المشاركة الأصلية كتبت بواسطة tyler_durden
هيكل من ساعة ما دخلنا على عهد عبد الناصر و هو بيتهته
و مش سهل هيكل يتهته بس خلاص الوثائق طلعت و هيكل عارف إنه لو مقالش غيره هايقول
هيكل مدعي واللى يسمعه كويس يحس ان الدنيا مكانتش تلف حول نفسها غير بعد ما تاخد رايه وتهته سببها محاولته لصنع دور لنفسه في كل شئ وجعل نفسه موجود في كل لحظة
هو و الحق يقال عبد الناصر عمل حاجتين ١٠ على ١٠
السد العالي - تأميم القناة
الحمد لله انك افتكرت حاجة من الحاجات الكتيرة جدا اللى ناصر عملها للبلد
ساعات الناصريين بيحبوا يجاملوه و يسوقوا فيها و انه عمل مصنع السماد و غزل المحلة و مصانع عصير و مربى مش عارف ايه ..و الحقيقة ان المصانع دي كانت قائمة قبل عبد الناصر و هو خدها من اصحابها و بقت بتاعة الحكومة ..
اللى بيقولوا كدة شوية جهلة لان الغزل والنسيج في المحلة اللى بداه طلعت باشا حرب ناصر نشره لكن اللى بني الاسس كان طلعت حرب باشا
اما ناصر فلم يبني مصانع العصير والمربي ناصر هو اللى عمل الالومنيوم في نجع حمادي
ناصر هو اللى عمل الحديد والصلب في حلوان
ناصر هو اللى عمل مصانع الاسمنت
ناصر عمل كتير جدا بس اللى يقول الحق
لكن بالنسبالي هو اللي دخل مصر سلسلة مغلقة من التعيينات لأهل الثقة و ليس أهل الخبرة ..و مازلنا نعاني من أثار ذلك حتى الأن ..النظام الملكي كان له مساوءه و لكن لو استمر لما كان هذا حال البلد ..
ناصر كان قايم بثورة ولا يمكن ثورة تقوم بدون ما تعتمد على اهل الثقة على الاقل في البداية لكن غلطة ناصر انه استمر في الاعتماد عليهم للنهاية ولما اكتشف خطأه كانت الكارثة حصلت
لكن على الاقل اهل الثقة في ايام ناصر لم يكونوا مثل اهل الثقة لدي من لحقوه اللى قال لواحد خلى بالك من اسكندرية يا رشاد واللى قال تتتتتتتتتيت
عبد الناصر باع للناس الكلام ..و اعتى الناصريين القدماء بيقولوا كده دلوقتي