أنا والنجوم والشيزلونج...عن الطب النفسي نتحدث

**samirayad** · 29-09-2009 12:07 AM

وهل لجؤه لطبيب نفسي دا ينقص من قدر إيمانه شئ؟

لا طبعا .....
أمال الطب وفروعه معموله ليه

ماهو مش كل واحد بيقدر يتغلب على وساوس نفسه وهواه

أذا لابد ...من عون خارجى ...لتقوية تلك النفس التى غلبها هواها
وضعفت عن التمسك والصبر والتحمل

وقد تنهار ....وهنا يأتى دور الطبيب النفسى
فى تقوية تلك النفس بالأسلحه المضاده قبل أن يحدث لها أنهيار كامل

والهدف من المواظبه على الصلاه واللجوء الى الله
هو تحصين تلك النفس بقدر الأمكان .......

ماهى النفس عامله زى بطارية العربيه ....لازم تشحنها كل شويه
بدوام التذكره والمراقبه بقدر الأمكان

**M.almaghraby** · 29-09-2009 12:48 AM

علي فكرة الحالة النفسية بيتحكم فيها عوامل كيميائية ليها علاقة بالجهاز العصبي بغض النظر عن الحالة الي المريض فيها,,,, يعني ممكن يكون الاكتئاب سببه مرضي بحت و ملوش علاقة بالظروف و دا دور الطبيب النفسي

**artyboy** · 29-09-2009 12:55 AM

لا طبعا مش هروح لسبب بسيط لأن مصر ما فيهاش طب نفسى محترم أصلا وده عن كذا تجربه شفتها بنفسى

**aif** · 29-09-2009 12:56 AM

انتي جيتي ع الجرح يا ايس ..... فلو كنت احتاج الى ذلك فانا احتاجه الآن وبشدة
...
اكيد كلنا بنحتاج طبيب نفسي في اوقات كتير من حياتنا ... خاصة اوقات الأحزان والمصائب .... والفراغ ... واليأس المصاحب للفشل في اي شيء في الدنيا
لكن معظمنا بيستعيض عن هذا باشياء كتير
مثل التوجه للعبادة واللجوء الى الله .... ألا بذكر الله تطمئن القلوب ... وقراءة القرآن والاذكار اليومية اكيد بتؤدي الى الراحة النفسية .... وصلاة الفجر في المسجد لها تأثير كبير جدا على الانسان طوال اليوم ... ويا حبذا لو كمان شوية مشي في الفترة قبل الشروق .... انا احيانا باروح النادي في الوقت ده ..... بالاقي معظم المواظبين على المشي في فترة بعد الفجر من النساء .... وده كان آخر ما اتوقع نظرا لأن الوقت بيكون بدري جدا والدنيا تكاد تكون لسة ظلام

فيه ناس تانية بتستعيض عن الطبيب النفسي بالكلام مع صديق يجيد الاستماع .... واكيد ده يبخفف الامور بشكل كبير

ناس تانية بتستعيض عن الطبيب النفساوي ... بالاندماج في الرياضة ولا سيما العنيفة .... لأنه بيطلع الشحنة الموجودة داخلة من خلال الرياضة
وناس تانية والعياذ بالله بتتجة للمكيفات والمهدئات .... ثم المخدرات
وناس بتوصل الى طريق الشيطان .... زي اللادينين اللي في اوروبا والغرب .... وغالبا بينتحرو

**icehearted girl** · 29-09-2009 01:07 AM

فعلا حضرتك عندك حق بس ليه في الاصل بنستخدم كلمة -نستعيض-

يعني اي الحرج او المشكلة اننا فعلا نلجأ لطبيب نفسي؟؟

هل فعلا مفيش طب نفسي محترم في مصر زي مقال ارتي بوي؟

وبعدين لو فعلا كلام د.جيفارا صحيح ان الاكتئاب والامراض النفسية احيانا بتكون ناتجة عن امراض عضوية بحتة..مين اللي يقرر ويحدد الفرق

مش ممكن الحالة تزداد سوء بالاهمال؟؟

**M.almaghraby** · 29-09-2009 01:19 AM

المشاركة الأصلية كتبت بواسطة eng.octooo

طيب هوة التخصص بتاع الدكتور النفسى بيكون اسمة اية يعنى لو حبيت ادور فى الدليل يعنى دكتور علاج نفسى ولا مخ واعصاب ولا اية بالظبط لانى خلاص قررت انى اروح وياريت يا ايس تقولى اماكن كام واحد كدة وياسلام لو قريبين من اكتوبر فى المهندسين وميدان لبنان وكدة

اسمه امراض نفسية و عصبية....

و ساعات بيكون متخصص في حاجة معينة

التاني اسمه امراض او جراحة مخ واعصاب.... دي حاجة تانية خالص

**icehearted girl** · 29-09-2009 01:20 AM

بص يا octoo

هوا في نفسية دي خدناها مع الباطنة

وفي مخ واعصاب

دي علي ما اتذكر يعني

ولو حضرتك جاد ممكن ادورلك فعلا علي دكتور كويس

احنا شكلنا كلنا هنروح وناخد خصم

-

-

مشاهدة نتائج الإستطلاع: لو حسيت إنك محتاج تروح لطبيب نفسي

الموضوع: أنا والنجوم والشيزلونج...عن الطب النفسي نتحدث

LinkBack

أدوات الموضوع

عرض

-

-

-

-

-

المواضيع المتشابهه

دخلت الطب وانا كارهه الكلية وتخرجت والان ابحث عن وظيفة خارج نطاق الطب فمن يساعدنى

الأثر النفسي لقراءة سورة الفاتحة..lمنقول للافاده..

الشارع المصري .. عيادة العلاج النفسي

اكذوبة معرفة الشخصية عن طريق الابراج والنجوم

الكلمات الدلالية لهذا الموضوع

المفضلات

المفضلات

ضوابط المشاركة