الموضوع: رجاء عاجل من الاخوة الاعضاء جميعا - مركز لتعليم اللغة الألمانية

فيه معهد معتمد من وزاره التعليم العالى فى شارع رمسيس عماره معروف اللى فيها توكيل متسوبيشى تحت .. هتلاقيه فى الدور السادس وهما بيعملوا دورات منتظمه لتعليم اللغات (الانجليزيه والفرنسيه والالمانيه )
والناس اللى بتدى الدورات هناك ممتازين جدااا واسعارهم ممتازه ومش غاليه
ان شاء الله هادورلك على التليفون

المشاركة الأصلية كتبت بواسطة mada121977

فيه معهد معتمد من وزاره التعليم العالى فى شارع رمسيس عماره معروف اللى فيها توكيل متسوبيشى تحت .. هتلاقيه فى الدور السادس وهما بيعملوا دورات منتظمه لتعليم اللغات (الانجليزيه والفرنسيه والالمانيه )
والناس اللى بتدى الدورات هناك ممتازين جدااا واسعارهم ممتازه ومش غاليه
ان شاء الله هادورلك على التليفون

الف شكر يا فندم على رد حضرتك
وجزاك الله كل خير
لو مش هتعب حضرتك رقم التليفون ضروري
شكرا

المشاركة الأصلية كتبت بواسطة kareemhisham

متابع باهتمام شديد

بس ممكن حضرتك تقولنا جوتة اسعاره ايه ؟؟

و بياخد وقت قد ايه ؟

جوته يقسم الكورس على 17 مستوى كالاتي:
A1 > A1.1-A1.2-A1.3

A2 > A2.1-A2.2-A2.3

B1 > B1.1-B1.2-B1.3-B1.4

B2 > B2.1-B2.2-B2.3-B2.4

C1 > C1.1-C1.2-C1.3

C2 > C2.1
وكل مستوى ب 650 جنية و50 جنية تخفيض للطلبة لكن بعد اول مستوي
مدة المستوى الواحد وليكن A1.1
11 أسبوع

للتفاصيل من هــــــــــنــــــا
وشكرا

المشاركة الأصلية كتبت بواسطة badblood

ياباشا
العملاق (معهد جوته) ميدان المساحة الدقي
رقم واحد في مصر

اولا شكرا لرد حضرتك
ثانيا:
انا عارف ان معهد جوته هو رقم واحد وهو ومعهد اخر في مدية نصر(مش فاكر اسمه) الوحيدين المعتمدين في سفارة ألمانية
ولكن
مدة المستوي الواحد 11 اسبوع في 17 مستوي
وانا لا افقه شئ في الالماني
فتقريبا هتعلم الماني طول حياتي
انا بس عايز مركز يعلمني بسرعه وبعدين اخر مستويين او 3 اخدهم من جوته علشان الشهادة
ياريت لو حضرتك تعرف اي مركز تقولي عليه
وشكرا مقدما

ياااه يعنى 4 سنين تقريبا علشان تتعلم ده لو ماشى منتظم
بس برده انا مع انك تبدا صح لان الاساس اهم حاجة
بدل متتعلم اى حاجة وبعدين تضيع وقت اكتر

يعنى بعد كام مستوى فى جوتة حتقدر تتكلم بسيط؟
اكيد مش لازم تستنى لغاية اخر مستوى لان ده حيبقى مستوى الاحتراف