المجنون عايز يبيع الليون علشان يجيب فيات . المساعدة يا وحوش سيات

مكنتش عارف اكتب الموضوع دة في فيات واللا سيات لكن قررت أكتبه هنا على أساس إن الموجود دلوقتي سيات

صديق مقرب لي جداً معاه سيات ليون لسة عمل بها ١٨٠٠٠ كم بس وفجأه قرر يبيعها ليه يا ابني كدة دي لسة جديدة إنت بتشتكي منها في إيه

قالي ولا حاجة
قلتله طيب اه المشكلة

قالي ركبت البرافو ال-T-Jet ومن ساعتها وأنا دماغي بتاكلني هاجيبها يعني هاجيبها


أنا بصراحة صعبان عليا الليون جداً أنا ركبتها كذا مرة عربية ممتازة لأ دي أكتر من ممتازة في كل حاجة من ثبات واوبشن ونعومة ورفاهية
وبحاول اقنعه إنه يتنازل عن الموضوع وبذات إن لسة الاكياس بتاع المصنع لسة على أجزاء من الصالون
وبالفعل عرض العربية وجالو عروض وهو لسة مستني أعلى سعر

قولولي بقى أعمل إيه مع المجنون دة وهل فعلاً البرافو تتفوق على الليون بغض النظر عن الموتور أنا بتكلم في عربية من فولكس يعني قمة الصناعة الالمانية وحاسس إن صاحبي دة وخداه نزوة ال-١٥٠ حصان وهيتنازل عن أخت الجولف والجتا والباسات علشان التيربو

العربيتيــن تحفه
الاهم
انه يكون مرتاح للعربيه اللي راكبها
ربنا يوفقه للي فيه الخير

البرافو برضة مش اي كلام

غريبة جدا
طيب هو عايز يبيعها بكام وعارضها فين ؟

طب اركب انت البرافو وشوف حتعمل ايه.

ممكن أعرف أعلى سعر جاله فى الليون كام ؟

هوه مش مجنون ولا حاجه العربيتين متقاربين تقريبا و البرافو اشيك من جوه و بره وواخدة خمس نجوم في اختبار التصادم

ممكن اعرف هو عاوز فيها كام لأني بحترم العربية دي و بفكر فيها

هو طالب كام و اعلي سعر جاله كام

انا شايف انه مش مجنون و لا حاجة الاتنين منتهي المتعه بس كعربيه رياضية البرافو ال 150 حصان وحش علي الطريق
يعني لو بيحب قيادة رياضية يبقي خلاص البرافو بلا منازع
مينزلشي كدة اصدار ليون اتوماتيك زيها و الله يكسر الدنيا لاني اعتقد الليون من جوة تقفيلها ادق و اشيك

هي فعلا الليون مش نافصها غير فتيس اتوماتيك

مش مجنون ولا حاجه البرافو طلقه بس هو الجنان والحرام أنو يبيع العربيه دلوقتى لأنو هيخسر كتير ألا لوما بيهموش الخساره

هو فعلا مش مجنون ولا حاجه , البرافو فعلا مش عربيه وبس , البرافو حاجه كده من عالم تانى بجد تحفه

هو مش مجنون ولا حاجة يا باشا

هو بالنسبة للاداء بتاع العربيتين فيبقى البرافو التربو تتفوق على الليون اللى فى مصر ( الا لو كان معاه ليون كوبرا :049: )

بالنسبة للعمر الافتراضى للعربيتين اعتقد ان الليون احسن بحكم التجارب السابقة للفيات ( الله اعلم اذا كان الموضوع اتغير مع البرافو الجديدة )

بالنسبة للتصميم و صالون العربية فالاتنين بصراحة من احسن التصميمات اللى شوفتها فى حياتى

بس عامة العربيتين تحفة و هى فى الاول و الاخر مسالة راحة...

انا عندى استعداد اجيب البرافو واوقفها فى نص الشارع واللى عايز ياخد صوره جنبها يدفع 10 جنيه , وهاعمل بتاع 20 الف فى 3 او 4 ايام :3mla::3mla:

كلامك مظبوط فعلا يا bizaholic

في إعتقادي الشخصي خسارة كبيرة .. هايخسر كتير في الليون دا غير الفارق في السعر بين الليون و البرافو و لما هايجيب البرافو هايتبسط شوية و بعدين يكتشف إنه مش مستفيد من كل القوة الحصانية دي كلها إلا في حالات قليلة .. لا شوارعنا و لا طريقة سواقة معظم الناس -إلا من رحم ربي- تسمح إن تسوق بالشكل الرياضي اللي يخليك تستمتع بالعربية في كل مرة تركبها .. أكيد الاحساس بقوة العربية شعور مرضي جداااا لكن هل العربية بس تسارع ؟؟ أعتقد التربو ما بيشتغلش غير في حالات التسارع بس و أعتقد أيضا إن التربو بيأثر على العمر الافتراضي للمحرك بسبب زيادة الضغط الكبيرة في غرف المحرك .. فولكس عاملة موتور 1400 بقوة 160 حصان و من غير تيربو -على ما أتذكر- و نازل حاليا في الجولف الجديدة.

بالتأكيد محدش يقدر يحكم على البرافو دلوقت لأنها لسه جديدة لكنها من شركة محترمة و الايطاليين ملوك العربيات السريعة و الالمان ملوك الماكينات في العالم :)

اقتباس:

---

المشاركة الأصلية كتبت بواسطة beihoo

في إعتقادي الشخصي خسارة كبيرة .. هايخسر كتير في الليون دا غير الفارق في السعر بين الليون و البرافو و لما هايجيب البرافو هايتبسط شوية و بعدين يكتشف إنه مش مستفيد من كل القوة الحصانية دي كلها إلا في حالات قليلة .. لا شوارعنا و لا طريقة سواقة معظم الناس -إلا من رحم ربي- تسمح إن تسوق بالشكل الرياضي اللي يخليك تستمتع بالعربية في كل مرة تركبها .. أكيد الاحساس بقوة العربية شعور مرضي جداااا لكن هل العربية بس تسارع ؟؟ أعتقد التربو ما بيشتغلش غير في حالات التسارع بس و أعتقد أيضا إن التربو بيأثر على العمر الافتراضي للمحرك بسبب زيادة الضغط الكبيرة في غرف المحرك .. فولكس عاملة موتور 1400 بقوة 160 حصان و من غير تيربو -على ما أتذكر- و نازل حاليا في الجولف الجديدة.

بالتأكيد محدش يقدر يحكم على البرافو دلوقت لأنها لسه جديدة لكنها من شركة محترمة و الايطاليين ملوك العربيات السريعة و الالمان ملوك الماكينات في العالم :)

---

الموتور بتاع فولكس فيه تيربو شارجر + سوبر شارجر و اسمه tsi

اقتباس:

---

المشاركة الأصلية كتبت بواسطة محمد أنور

ممكن اعرف هو عاوز فيها كام لأني بحترم العربية دي و بفكر فيها

---

في ليون ادامي ممكن تخلص علي 117 الف حالتها حالة الزيرو و 2009 ترخيص شهر يناير

ايه اللي جننه ؟؟؟

انت بتقول انك صعبان عليك الليون علشان ركبتها

اركب التي جيت الـ150 حصان

البرافو في نظري تتفوق على الليون

انما انت كل اللي مزعلك العلامة اللي قدام ...

سيبه يعيشله يومين

يا جماعة العربيتين تقريبا متقاربين في حاجان كتيير
انا رأيي في الموضوع ده انه بعتمد علي حاجتين الراحة النفسية للعربية اللي عايزها و الامكانيات المادية بمعني انه مش هايهتم بالخسارة مقابل انه يبقي مرتاح نفسيا في العربية

برافو لا تقل عن الليون كتير ، وفرق قوة الموتور وهمى ، انت بتتكلم فى موتور بيخرج 230 نيوتن عند اقل من 2000 لفة !! عارف ده يبقا احساسه عامل إزاى ؟ ممكن تنزل من بى إم 116 عشان خاطر الموتور ده
المشكلة الوحيدة هى بنزين 95 إجبارى عشان الموتور يعيش معاه

انا فاهم احساسه..العربيتين قريبين من بعض جدا
خارجيا: الشكل اذواق
داخليا: الليون تكسب
اداءا: البرافو 150 حصان تكسب


بس المهم الليون هاتتباع بكام

بالظبط عايزين نعرف هو طالب كام

سؤال بريء.اللي مقتنع ان صالون الليون احسن من البرافو جرب يركب اعلي فئة في البرافو.انا شايف ان البرافو تتفوق في قوة الموتور,الشكل(رأي),كمية كماليات غريبة و كتييرة,المساحة و خصوصا مساحة الشنطة فهو لو مش فارق معاه الفلوس اللي حيخسرها في الليون و فلوس البنزين يبقي بيفكر صح

ياباشا ماعتقدش في فرق في الكماليات بينهم و لو في ياريت تقولنا عليه و الشكل زي ما حضرتك قولت هو ازواق و الموتور طبعا البرافو بس زي ما احد الاعضاء قال ان مفيش هناالطرق اللي تساعدك علي الاستفادة من قوة الموتور الرائعة دي للأسف

الكماليات :
Blue & Me - نظام بلوتوث متكامل و
ABS+EBD
Cruise Control
ESP
تعديل الكراسي في4 اتجاهات كهربائيا مع تذكر الكومبيوتر و الدركسيون يعدل كهرباءيا
4 زجاج كهرباء
مرايات كهرباء
سنتر و ريموت فيات اصلي
باور كهرباء
مخدع امامي و خلفي
6 ايبراج ( 2 امامي و 2 جانبي )
كاسيت سي دي mP3 مبني في الكونسول صلي
سبووفر بلاوبنكت في الشنطة
8 سماعات
تحكم في الكاسيت و الكومبيوترو البلوتوث من الطارة
التابلوه و الفرش رياضي كروم و كاربون فايبر و جلد طبيعي
جنوط 17" فيات اصلي
ديل شكمان كروم
تطعيم كروم خارجي
دي الكماليات لاعلي فئة كان كاتبها CryptonX في موضوعه.و اظن ان احسن حاجة في البرافو الصالون بتاعها وهمي و فرق كبير عن الليون و مشكلة العربية الوحيدة انك مش حتقدر تطلع منها كل طاقتها في بلدنا الجميلة

اقتباس:

---

المشاركة الأصلية كتبت بواسطة Mustang69

الكماليات :
Blue & Me - نظام بلوتوث متكامل و
ABS+EBD
Cruise Control
ESP
تعديل الكراسي في4 اتجاهات كهربائيا مع تذكر الكومبيوتر و الدركسيون يعدل كهرباءيا
4 زجاج كهرباء
مرايات كهرباء
سنتر و ريموت فيات اصلي
باور كهرباء
مخدع امامي و خلفي
6 ايبراج ( 2 امامي و 2 جانبي )
كاسيت سي دي mP3 مبني في الكونسول صلي
سبووفر بلاوبنكت في الشنطة
8 سماعات
تحكم في الكاسيت و الكومبيوترو البلوتوث من الطارة
التابلوه و الفرش رياضي كروم و كاربون فايبر و جلد طبيعي
جنوط 17" فيات اصلي
ديل شكمان كروم
تطعيم كروم خارجي
دي الكماليات لاعلي فئة كان كاتبها CryptonX في موضوعه.و اظن ان احسن حاجة في البرافو الصالون بتاعها وهمي و فرق كبير عن الليون و مشكلة العربية الوحيدة انك مش حتقدر تطلع منها كل طاقتها في بلدنا الجميلة

---

دي فعلا مواصفات ال 150 حصان بس معرفش زي ماهي دلوقتي ولا لأ .

بصراحة صالون الليون في راي الشخصي فقير جدا جدا .. انا بفضل صالون الجولف البسيط عنه او حتى صالون الابيزا الجديدة .

الليون تتفوق علي البرافو في حاجة واحدة و هي شاسيه السيارة , الي هو شاسيه الجولف فاكيد حتبقى ثباتها احسن شوية .

بس عامة يا جماعة انتك بتتكلموا في فئة الC-Segement في العربيات الاوروبية .. يعني تقريبا اي اختيار في هذه الفئة هو اختيار ناجح :) ماشاء الله يعني .

و بعيدن الليون كدة قدمت شوية .. جولف 6 نزلت , و الليون لسة عاملنلها Facelift طفيف السنة دي .. يعني حتقدم شوية .. البرالفو Facelift في منتصف او اواخر 2010 .

http://www.motorsiden.dk/Biltest/Sea...20interior.jpghttp://www.egmcartech.com/wp-..........t_bravo_14.jpg

اقتباس:

---

المشاركة الأصلية كتبت بواسطة Mustang69

الكماليات :
Blue & Me - نظام بلوتوث متكامل و
ABS+EBD
Cruise Control
ESP
تعديل الكراسي في4 اتجاهات كهربائيا مع تذكر الكومبيوتر و الدركسيون يعدل كهرباءيا
4 زجاج كهرباء
مرايات كهرباء
سنتر و ريموت فيات اصلي
باور كهرباء
مخدع امامي و خلفي
6 ايبراج ( 2 امامي و 2 جانبي )
كاسيت سي دي mP3 مبني في الكونسول صلي
سبووفر بلاوبنكت في الشنطة
8 سماعات
تحكم في الكاسيت و الكومبيوترو البلوتوث من الطارة
التابلوه و الفرش رياضي كروم و كاربون فايبر و جلد طبيعي
جنوط 17" فيات اصلي
ديل شكمان كروم
تطعيم كروم خارجي
دي الكماليات لاعلي فئة كان كاتبها CryptonX في موضوعه.و اظن ان احسن حاجة في البرافو الصالون بتاعها وهمي و فرق كبير عن الليون و مشكلة العربية الوحيدة انك مش حتقدر تطلع منها كل طاقتها في بلدنا الجميلة

---

الليون فيها كل الكماليات دي ماعدا الدريكسيون يعدل كهربائيا و فيها حاجة مش موجودة في البرافو و هي ال tcs :vctry: