السلام عليكم
انا في المقطم باعمل صيانة ال 5000 و فيه ملحوظات عالعربية
عيل تنح بجد اللي بيستلم و مش فاهم شغله
طلع واحد جديد أصلا !!!!!!!
مش عارف بقى
سنوافيكم باخر الاخبار
أحمد أبو العافية
هضبة المقطم - قطاع الأخبار
عرض للطباعة
السلام عليكم
انا في المقطم باعمل صيانة ال 5000 و فيه ملحوظات عالعربية
عيل تنح بجد اللي بيستلم و مش فاهم شغله
طلع واحد جديد أصلا !!!!!!!
مش عارف بقى
سنوافيكم باخر الاخبار
أحمد أبو العافية
هضبة المقطم - قطاع الأخبار
بص خضرتك لو اسلوب التعامل حسس انه غير متحضر فمن حقك انك تشتكى ....المفروض
الشخص ده طبيعه عمله انه يخدم العملاء وحضرتك دفع تمن الكلام ده لما اشترت العربيه...
انا مش بسخن ولا حاجه:funny34d:
ياريت تعمل شكوى عن طريق التليفون ....وطبعا انت عارف ازاى توكيل رينو محترم...:khd:
خش على أخوك رفيق
طبعا مع حضرتك
أنا قصدي حل سريع للموقف
خالد بيه قصده على شخص فى المقطم أسمه رفيق
يا جماعة لازم تكونو على ثقة أكتر فى الوحوش و مدى سيطرتها.........
كنت هناك النهاردة بالصدفة و ظبطت الراجل اللى تنح مع أبو كمال.......بس هو فعلاً لسه جديد.....معلش بكرة يتعلم.
خلصت الصيانة
الصيانة مجانية (5000) و تم فيها الكشف على الموتور و الفتيس و تربيط العفشة و تنضيف تيل الفرامل مجانا
الملحوظات كلها تمت بس لسه التيل بيصفر ..... و هيغيروا بكرة الحزام اللي ما بترجعش للاخر بس مش موجودة عملوا Special Order من فرنسا و هتتغير على حسابهم
اشتريت اريال أصلي استبن عشان لو اتسرق ب 71.5 شامل الضريبة
و ركبت دلايات أمامية و خلفية عشان الطين و الشتا داخل كل سنة و انتم طيبين
تمن الأربع الدلايات الأصلية بدون التركيب شامل الضريبة 308
و التركيب 110 شامل الضريبة
و كانوا غلطانين و حاسبين الفاتورة 181 جنيه بس عشان فاكرينني جايب الدلايات معايا ..... يا خسارة الواحد عنده ذمة نياهاهاهاهاهاهاهاهاهاهاها ها
و في فرع إسكندرية :36_1_34[1]:
مهندس / محمد عادل (قمة الأخلاق الرفيعة)
عم حمدي كبير فنيي رينو
مبروك يا باشا على الصيانو عقبال صيانة ال1000000000 و الحمد لله الواحد كل يوم بيتأكد انو لو لا قدر الله جراله حاجة هو تليفون و هلاقي العصابة كلها جاية :d
بس انا عندي سؤال ... هما ايه الدلايات دي و ايه وظيفتها؟!
الدلايات هي الكاوتشة او البلاستيكة اللي بتبقى مدلدلة من الرفرف ورا العجلة عشان تحوش الطين عن الرفرف و جسم العربية
زي دول
http://i84.photobucket.com/albums/k1...hoto/flaps.jpg
http://i305.photobucket.com/albums/n...s/MudFlaps.jpg
مبروك يا باشا
كنت قلت لي أركب لك الدلايات بحجر عنب فاخر
يا الله ربنا ما يجعلنا من قطاعين الأرزاق
شكرا يا باشا، بس هي اللوجان مبتجيش بيها؟! و لو مش موجودة ايه الضرر اللي ممكن يحصل؟!
لو امدير الفنى مقمش بالواجب سبها للكوتش هاتلى اسمه الواد ده ده انا اودى شركه النصر يستقبل 128 هناك
معلش يا كبير بس عم حمدى ده معلوماته عن الرينو زى معلوماتى عن دمنهور بالظبط ده ينفع يعمل حاجه واحده بس عند واحد كبابجى يصبع كفته و كمان ميحطهاش على الفحم ليحرقها :Oc_sun1[1]:
ده انا عملت معا مشكله سنه 2007 وبعد ماخلصت خت العربيه و قولتيلوا ملكش حاجه عندى ابقا خد الحساب من الشركه فى مصر بوظولى المرايا و خصمنا تمنها من فلوسهم عن طريق الشركه قى مصر الوحوش قلبهم جامد
بلاها عم حمدي مع إني ما شوفتش منه حاجة وحشة
أحلام الكوتش أوامر
بس أوعى تقول حاجة عن م / محمد عادل بقى ، أنا إتعاملت معاه كتيييييييييير
هي ما بتجيش مع الميجان و لا السينيك
معرفش اللوجان بتيجي بيها و لا لأ
ضررها ان الشتا و المطر جايين
و اي شوية مية او طين او مطب مليان مية تنزل فيه هيطرطش مية على جنب العربية و يخلي شكلها وحش
او يطرطش مية جوة الرفارف تعمل طين مع الوقت الطويل يعمل بارومة
هي بتحوش المية او الطين عن الرفرف و عن جسم و عتب و جناب العربية
لا و الله بس خليك في الاصلي
خامتها انضف بكتير
ركبهم برة لو عاوز توفر مصاريف التركيب الغالية شوية (ماكنتش متوقع بصراحة 100 جندي)
ما يمنعش نبص بصه لو في بره التوكيل ..... خصوصا ان الخامه هنا حاجه مؤثرة قوي يعني
ومصاريف التركيب مبالغ فيها بزياده بصراحه
ياريت ياجماعة لو حد فى اسكندرية يقولينا الدلايات دى تتجاب من فين ؟... وهل لو اتركبت بره التوكيل فيى مشكلة ولا لأ .... لان انا لسه بسأل لو غيرت الزيت بره ايه النظام قاللولى تطلع من الضمان !!
مبروك يا دون كمالو الصيانة وعقبال ال50000 كم
هو حضرتك مغيرتش الزيت فى صيانة ال 5000 ليه ... هل هو لسه كويس عندك ولا حضرتك حتغيره على ال 10000 زى ماهم بيقولوا ؟؟ .... لانى انا لسه عاملة 4000 بس فى 6 شهور الصراحة ولما بصيت على الزيت لاقيته مفهوش لزوجة خالص ولازم يتغير ومينفعش خالص يقعد لل 10000 ... فأيه رأيكم ياوحوش فى الموضوع ده ؟؟؟؟؟؟؟؟ .... تانى حاجة انا ناس كتير صراحة قاللولى ان زيت توتال وحش وبلاش منه واغير احسن موبيل وان 10000 وان حتى ده كمان برضه ميقعدش فى العربية لحد ال 10000 كيلو وانزله على ال 5000 ... انا مش عارفة برضه الكلام ده صحيح ولا احط توتال وخلاص ؟؟؟ افيدونا لو سمحتم ياوحوش ... لانى حروح اعمل الصيانة بكرة ان شاء الله
كلنا بنغير زيت فى المواعيد المقررة..كل 10 آلاف كيلو
بس معظمنا بيعمل من 20-30 ألف كيلو فى السنة...
لكن الكتالوج بيقول الزيت يتغير كل 10 آلاف كيلو أو سنة لو مش بتمشى كتير
مافيش شكوى حصلت من زيوت توتال
لكن...فى زميل جرب زيت " إمارات مصر " لأكتر من ال 10 آلاف كيلو و كان مبسوط منه
على كل زيادة فى الاطمئنان...وضح ملحوظة لزوجة الزيت لمهندس الاستقبال...و علشان تكون فاهم..هما من مصلحتهم يغيروا الزيت...هايخدوا فلوس..و يقللوا من احتمال حدوث مشاكل فى أثناء الضمان..لكن الحق..هما مش بيعملوا غير الصح
و صيانة سعيدة إن شاء الله
شكرا لحضرتك على الرد بس يعنى ماخودش معايا موبيل وان ؟؟ انا عاوزة الاحسن فيهم مش الكويس وخلاص ؟؟ .. هو الزيت فى التوكيل اغلى من بره ؟؟.... يمكن يكون الزيت عمل معايا كده علشان ده زيت الفبريكة مش عارفة بس انا متهيقلى انه مينفعش يكمل على كده وربنا يعمل اللى فيه الخير ان شاء الله ...
أرجو أن تتفضلي بالثقة في أن التوكيل لا يمكن يجازف بإتلاف موتور سيارة تحديدا في الضمان
أما عن زيوت توتال فهي زيوت موصى بها من رينو فرنسا
فرق سعر الزيت داخل التوكيل في حدود (15 أو 20) جنيه ، عن نفسي أضحي بالفارق مقابل تجنب المهاترات في حال حدوث ضرر ما (لا
قدر الله) و أقل ما سيقال وقتها بأن الوكيل غير مسؤول عن الزيت المستخدم .
فعلا كلام حضرتك تمام ومقنع انا حتوكل على الله واسيبهم يعملوا اللى فيه الصالح وفى الاخر اللى بينى وبينهم هو جودة المنتج وانه يستحمل فعلا عدد الكليوات الموصى بها ... وشكرا جزيلا على اهتمامك
فعلا مفيش وكيل هيحط منتج دون المستوى يبوظ الموتور بالذات و هو في الضمان