هي الناس يا تبقي ملائكه يا تبقي شياطين !!
عرض للطباعة
هي الناس يا تبقي ملائكه يا تبقي شياطين !!
بدل ما نفكر فى اللى جاى بنفكر ده عمل ايه و ده عمل ايه ..
ربنا يرحم جميع موتانا و موتى المسلمين سواء زعماء او روساء او فقراء .
نفسي نفكر هنختار مين و ليه بدل ما نقول الله يرحم كذا و كذا .
هقولك حاجات بسيطة جدا وانت قول هو عمل ولا معملش
- السد العالي اللى لولاه كان زماننا موتنا من العطش في مجاعة الثمانينات وكان زمانا لغاية النهاردة عايشين على الشمعة ووابور الجاز ومفيش لا صناعة ولا دياولو
- قوانين الاصلاح الزراعي اللى جت في صالح الشعب المصري الحقيقي مش شوية المرتزقة وقوانين التاميم اللى اعادت للبلد ممتلكاتها
كون ان حصل اساءة استخدام لهذه الممتلكات فليس ذنب ناصر
- المصانع زي مجمع الالومنيوم في نجع حمادي والحديد والصلب في حلوان وبدء تصنيع السيارات والاسلحة في مصر
كون ان تم اهمالها بعد وفاته مش زنب ناصر
- المساعدة في تحرير الدول لاعربية من الاستعمار وشوف محبي ناصر من اليمن والكويت للزائر اتحدي لو زعيم عربي يجد نفس الحب سواء حي او ميت
- مات وعليه ديون 3 الاف جنيه كما ذكر احد الاخوة . حد يقولي غيره ميت ولا عايش له كام وعنده كام
وبرغم كل ده بردو بقول ان له سيئاته كما كانت له حسناته رحمه الله ورحم الجميع الاموات والاحياء
الله يرحمه و يرحم كل زعماء مصر الاوفياء و المخلصين
زعيم بمعنى الكلمة
الله يرحمه بقي
عبد الناصر..ماذا اقول عن عبد الناصر..لن تعرفوا عبد الناصر. لو رحتوا سوريا، أو ليبيا، أو تونس، أوالجزائر ستعرفون حقا من هو عبد الناصر.
عبد الناصر ليس ملاكا وله العديد من الأخطاء ولكن لماذا يكون المصريون دائما بلا رموز. في امريكا يجرم القانون الاستهزاء بجورج واشنطون. وفي تركيا صور اتاتورك في كل المحافل الرسمية. يعني هو واشنطون ولا اتاتورك كانوا ملايكة؟ اكيد لا. وبعدين احنا مش عاجبنا محمد علي ولا سعد زغلول ولا النحاس ولا عبد الناصر..امال مين الزعيم المؤسس لمصر إللي احنا عايشينها دلوقت؟؟
الثورة المصرية كانت إنقلابا ثم اصبحت ثورة...ثورة تغيير في نظام الحكم..ثورة تعليم وصناعة...ثورة تحديث وتطوير...لا ينكر احد ان ازهى عصور مصر الفكرية (تعليم وثقافة) كانت من عام 56 حتى عام 67.
عبد الناصر يستحق صفحة في جريدة الاهرام في يوم وفاته. عبد الناصر يستحق اكليل من الزهور على قبره يضعه اكبر راس في البلد...
على رأي أحد مثقفين مصر في وصفه لعصر عبد الناصر
عظيم في إيجابياته وعظيم في سلبياته
اللي عايز أقوله ان غلطة عبد الناصر الكبرى هي إرساء نظام الحكم الديكتاتوري والشمولي في البلد ووضع كافه السلطات في يد رئيس الدوله فقط والذي مازلنا نعاني منه حتى الآن
يعني تخيلو كدة لو كان عبد الناصر أرسى نظام ديمقراطي يقوم على انتخاب حقيقي لرئيس الجمهورية لمدتين فقط كل منهما 5 سنوات
مش كانت الدنيا دلوقتي اتغيرت كتيييييييييييييير
انت متفائل جدا طيب إنت تفتكر إن الحال كان هيبقى أفضل من كدة؟؟؟؟
أشـــــــــــــــــــــــ ـــــــك لأننا ماشيين بمنطق اللى نعرفه أحسن من اللى منعرفوش
واحب التنويه فقط على شىء نحن لم نسجل أخطاء أى إنسان وإنما التاريخ يسجل
كل صغيرة وكبيرة حسنة كانت او سيئة .......وأنا اتفق جدا ان العالم كان يخشى
عبد الناصر ويحترمه :majd(4): مسيري أعرف السبب