ميعاد تغير فلتر الزيت

**zocor742** · 18-10-2009 01:05 AM

انا كنت بغير فلتر مرة ومرة
بس بقالى مرتين بغيرة مع الغيار كل مرة
انا شايف ان كدة افضل خصوصا ان الفلتر هيكون حاجز جواة زيت من القديم
بس كدة بدال ماكان بيتفضل شوية فى الجركن
دلوقتى مع الفلتر هتستخدم الجركن كلة تقريبا
بس على رأى محمد ممدوح باشا فلتر الزيت ارخص من المتور

**abo_lamar** · 18-10-2009 01:28 AM

باشمهندس سمير :
بعد اذن حضرتك كنت عايز اعرف ايه الفرق بين الزيت المعدني و الزيت التخليقي ؟ انا بحط زيت موبيل xhp ده معدني ولا تخليقي ؟

**samirayad** · 18-10-2009 01:34 AM

ده زيت معدنى يابشمهندس : محمد
وعلى فكره مع الزيت المعدنى
اللى بيقعد 3 آلاف أنا بأغير الفلتر مره ومره (حريه شخصيه )
وحاليا بأستعمل التخليقى
وده كده كده بيتغير الفلتر مع الزيت لأنه بيقعد 10 آلاف
وناوى أرجع للمعدنى تانى وأغير الفلتر مره ومره (حريه شخصيه )
وعلى فكره دى كانت نصيحه برضه من أخ فاضل شغال فى التوكيل
وأقتنعت بكلامه فعلا (علشان مقعدش أحل الفلتر كل مشوارين تلاته ...دا غير أن حله رخم جدا )
وساعات بأغير الزيت بنفسى وأنا نايم تحت العربيه (حريه شخصيه )
العربيه أساسا ....مش المكنه ...ولا تهمنى ( حريه شخصيه )
ولو أن فيه حاجه أسمها الحراره وفيه لمبة زيت

حتبين كل حاجه قبل ما المكنه تضيع ( برضه حريه شخصيه )

وبالبلدى كده للى عاوز يفهم
الفلتر اللى بيشيل رواسب مع أستعمال زيت معدنى على مرتين (بيقعد حوالى 6 الى 7 آلاف وشغال على مرتين زيت )
هونفس الفلتر اللى بيقعد مع التخليقى مره واحده ( بيقعد 10 آلاف )
يبقى المفروض بالعقل كده اللى بيستعمل تخليقى يغير الفلتر بس فى النصف بتاع خدمة الزيت

وده مبيحصلش أساسا مع التخليقى اللى فيه ناس بتقعده يمكن 13 ألف
يعنى الفلتر فى الحاله الأخيره (اللى كل 13 ألف )
عمال يغنى ظلموه ......على رأى عبد الحليم

**samirayad** · 18-10-2009 02:01 AM

المشاركة الأصلية كتبت بواسطة elakawy

باشمهندس سمير :
بعد اذن حضرتك كنت عايز اعرف ايه الفرق بين الزيت المعدني و الزيت التخليقي

http://www.nilemotors.net/Nile/75386-a.html

**tompina** · 18-10-2009 06:39 AM

المشاركة الأصلية كتبت بواسطة samirayad

والعربيه لسه زيرو
كنت بأستعمل
المعدنى بتاع موبيل xhp

هو إيه الفرق يا باش مهندس بين التخليقي والمعدني ؟

نظرا لأن أستعمالى للسياره حوالى 6 آلاف سنويا ......

6 آلاف ؟!
أنا بامشي في السنة 16 ألف كيلو .. وبقول على نفسي إني مش باركبها كتير !

ومش عاوز أغيب الزيت فى المكنه كتير ( مع التخليقى )
حفاظا على منطقة التاكيهات

هو إيه اللي هايحصل بالضبط للتاكيهات لو قعد التخليقي كتير في المكنة ؟

**samirayad** · 18-10-2009 08:28 AM

هو إيه الفرق يا باش مهندس بين التخليقي والمعدني ؟

طيب جبت الأقتباسات دى من قلب أى موضوع لى

6 آلاف ؟!
أنا بامشي في السنة 16 ألف كيلو .. وبقول على نفسي إني مش باركبها كتير !

ظروف عملى يا أبو حميد
عربية الشغل بتيجىء تخدنى من البيت كل يوم
ويادوب بأسافر بعربيتى لحد بلدنا بالغربيه مره كل شهر تقريبا
مع شوية مشاوير صغيره داخل الأسماعيليه

هو إيه اللي هايحصل بالضبط للتاكيهات لو قعد التخليقي كتير في المكنة ؟

لو لاحظت فى الموضوع بتاع تصنيع الزيوت
الزيت بيتصنع بطريقة الخلط
وليه برضه وقت محدد ب6 شهور للغيار (مع التخليقى )
ممكن تزود شويه وتوصل ل9 شهور أو سنه وكده بتبقى (حريه شخصيه )
فكتر قعدان الزيت فى المكنه مش مستحب فنيا
لأن الرواسب بتعمل مشاكل كتير فى منطقة التاكيهات
لو قعدت كتير فى المكنه
وتغيير الزيت بأستمرار بيعتبر برضه تنظيف وأزاله للرواسب الكربونيه القديمه اللى مشتته فى الزيت من الأستعمال السابق (بص برضه على الأضافه بتاع تشتيت الرواسب فى الزيت اللى فى موضوع تصنيع الزيوت )
لأن الفلتر ليه حدود فى الترشيح
مرتبطه بحجم جزيئات الرواسب الكربونيه الناتجه عن الحريق
أمال أيه اللى بيغير لون الزيت مع الأستعمال
هى دى نواتج الحريق اللى مقدرش الفلتر يشفيها
وميقدرش مصممى الفلاتر أو الماكينات يديقوا فتحات تصفية الزيت عن التصاميم الحاليه للفلاتر
والا الفلتر مش حيعدى زيت وحيبقى خانق سريان الزيت بطريقه متنفعش فى تزييت المكنه
أصل الكمال لله
علشان كده
دايما بأقول
مفيش حاجه كامله
والكمال فقط للخالق سبحانه وتعالى
جل فى علاه

**tompina** · 18-10-2009 08:40 AM

أنا طبعا قرأت الموضوع ـ بس متأخر شوية ـ ودا اللي خلى فيه لخبطة في الأسئلة ..
وعلى فكرة أبو حميد دي محسساني إنك أبويا أو ـ بلاش نكبرك قوي كده أبويا عنده 54 سنة ـ نقول أخويا الكبير

**samirayad** · 18-10-2009 08:58 AM

طيب وهو السيد الوالد بيقولك يا أبو حميد

أكيد بيقولك

ولا يا حمو ....زى حماتك مبتقولك مثلا

أما أنا بأقولك يا أبو حميد
علشان أنا فعلا بأعتبرك زى أخويا الأصغر
ولو أن أنا مش عارف سنك كويس
لأن شكلك فى البدله وأنت منور كده يخض ويديك سن كبير

أما أنا عندى 43 سنه وماشى فى ال44

**tompina** · 18-10-2009 09:07 AM

المشاركة الأصلية كتبت بواسطة samirayad

طيب وهو السيد الوالد بيقولك يا أبو حميد

أكيد بيقولك

ولا يا حمو ....زى حماتك مبتقولك مثلا

أما أنا بأقولك يا أبو حميد
علشان أنا فعلا بأعتبرك زى أخويا الأصغر
ولو أن أنا مش عارف سنك كويس
لأن شكلك فى البدله وأنت منور كده يخض ويديك سن كبير

أما أنا عندى 43 سنه وماشى فى ال44

يا باشا الله يخليك .. دول هما كلهم 26 سنة وللا يمكن كمان 25 .. والبدلة دي بالبسها تمويه عشان الناس ماتقولش علي عيل !
وبعدين منور إيه ؟!
أي نعم الصورة دي خدتها يوم فرحي .. بس كان يوم اسود .. واحد غبي فول التانك 80 وحساس الأوتو اتحرق والتكييف عطل والعروسة وشها ساح من الحر عشان التكييف باظ على حظها !
منور ؟!!!!!!
دا أنا حتى ساعتها كنت لسه طالع من جرعة كيماوي عالية التركيز .. كانت جايباني الأرض ومن ساعتها قلت مش هاخد كيماوي تاني وأديني أهه زي القرد !

**ah5000** · 18-10-2009 10:45 AM

شكرا يااخى العزيز معدل استهلاكى فى السنةحوالى8000 كم وعلى فكرة انا بشتغل فى شركة بترول -------احمد

الموضوع: ميعاد تغير فلتر الزيت

LinkBack

أدوات الموضوع

عرض

-

-

-

-

-

المواضيع المتشابهه

بعد كام كيلو يتم تغير فلتر الزيت - صني2011

ميعاد تغير مجموعه الكاتينه

هل يلزم تغير فلتر الزيت بعد 10000 كم ؟؟

ميعاد تغير سير الكاتينه لاوكتافيا a4

ميعاد تغير فلتر بنزين النترا 2008

الكلمات الدلالية لهذا الموضوع

المفضلات

المفضلات

ضوابط المشاركة