عرض للطباعة
يا جماعة يا ريت حد يكون عنده خبره يشرح لي ازاي ممكن اشتري اي حاجة من اي موقع عالنت
و خصوصا الموقع الشهير ebay
و ايه العلاقة ما بينه و بين ال paybal
و هل حد جرب الشراء بالطريقة دي
بصراحة انا خايف احسن تتسرق بيانات الفيزا بتاعتي و يتسحب منها فلوس
انا ماكنتش بفكر اطلاقا اني اشتري عن طريق النت باستخادم الفيزا عشان ما بحبش اخاطر في حاجة مش مضمونة و لكني الآن مرغم لأن الحاجة اللي عاوزها مش موجوده غير علي ال ebay
يا ريت تفيدوني الله يكرمكم
خللى بالك أنت متراقب.....:3mla:
بص يا سيدى الفاضل
عشان تشترى من ebay هتشوف مبدأياً البايع بيقبل فيزا ولا لأ.......عشان كتير منهم بيبقو كاتبين أنهم بيقبلو فيزا و بعد كده تكتشف أنهم مش بيقبلوها.....و دى تعملها عن طريق أنك تبعت رسالة للبايع ( طبعاً بعد ما تسجل فى الموقع ) و كمان لازم تتأكد من البايع أنه هيشحن لمصر عادى.
لو مش بيقبلها يبقى مفيش حل غير عن طريق paypal و ده مش هينفع تشترك فيه من مصر.
طيب لو البايع بيقبل أنك تشترى فيزا يبقى أيه الحل......
الحاجة اللى أنت عاوز تشتريها عادة بتبقى معروضة فى ما يشبه مزاد......يبقى أنت تعلى للسعر اللى أنت عاوزه و تستنى و تشوف لو حد هيعلى عليك ولا لأ......و هكذا لحد ما يخلص وقت المزاد ( و ده بيبقى واضح فى الصفحة الرئيسية للمنتج اللى أنت عاوزه )
و ممكن فى بعض البضائع المعروضة فى مزاد أن البايع يبقى عامل حاجة أسمها buy it now و دى بأختصار أنه بيبقى عارض السعر اللى عاوز يبيع بيه.....لو أنت موافق عليه تضغط على buy it now و تخلص و متستناش نتيجة المزاد.
من الحاجات المهمة أنك تشوفها قبل ما تشترى هى بيانات البايع وفيها هتلاقى feedback من الناس اللى أشتروا منه.....يعنى تقييم لمصداقية البايع و سرعة الشحن و موافقة المنتج المعروض للمنتج اللى وصل للناس بالفعل......طبعاً لو تقييماته مش كويسة بلاش منه.
عشان تشترى بالفيزا أحسن حاجة تعمل ما يسمى ب internet visa card و هو عبارة عن كارت فيزا عادى بس يستخدم على النت بس و ال limit بتاعه بيبقى قليل ( بتاعى ال limit 700 جم ) لو هتشترى حاجة أغلى من كده حط فلوس فى الكارت على قد المبلغ اللى هتشترى بيه بحيث أن بعد الأيداع يبقى الكارت فيه فولس يا دوب تكفى المنتج + الشحن.....و بكده حتى لو البيانات أتسرقت مش هيبقى الكارت فيه فلوس...و ممكن بعد لما تسدد تقفل الكارت لو مش ناوى تستخدمه تانى.
أنا أشتريت بطريقة الفيزا عادى قبل كده......و لما الحاجة توصل لازم تدفع الجباية بتاعة البلد طبعاً
فى حالتى كان المنتج بحوالى 35 دورلا بالشحن و خدو عليه 40 جم و أستلمته من مكتب البريد اللى أنا التابع ليه.....و دفعت الجباية هناك.
الله يكرمك يا احمد بيه علي ردك
بس طيب نا اعرف ازاي ان البضاعة دي جديدة ولا قديمة
يعني انا مثلا هشتري محلول للعناية بالعدسات اللاصقة للأسف مش لاقيه في مصر و لقيته علي ال Ebay
ازاي اعرف ان المحلول دا صالح للإستخدام ولا منتهي الصلاحية طالما ان الموقع عبارة عن مزاد
مفيش غير تقييم اللى أشترو قبلك للبايع و أنك تعتمد على صدق البايع
و قبل كل ده تعتمد على الله.
شكرا للتوضيح يا استاذ احمد بش المشكلة ان فى حظر من بعض البنوك خلال الفترة الحالية على استعمال الفيزا من خلال الانترنت وموقفين استعمالها
أحمد عملت الاوردر امتى؟
و بكارت بنك ايه؟
ebay ما بيقبلش كروت بنوك مصرية :(
حد يعرف طريقه الشراء من www.autopartswarehouse.com
الكلام ده كان من سنة تقريباً.........تم بالأتفاق من البائع ( و هو شركة و ليهم موقع خاص بيهم ) و أدولى لينك أدخل عليها لموقع payment هما بيقبلو الدفع فيزا عن طريقهاقتباس:
المشاركة الأصلية كتبت بواسطة أحمد كمال
مكتوب فى أخر الصفحة أنهم بيقبلو فيزا و ماستر كارداقتباس:
المشاركة الأصلية كتبت بواسطة malibu