عرض للطباعة
السلام عليكم
عندي الدريكسيون باور تقيل شوية (نفس احساس ان العجل مريح) مع ان العجل مظبوط ولسه متغير سير الباور في صيانة ال 60 ألف من حوالي شهر..
بصيت على زيت الباور في يوم قبل التحرك بالعربية وجدته اسفل مؤشر ال max بسنة بسيطة ..
وبصيت عليه بعد مشوار لقيته اعلى من الmax بشوية بسيطة..
ياترى ممكن يكون دا السبب؟ (ان الزيت زايد شوية)
افيدوني جزاكم الله خيرا..
أنا عندى نفس المشكله اتمنى انى اجد حل لهذه المشكلة
خلي الميكانيكي يبص علي علبة الدركسيون والكبالن
أهلا يا أخ تيماقتباس:
المشاركة الأصلية كتبت بواسطة timtim
على حسب ما قريت في كتالوج التمبرا أن زيت الباور بيعلى لو العربية سخنة علشان كده بينصح تخلي زيت الباور بين علامتي ال min و ال max علشان لما العربية تسخن ما يعلاش على ال max .
لكن لا أعتقد ان هذا هو السبب , لو ضغط العجل سليم , راجع طلمبة الباور و علبة الدركسيون .
لما بيكون الباور تقيل ,بيبقى عيب الاسكاترا ,وممكن تلاقى ناحية خفيفة وناحية تانية تقيلة ,لائما عجلة مأخرة او مقلوبة شوية ,بتخلى العربية فيها عائق فبتقل الدركسيون ,يبقى كدة مشكلة زوايا واتزان,
وسبب تالت: ان الطلمبة الباور بتكون تعبت
انت اكشف على الحاجات دية وان شاء الله خير
أنصح الأخوه اللى بيعانوا من تقل فى عملية التوجيه
بتجربة شد سيرطلمبة الباور شويه والتجربه
طالما الطلمبه بتقلب الزيت تمام بسحبها للزيت من تنك الباور
ومفيش تسريب خارجى ظاهر
اقتباس:
المشاركة الأصلية كتبت بواسطة semsem kane
الحمدلله مع ظبط الزوايا الباور اتظبط الحمدلله..
جزاكم الله خيرا جميعا..
الأخ timtim
انتا ظبط الزوايا فين ... علشان أنا روحت بريدجستون اللى فى بنزينه كالتكس أخر شارع عباس العقاد ... وبردو البور تقيييل ... وفى البدايه انا كنت غيرت سير الباور ومتاكد من شده
فين حد يكشف على الاسكاترا علشان انا تعبت من تقل الدركسيون
الاسكاترا اللى بيكشف عليها عفشجى بس احب انبهك لحاجة
الاسكاترا بتبوظ لما بيكون فيها بوش وبتخبط فى المطبات
انت كدة عندك مشكلة فى حاجتين لائما الزوايا عندك فيهامشكلة وهية اللى مأثرة على التوجية
لائما طلمبة الباور مش بتعمل بكفاءة
انا معايا سينا 1400 والباور عندى بيتقل بعد المشى ب 3 دقاءق معرفش دة السكاتر ولا الترونبة لانها بتعمل صوت همهمة جامد يا جماعة الولى وارشدونى اشتريها منين من دمشك واصلح فين فى مدينة نصر
لو هتجيب جديد هات من السجان او الشرق في شارع دمشق والأفضل تجيب أصلي من الكيلاني
ممكن تجيبها استيراد هتكون مضمونة واصلي وارخص بكتيييييثر من الجديد
طب ايى العيب اسكتر ولا ترونبة وتانى حاجة مش الستيراد دة استعمل قبل كدا يعنى هيعدلو شويتين وينتهى واعض بقى عند الميكانيكيا
علما ان اول ا3 دقاءق الباور بيبأى حلو
كدة الطرمبة ياباشا ,لائما تشيك الاول على السير بتاعها
يعنى هوا لو السير مقطوع هيشتغل الباور اصلا ارجو التوضيع وهل السير بيأثر على الباور مهو لشغال لا مقطوع مفيش تالت ولا اية
لا ياباشا ممكن مايبقاش مشدود
يعنى لو مش مشدود ممكن يبقى بيعمل صوت الهمهمة دى او بيأثر على اداء الباور واكشف علية فين ولو مش مشدود هل بيتغير ولا بيتشد لان بردة بسمع الصبع صوت شبية بصوصو العصافير وبيروح وبيجى على حسب دوسة البنزين بس على خفيف اوى معرفش فى علا قة ولا اية
ممكن فعلا يكون السير مش مشدود واللي يشوفه ميكانيكي
الاستيراد اه استعمال بس فيه منه حالته نضيفه جدا يعني مثلا علبة الدركسيون الباور بتاعة التمبرا عندي بدأت ترشح زيت سالت عليها جديدة لقيتها تركي ب 2000 جنيه
رحت جبتها استيراد والراجل فكها قدامي من عربية كانها زيرو واشتريتها ب 300 جنيه ايطالي وبقالي دلوقتي سنة وشهرين مافيش مشاكل وزيت الباور مابيقلش حتي
انما مثلا ماينفعش اجيب مساعدين استيراد لأن عمرهم الافتراضي قصير
الاخ سمسم
هل فيه اختبار للترمبة بتاعت البور علشان نتأكد ان العيب من الترمبه مش من الاسكاترا ؟؟؟
عيب الاسكاترا :انك بتسمع صوت دربكة فى العفشة مع المطبات وطالما انك بتكون متاكد ان الكبالن الخارجية والداخلية كويسة بيبقى العيب منها اكيد ,ثانى حاجة بترشح زيت بس مش غالبا العيب دة بيكون فيها ,وهية بتتغير على طول مابتتصلحش ولو حد قالك بتتصلح يبقى بيضحك عليك وهتلاقيها بعد فترة قصيرة جدا بتجيب زيت اكتر من الاولاقتباس:
المشاركة الأصلية كتبت بواسطة ali_abdelhamid
الطرمبة بتاعة الباور بيبقى صوتها عالى مع دوسة البنزين ,والدركسيون بيبقى تقيل فى الحركة سواء شال او يمين ,لكن لو ناحية وناحية يبقى اتاكد من ظبط الزوايا الاول عشان ممكن تكون فية عجلة مأخرة يعنى الاول بتظبط حاجتك وتشوف بعد كدة العيب من اية
تتصلح عادى ياباشااقتباس:
وهية بتتغير على طول مابتتصلحش ولو حد قالك بتتصلح يبقى بيضحك عليك وهتلاقيها بعد فترة قصيرة جدا بتجيب زيت اكتر من الاول
بس أهم حاجه تكون حالتها من جوه كويسه
ويكون الصنايعى اللى بيشتغل بيفهم فى أعمال الصيانه
وللأسف الصنايعيه اللى بيفهموا نادرين أوى
المشكلة كلها ان القطع الغيار بتاعتها او طقم الاصلاح بتاعها بيبقى مضروب فامبتكملش شهرين تلاتة ,وكان فية واحد معاة هيونداى اكسنت عمله وصورف حوالى 300 جينة بالمصنعية عشان عيب فيها بقت بتجيب زيت اكتر من الاول فهية دية المشكلةاقتباس:
المشاركة الأصلية كتبت بواسطة samirayad
ولو حضرتك تعرف واحد كويس خلى صاحب الموضوع يروحلة ويريحة من تكلفتها العالية لانها فعلا بتبقى غالية جدا
يبقى العيب فى الضمير وكفاءة الصنايعىاقتباس:
المشكلة كلها ان القطع الغيار بتاعتها او طقم الاصلاح بتاعها بيبقى مضروب فامبتكملش شهرين تلاتة ,وكان فية واحد معاة هيونداى اكسنت عمله وصورف حوالى 300 جينة بالمصنعية عشان عيب فيها بقت بتجيب زيت اكتر من الاول فهية دية المشكلة
الحقيقه لسه معملتش حاجه فى الأسكترا فى الأسماعيليهاقتباس:
ولو حضرتك تعرف واحد كويس خلى صاحب الموضوع يروحلة ويريحة من تكلفتها العالية لانها فعلا بتبقى غالية جدا
وكنت أعرف واد شاطر فى بور سعيد فعلا
وعموما حسأل عندى لو لقيت واحد كويس
حقولكم
وأنا سائل قبل كده عليها كامله للانوس وأستيراد وكانت عامله حوالى 350 ج
باشمهندس / سمير
متعرفش ميكانيكي وسمكري وكهربائي كويسين في الإسماعيلية
جزاك الله كل خير
أعرف ميكانيكيه كويسين
زى أشرف دايو فى آخر شبين (جنب الموقف )
وشغال فى توكيل دايو
وده تليفون أشرف 0124130214
وفيه واحد كويس برضه أسمه محمد البهتيمى جنب قهوه فى الثلاثينى
بس مش فاكر أسمها الصراحه
وعموما حسألك على ناس كويسه تانيه كمان من زمايل معايا
وحجيبلك أسماء وعناوين وتليفونات كمان _(لميكانيكى وسمكرى )
بس أدينى فرصه لبكره أن شاء الله
ربنا يخليك يا باشمهندس / سمير
جزاك الله كل خير
أنا سألتلك تانى
وناس فضلت أشرف فى الدايو
وبالنسبه للسمكرى
فيه واحد كويس وراء مصنع الكاكولا
حتخشله من بين نادى القنال القديم والكاكولا
وأسمه (السيد )
تليفونه 0120423654
فيه ناس بتشكر جدا فى شغله (بس حراق شويه )