الضمائر ماتت من زمان
ومفيش حد بيسيطر عليها
عرض للطباعة
الضمائر ماتت من زمان
ومفيش حد بيسيطر عليها
سؤال لوزيري الصحة والتضامن حول انتشار عبوات ألبان اطفال بالاسكندرية دون رقابة
قدم خالد خيرى عضو مجلس الشعب سؤالا لوزيري الصحة والتضامن الاجتماعي حول انتشار عبوات ألبان اطفال بالاسواق بمحافظة الاسكندرية دون تدخل او رقابة مديريات الصحة والتموين.
وقال خيرى ان هذه العبوات ظهرت بكثرة بالاسكندرية فى نهاية شهر رمضان وايام العيد لاحدى الشركات الشهيرة مدون عليها تاريخ انتاج "سبتمبر 2009" ولكن بعد ان تم استبدال الغلاف الداخلى لها - فضى اللون الذى يحافظ على سلامة اللبن من التعرض للهواء الخارجى ويجعله فى حالة طازجة - بغلاف اخر اسود اللون مصنوع من المادة التى تصنع منها اكياس القمامة.
وتساءل عضو مجلس الشعب عن دور مديرية الصحة ومديرية التموين وحملات التفتيش وجمعيات حماية المستهلك فى منع انتشار هذه العبوات المؤثرة على صحة المواطنين مطالبا باتخاذ الاجراءات
اللازمة ضد هذه الشركات وسحب منتجاتها من الاسواق.
المصدر: موقع مصراوي عن وكالة انباء الشرق الاوسط.
سؤال لوزيري الصحة والتضامن حول انتشار عبوات ألبان اطفال بالاسكندرية دون رقابة
وهـــــو ده العـــادي لشعب مصر ؟؟؟
انتو عايزين تاخدوا كل حاجة حلوة ايه الطمع ده يا أخي
أنت عايز الحليب بتاع الفقراء يتحط في قزايز البيرة بتاعة البهاوات
شعب فرعوني صحيـــح مايعجبوش العجب ولا الصيام في شهر رجب
وأحب أقول دايما بص للجانب المليان من الكيـــــــــــــــس وإن هما لسه مغيروش في اللبن ؟؟؟؟؟؟؟؟؟؟؟هههههههههههههه
يا جماعة واحدة واحدة
أولا استحالة يتغير الكيس بتاع اللبن أو العصير لسبب بسيط أن الأكياس دي تبع شركة عالمية أسمها " تتراباك" - اسسها سويدي -ودي بتصنع وتعبي اللبن والعصير بتكنلوجيا عالية جدا وبتعقيم شديد جدا ولو في اى خلل في العبوة بتترفض من على خط الأنتاج والعبوات دي بتبقى عبارة عن بكرات كبيرة جدا بتيجي مستوردة من السعودية وبتقفل العلبة وبتتعقم أثناء التعبئة والمنتج بيتراقب من الشركة الأم في السويد يعني الموضوع مش سايب
وهذا للتوضيح
مع أطيب تحياتي
م/ ايهاب يوسف ( صيانة تتراباك " سابقا " )
الكلام ده محصلش معايا
انا لسه شاري كيس و لقيته من جوه فضي اللون زي كل مره بشتريه
انا اشتريت اللبن ده من القاهره مش من اسكندريه
ده اكيد حد ضارب الاكياس دي و منزلها السوق
المهم مايكونش ضارب اللبن كمان وحاطط بداله بودرة سيراميك
ربنا يستر
تحب حضرتك ابعتلك الكيس على البيت ؟؟؟؟؟
والله حضرتك بتفكرني لما المسئولين بتوعنا يطلعوا في التلفزيون ويقولوا كل شيئ تمام .... أنا مش عارف حضرتك بتكدب الجريدة ولا بتكدب مسئولي المجلس المحلي في اسكندرية ولا بتكدب عضو مجلس الشعب اللي عمل استجواب في البرلمان ولا بتكدب مين بالظبط ؟؟؟ !!!!
على العموم أنا نقلت الموضوع من الجريدة دة أولا
وشفت الأكياس الجديدة دي بنفسي وللأسف أشتريتها في الساحل الشمالي أثناء فترة العيد دة ثانيا
لكن لما رجعت القاهرة لقيت الأكياس القديمة زي ماهي يعني الأكياس دي موجودة في اسكندرية فقط والله على ما أقوله شهيد
تصدق و الله فى كيس بخيره فى التلاجة و خايف اقرب له :)
على العموم انا حذرتهم منه .
انا مبحبش بخيره لآنه مصنع من البن البودره و الكلام ده مكتوب على الكيس