الترخيص
عرض للطباعة
يا جماعة انا حجزت رينو لوجان وخلاص هستلمها بكره بس ياريت اى حد يعرف ازاى اطلع ترخيص العربية بزجاج فامية يقول وبلاش موضوع ده ممنوع عشان فين ناس مطلعاها قانونى ياريت لو اى حد عنده فكره يقولى واريت يقول تكلفة الترخيص
عشان تطلع قانوني لازم يكون فابريكة و مكتوب في الإفراج الجمركي للسيارة إن بها زجاج مظلل.
لازم يكون مكتوب في الافراج زجاج فيميه
او يكون معاك تصريح من المخابرات العامه
وعلي فكره خلي بالك ان في ناس بتكتبها في الرخصه بالوسطه بس بتتكتب بخط الايد مش علي الكمبيوتر وبيتغلف عليها
بس لو الظابط في اللجنه فاهم شغله اقل حاجه هيعملهالك هيقطعلك الرخص
والموقف ده حصل قدامي من 4 سنين واتكرر تاني من قبل رمضان بأسبوع
مبروك على العربية وربنا يديلك خيرها ويكفيك شرها
بالنسبة لموضوع الفامية ده بقى حاجة كده من المستحيلات التلاتة لازم تكون العربية جاية من بلدها كده ومكتوب فى ورق الافراج الجمركى بتاعها ان السيارة مواصفات خاصة بزجاج ملون خلفى او كامل العربية غير كده ما تحاولش
انا حاولت كتير قوى ومن كذا سكة وسايط وفلوس وكل حاجة محدش قدر يوصل لحل كل اللى قدرت اعرفه ان من فترة حوالى سنة تقريبا كان ممكن بعد العربية ما بتتفحص بتشوف حد من الموظفين اللى بيخلصوا الرخص وهو بيزودلك على الرخصة ان السيارة مواصفات خاصة لكن دلوقت ده بقى مستحيل لأن اللى عرفته كويس ان العربية بمجرد ما بتدخل البلد والافراج بتاعها بيروح على المرور الرئيسى بتاع الدراسة بتتسجل كل بياناتها هناك وسيادتك بعد كده لما بترخص بمجرد ان الموظف يدخل رقم الماتور والشاسيه بتطلعله كل بيانات العربية فالموضوع بالنسبة لى بقى شبه مستحيل
اخيرا سمعت ان ممكن بعض الناس اللى عندهم حساسية عالية ضد الشمس بيجيبوا شهادة طبية بكده وبيعملوا تصريح فاميه بس الشهادة دى بتطلع من الكومسيون الطبى لوزارة الداخلية .:khd::khd:
شكرا ياباشا على اهتمامك على الرد بس معلش هتقايل عليك شوية متعرفش الترخيص العادى ياخد فلوس اد ايه ومخالفة الفامية كام وهل لما بتكرر بتزيد ولا لا؟:H_angry[1]:
الحل انك
تركب ستاير كبس
او تعمل فيميه بس درجه ضعيفه اوى
عشان تقلل اشعه الشمس اللى داخله العربيه ودى معليهاش مخلفات لانها مبتبانش اصلا
انا سمعت ان مخالفة الستاير اكبر من الفامية:ma(30):
مخالفة الفاميه 50 جنيه .
بس .. بتخش الفحص من تاني عشان تاخد الرخص ! يعني بهدلة البهدلة
شكرا على الرد ياموتوووووووووووو:verygood:
شوف يا عمنا انت الأول هتشترى طفاية حريق وتدخل على وحدة المرور اللى انت تابع ليها هتكون واخد معاك البطاقة بتاعتك وتشترى ملف فاضى والأحسن قبل ما تفحص تروح على اى كشك بتاع شركة تأمين وتدفع التأمين الإجبارى انا دفعت حوالى 230 ج ل3 سنين و تروح تشترى ورق فحص وتدخل تفحص هو مش هيكون فحص بالمعنى المعروف عشان العربية زيرو هما هياخدوا بصمة ماتور وشاسيه وبتاع الدفاع المدنى هيخنملك ورقة الطفاية وتطلع بعد كده على الشباك تدفع الضريبة و تستلم الرخصة لو هترخص 3 سنين هتدفع حوالى 800 ج وربنا يبارك مقدما ولو فى اى استفسار انا صاحى مش هنام دلوقت