اذكروا محاسن موتاكم
على الاقل الراجل ده ساب بصمته فى الحياة احنا بئا عملنا ايه
عرض للطباعة
اذكروا محاسن موتاكم
على الاقل الراجل ده ساب بصمته فى الحياة احنا بئا عملنا ايه
يقولون إنه من ذاق عرف
قد تكون لم تكتوي بنار عبد الناصر
قد تكون لم يتم الإستيلاء على مصنع لك أيام هوجة سرقة الأملاك الخاصة (التأميم)
قد تكون لم يتم الإستيلاء على عقار تملكه بواسطة المستأجرين في هوجة سرقات الثورة المسماه (الإشتراكية)
قد لا يكون لك جد تعرفه إختفى خلف الشمس ولم يعثر له على أثر بسبب أن رأيه لم يكن على مزاج الزعيم
أو قريب مات في اليمن وهو لا يعلم لماذا ذهب إلى هناك
وسؤال
كيف تريد أن يبرر لك الناس آلامهم وذكرياتهم !!
لو كنت باحثاً عن الحقيقة
حاول أن تسأل كبار السن من ألوان مختلفة عن رأيهم في جمال عبد الناصر
لأن هناك من الناس من عاش في جنة عبد الناصر
فهل يعقل أن يذم في عبد الناصر
لو أحضرنا ممثلاً تم علاجه في الخارج على نفقة الدولة
هل تعتقد أنه سيذم الحكومة والزعيم أم سيغني لترابهم
لكن لو سألنا إنساناً مات أبوه لعدم قدرته على العلاج في مصر سيكون رأيه مختلفاً
بمعنى إن اللي على الحجر طبيعي سيمجد ويهلل
آخر مثال:
هناك مدن كبيرة بالجمهورية بها إهمال جسيم بالمرافق والشوارع
أكيد سكانها مش راضيين
لكن لو نزلت أحد أرياف أرياف ونجوع نجوع قرية صغيرة من قرى المنوفية مثلاً ووجدت الأسفلت يصل حتى أبواب البيوت
أكيد الناس هناك هيعلقوا صورا بالورد والريحان
لكن الحقيقة لا تظهر إلا للأذكياء فقط
اسكنه الله واسع جحيمه!!
الناس اللى بتقول السد العالى.. وحياة ابوكم اسـألوا خبراء الرى والتربه الأول
عهد عبد الناصر به الكثير و الكثير
و سبب معظم بلاويه هو مصيبة المصريين الازليه
افتى فى اى حاجه و انا ابو العريف
معظم القرارات لم تكن لها مرجعيه علميه
----
تأميم القناة
كويس لكن عادى و كانت هاترجع سياسيا و غير كده اى حكم جديد بيعمل تأميم للمنشأت الاجنبيه كما فعلت ايران مع النفط
انما ما زاد عند عبد الناصر تأميم المصريين كمان
--
السد العالى كما ذكر نايل هيرت
مشروع عظيم و له استفاده جليه للعين و لكن من ناحيه تانيه بيبهدل فى حته تانيه نتايجها ماتبانش الا بعد فترة تكون الدنيا خربت
---
توزيع الاراضى على الفلاحين
حلو بس مش مدروس و عن كلام ناس ثقه عاشوا فى هذا الوقت ان الفلاحين اصبحوا لا يعملوا فى اراضيهم و منتظرين الاجريه
مش بقوا اصحاب اراضى زى الباشا بتاعهم
حكاية الاقطاع و خلافه عن كلام ناس كتير
فيه مغالطه كبيره
كان فيه باشوات فاسده و مواليه للأنجليز
بس كان في بشوات تمام
و كانت العزبة بتاعة الباشا هو مسئؤل عن كل ما فيها بناسها
و فى مواقف سمعتها لسراج الدين تدل على اى مدى كان هذا الرجل
--
كان فى عبود باشا و طلعت حرب وووووو
كان فى مصنع حديد و صلب "الدلتا للصلب بمسطرد"
كان فى غزل و نسيج "الشوربجى بامبابه"
لم تكن البلد كما صور لنا بعد ذلك تزرح فى الجهل و التخلف و الهمجيه
--
عبد الناصر حبيبنا قايم بينا يخاطبنا
قول ما بدا لك
احنا رجالك و دراعك اليمين
--
طيب فين اغانى نجيب
كان فى اوبريت لاسماعيل ياسين نادر جدا
-
الخلاصه
لا و لن يوجد حكم عادل
انما هى مميزات و عيوب
و الفيصل النيه التى لا يعلمها الا خالقنا
و الذى يحاسب العبد لله جمال عبد الناصر
المهم هو استخلاص الجيد و المداومه عليه
و البعد عن اللى مالوش لازمه
و لو حتى على المستوى الشخصى
و لا تنسى ان كلنا رعاه مسئولين عن رعايانا
-------
وجهة نظر
أنا ممكن أكون متكوتش بنار عبد الناصر زي محضرتك بتقول ...بس برضه ماشفتش نعيمه ..لأني مشهدش عصره أساساً علشان كدا أنا مش متعصب لرأيي..و متهيألي إن حضرتك برده زيي معشتش في عهد عبد الناصر ...(يا أستاذي الفاضل ماينفعش تحكم على شخص حكم مطلق من خلال أراء ناس تانية و تعمم حكمك و تتهم الاخرين بالغباء )..و بجد مكنتش ناوي أعلق تاني في الموضوع ده بس حضرتك بجد أهنت ناس كتير بالجملة الأخيرة...هو ماينفعش حضرتك تعبر عن وجهة نظرك وفي نفس الوقت تحترم وجهة نظر الأخر ..و يظهر إن أنا غبي من وجهة نظر حضرتك فقط لأنني انتمي لوجهة نظر مخالفة ..هو سؤال واحد بس ...ايه الغرض من الجملة الأخيرة؟؟؟..على العموم متشكر جداً و متهيألي إن الموضوع بقى عدواني جداً..
ياباشا اختلاف الراى لا يفسد للود قضيه
الراجل اعتقد كان بيقصد بجملته الاخيره ان مش اى حد تاخد منه رأى
يعنى الناس اللى فى الشارع او الفلاحين لما تروح و تديله حته ارض اكيد هيفضل يدعيلك طول عمره مع انه مش عارف انت جايب حته الارض دى ازاى ولا منين ولا واخدها من مين و ازاى !!
يبقى تروح و تسأله وتاخد برأيه