عرض للطباعة
السلام عليكم،
انا عندي سيات ليون 2009 عملت صيانة ال40،000 قالولي تعالي علي ال50،000 دلوقتي ظهرلي في التبلوه شكل المفك الهو بينبهك علي معاد الصيانة و تحتي 2800 كيلو يعني بعد 2800 كيلو. انا لاحظت انه ظهر عند 45،501 كيلو بالظبت. هو ده بيظهر لما الكيلو يعدي 5،500 كيلو و خلاص ولا لما بيشعر فعلا ان في حاجة محتاجة صيانة ؟
و كمان بعد 2800 كيلو ده يعني حد اقصي و احسن اروح دلوقتي ولا ده العادي اني اروح بعد 2800 كيلو ؟
شكرا.
بص انا معرفش فى الليون بس انا عندى فى الاسترا العلامة بتنور عادى عشان الراجل ساعات بينسى يشيلها
بس انصحك تروح تسأل برده عشان الضمان
بس يا عبد الرحمن احسنلك روح اسالهم لأن فعلا ساعات بينسوا يشيلوها و يمكن يكون في حاجة بجد محتاجة صيانة روح اسال احسن ما ترجع تندم
بص يا باشا هو السؤال مش هيضر.....بس أنا هقولك على اللى بيحصل فى الميجان عشان تقارن
لو قربت على الصيانة ( قبلها ب 1000 كم ) بينور لمبة المفتاح برضه
لو فى مشكلة فى العربية لا قدر الله......بينور لمبة المفتاح + لمبة stop
نفس اللي بيحصل في البيجو 307 و بيطلعلك علي الشاشة اسم ال fault اللي الكمبيوتر مسجله لو لاقدر الله فيه حاجة
شكرا يا جماعة، انا هروح اطمن عليها، جزاكم الله خيرا.
علي ايه يا عبد الرحمن احنا اخوات و ابقي طمنا كده لا تسال
حسب الكتالوج .. عربيات سيات بتعمل صيانة كل 10000 (ميل) و ليس كل 10000 (كم) و الميل بيعمل 1.60934 كم بالضبط
يعني المفروض الصيانة الأولى عند 16000 كم تقريبا
و الثانية عند 32000 كم تقريبا
و الثالثة عند 48000 كم تقريبا أو 48280.2 كم بالضبط
و بعملية حسابية بسيط يتضح إنك فعلا فاضلك حوالي 2800 كم على ميعاد الصيانة الجديدة :36_3_10[1]:
يعني و لا تتعب نفسك و لا تروح لأي حد .. إنت على 48000 كم روح أعمل صيانة ال 50000 أو استنى ال 2000 كم دول كمان و روح في ميعادك عادي.
طبعا الصيانة عندنا عند كل 10000 كم لواحد من 3 أسباب:
1- جهل الوكيل بالفارق بين الميل و الكيلومتر
2- جشع التوكيل في زيادة عدد مرات الصيانة
3- طبيعة الارض و الاجواء في المنطقة
و ربنا يبارك لك في العربية :verygood:
جزاك الله خير، دي معلومات قيمة جدا. :B4_388: نفسي ابقي بفكر زيك كده. :majd(4):اقتباس:
المشاركة الأصلية كتبت بواسطة beihoo
برافو يا محمد والله معلومات هايلة