المشاركة الأصلية كتبت بواسطة dr.nemo
انا اترددت كتير قبل ما اكتب المشاركة دي
لان احنا كشعب عندنا ان الدكتور النفسي = دكتور المجانين
والمريض النفسي = المجنون وده مش خاص بفئة دون فئة ده حتى فيه أطباء عندهم المفهوم الغريب ده
في الحقيقة أنا رحت لطبيب نفسي مرة واحدة وكانت السنة دي
كان بعد ما امتحنت أول مادة وكانت طب شرعي وسموم ومحلتش فيها كويس وده طبيعي
انا مرحتلوش علشان كده ....لأ
الحكاية بدأت بعد إمتحان العملي لهذه المادة
ت دخلت في حالتة إكتئاب حاد جدا مع عصبية زائدة جدا جدا
وعدم القدرة على السيطرة على أعصابي وعدم انضباط ضغط الدم برغم كمية الادوية اللي باخدها
بسب كمية الصور اللي كنت بذاكرها
كانت صور قتل بكافة أشكاله وأنواعه.... موت ......حوادث انتحار......الخ
كرهت الدنيا والناس كلهم دخلت في حالة بكاء هيستيري من كمية الصور المفروضة علي مذاكرتها
رحت لدكتور في الثلاثينات بس غيرت أسمي علشان هو يعرف والدي لكن ميعرفنيش
لاني محبتش اروح لحد يعرفني
وحكيت له ..... وحسيت براحة غريبة ...حسيت وكأن حمل ثقيل ازيح عن كاهلي
واداني مهدئات وأجلت مادة لرمضان
ةالحمد لله الحالة راحت من عندي تماما بفضل الله
والحمد لله السنة دي كانت أكتر سنة ذاكرت فيها
وكنت قاعد على النت ليلة الامتحان من شدة الطمأنينة
والحمد لله حصلت أعلى تقدير جبته خلال مشواري في هذه الكلية
ربنا يطلعنا منها على خير
وربنا يشفي كل مريض ويفرج هم كل مهموم