الاشارة الجديدة بتصور الناس اللى ماشين صح ولا حد هنا

[youtube]http://www.youtube.com/watch?v=d5PYo4elreg&feature=player_embedded[/youtube]

امشي غلط
تحتار الكاميرا فيك !!!!

بجد
حرام اللي بيحصل ده
ارحمووونا

انا لاحظت فعلا الاشارة دى فى طلعت حرب .. مش عارف هى الاشارة متبرمجة غلط ولا ايه !

انما فى مصر الجديدة امبارح الساعة 2 عربية سيريون كسرت الاشارة و كله مشي وراها و الاشارة لسه مفتحتش و الكاميرا عمالة تصور الناس .

حوالى 20 عربية مشيوا ورا السيريون و اتصوروا وصباح المخالفات بالجملة :)

ينهار ابيض , انا مش متخيل نفسى حصل معاى الموقف ده ممكن اعمل ايه

انا بس عايز اعرف مين بتاع المخلل اللى عنده عمى الوان وركب الكاميرا غلط وعكس نظامها , ده مستحيل يكون مهندس ولا حتى عامل فيوزات

انا شايف ان دة اشتغالة هماعملينها كدة

اشتغالة من الحجم العائلى

الاشارة بتاعت روكسى لما بتحمر لو جيت قربت شوية بتتصور من غير ما تعدى

منا باخد بالى حتى لو الاشارة قافله ومفيش ولا عربيه واقفه انا بقف ورا بتاع 15 متر عن الخط الابيض:049:

المشكله الكبيره ان فى اشاره المعمل فى البطل احمد عبد العزيز ناس كتير بتكون الاشاره حمرا وبتدخل يمين لانه مش ممنوع المشكله بقا ان الكاميرا بتصورهم ده يبقى ايه ده بقى ( .................)

انا معدي من هناك الصبح و الاشاره كانت حمره مع ان مكنش فيه و لا عربيه معديه قدامي في التقاطع
امت ماشي لما لقيت العربيات بتعدي جمبي و انا واقف
معني ذاللك اني اتصورت

المهم بس اللي يعدي يبقى يضحك عشان الصورة تطلع حلوة :)

بيبقى موقف جامد لما آجي اقف في الاشارة وهي حمراء واللي ورايا يزمر ويسبقني ويقوم واخدله صورة وساعات بيقف ويقعد يبص للاكميرا ( المكان اللي جه منه الفلاش ) مش عارف ليه الاشارة وهي حمراء الناس مش عايزة تقف مش عارف ليه بس بصراحة ببقى شمتان في اللي اتصور بالذات لو عايز بس يعدي عشان يقف على الخطوط

هقولك ليه كل واحد شايف انى البلد مفهش نظام فيقولك جات على انا ما كله كده
عارف بقى لو كل واحد فينا يقف يحترم الاشاره بغض النظر هتصور ولا هيسود النظام وكله هيحترم الاشراه بغض النظر عن التصوير

والله الموفق

اللى هيقولك هى جت على انا ها كله ماشى غلط
هيقول ايه بقى وهو بيسدد المخالفات ووكيل النيابه بيقوله كله بالصور
يعنى لامجال لتخفيض الغرامات وهتدفع هتدفع

لا حول ولا قوة الا بالله، طيب احنا اخدنا بالنا علشان الدنيا كانت ليل و الفلاش شغال طيب بالنهار؟! و ازاي اثبت اني كنت ماشي صح
بجد انا مش لاقي لفظ محترم اقوله

طيب مفيش خطوة ايجابية ممكن تتعمل عشان يظبطوا الاشارة دى بدل الناس ما بتدفع فى مخالفات كده وخلاص