شباب بيدرسو في امريكا..... مات ابو واحد منهم واحتاروا ازاي يقولو ليه الخبر ده ..... واحد منهم جلف قال : انا هاقله .... راح للشاب الى مات ابوه ..... وقال له : امتى آخر مرة شفت ابوك ؟ قاله : من شهرين ..... قاله الجلف : ابقى قابلني ان شفته مرة ثانية
=======================================
واحد عنده بيتين ... واحد ساكن فيه والثاني احتياط ... عارفين ليه !!؟ ... علشان لو حد قال له يخرب بيتك يروح يسكن في البيت الثاني
=======================================
صاحب محل دخلت عنده وحده حلوه .... وكل شوية تقول له : بكام ده يا حج ... بكام ده ياحج .... اخيرا زهق منها و قالها : شوفي انا ماحجيتش لكن عملت عمرة .. علشان كذا تـقـدري تـقــولي .... ياعــمــري
=======================================
فيه واحد راح للشيخ يفسر له حلم وقال : انا حلمت اني لابس بدلة لونها بني فاتح وجالس في مكان فيه عشب قال الشيخ : تفسير الحلم ..... انك ثور الله في برسيمه
=======================================
واحد صعيدى وقع على السلم فراح للدكتور وكشف عليه فقاله اشترى المرهم ده وحطه فى مكان الوقعة ..... راح الصعيدى ودهن السلم
=======================================
مرة حلاق و ابنة بيتفرجوا على متش كورة فقال المذيع :وشطها بمشط
رجلة و جت فى المقص فقال ابن الحلاق : بابا دول بيلعبوا فى العدة
=======================================
مرة 5 دخلوا كلية الهندسة اثنين طلعوا مهندسين وثلاثة مدينة نصر
=======================================
واحد دخل مجمع استهلاكى وسأل عن الفراخ فساله الموظف عايز فراخ صاحيه
ولاّ مدبوحه؟؟ قال مدبوحه ، قال له اطلع الدور الثانى.......طلع وسأل عن الفراخ المدبوحه
فقال الموظف عايزها مقطعة ولاّ صحيحة ؟؟ فقال له مقطعه ، قال له اطلع الدور الثالث .....
وقابل موظف اخر وسأله عن الفراخ المدبوحة ومقطعه فقال له عايزها متكيسة ولاّ لأ ؟؟
قال له متكيسة فقال له اطلع الدور الرابع .....
طلع الدور الرابع وقابل موظف اخر وقال له عايز فراخ مدبوحة ومقطعه ومكيسة
فرد الموظف وقال له مافيش فراخ بس ايه رأيك فى النظام
=======================================
بخيل واقف فى البلكونة... ابنه جاى من بعيد يقول له بابا بابا بابا ... قاله:
يا ابن ال......... بابا واحده كفاية
=======================================
سودانية لبست فستان أحمر وقالت لزوجها دلعني
قال لها: يا فحم إنت يا مولع !!
=======================================
واحد راح محل للهدايا علشان يشتري هدية..عجبته هدية معينة..سأل البائعة قال بكام ديه؟
قالت ب1000 جنيه..قال لا غالية..ممكن تخليها ب500 و اديكي موبايلي ؟؟ قالت موافقة
قالها طيب هاتي الهدية و خدي ال500 جنيه اهم..قالت فين الموبايل..قالها 0101234567
=======================================
مره في أمريكي و فرنسي و صيني حبو يجربوا صدى أصواتهم عند
شلالات نياجرا........الأمريكي قال هلوووووو الصدى قال هلوووووووو ووووو ووووو ..
الفرنسي قال بونجور الصدى قال بونجوور ووو ووور..
الصيني قال شنج لونج هنج.. الصدى قال : هـــــــــــــــاه بتئول اِيه
=======================================
بلدياتنا و امريكى و يابانى عرضوهم على جهاز كشف الكذب
اليابانى: إحنا بنفكر نعمل انسان آلى و نستغنى عن البشر ، راح الجهاز ضربه..
الامريكى: احنا بنفكر نطلع المريخ و نعمل مستوطنات عليه، راح الجهاز ضربه..
بلدياتنا: إحنا (بنفكر) ولسه مكملش ،،،،،،،،،،راح الجهاز ضربه!!
=======================================
واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ...
بسرعة رد عليه شاب منهم احنا الكاميرا الخفية لو مش عايز تذيع قول ما تذيعشى ...
رد بلديتنا لأ ذيع خللى الناس تنبسط
=======================================
في ثلاثة مساطيل قال الاول: شوفوا يا شباب انا عندي فلووووس اقدر اشتري بيها
امريكا الشماليه بكبرها قال الثاني: وانا عندي فلووووووس اقدر اشتري بيها امريكا الشماليه
والجنوبيه رد الثالث: ومين اللي قال اني هابيع
=======================================
مسطول لابس جزمة ، فردة بيضة والتانية سوده .... قابله مسطول تاني وقاله:
"ايه ياواد الجزمه الشيك دي. راح المسطول الاولاني حط رجل علي رجل وقاله:
وشرفك إنت.. عندي جوز جزم تاني فى البيت شبهه بالظبت
=======================================
اتفق احد التلاميذ الكسالى مع زميله على أن يكتب له أجابه الأسئله في ورقة خارجيه , ويعطيه اياه اثناء الامتحان , وبالفعل نجحت الخطه , ولكن عند تصحيح الأوراق وجد المدرس عبارة في آخر ورقة الطالب الكسول : اذا شافك المدرس قطع الورقه ...
=======================================
مره واحد عنده هدف في الحياه .. حسبوه تسلل
=======================================
مره 3 رجالة.واحد اخرس وواحد اطرش وواحد اعمى...قال الاخرس للاطرش:شوف العربية ديه
قال الاطرش:اه يلا بينا نلحقها..قال الاعمى مش مشكله انا لقطت الرقم
=======================================
اثنين فشارين قاعدين تحت جبل عالي قال الأول للثاني:شايف النملتين اللي على راس الجبل؟؟
رد الثاني:اللي فاتحه عينها ولا اللي مغمضه !!
=======================================
واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا؟؟؟" الزوجه:"ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده أسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون .!!"
=======================================
مدرس رياضيات اتجوز مدرسة رياضيات خلفو ولد شبه منحرف وبنت دايره على حل شعرها
=======================================
مرة اتنين لسة متجوزين جديد وخرجين ومشين على الكورنيش الزوج:شايفة القمر يا قمرايا الزوجة :شايف النيل يا منيل
=======================================
واحد بيدور على وظيفة
وسمع عن وجود وظائف خالية
وذهب في الموعد المحدد وكله أمل في الحصول على الوظيفة الخالية .. وهناك سألوه
• قالوا له : متى يكون حاصل ضرب 3*3 =10؟
فقال : عندما تكون الإجابة خاطئة
• قالوا : ما هو الشي الذي له أكثر من جناح ولا يطير؟
قال : الفندق
• قالوا : ما هي الكلمة المكونة من أربع حروف إذا أكلت نصفها تموت ، وإذا أكلتها كاملة لا يصيبك شيء؟
قال : سمسم
• قالوا : من هو الرجل الذي يستطيع أن يقف على الأرض ورأسه فوق النجوم ؟
قال : الضابط
• قالوا : ما هو أكبر عدد من المواليد يمكن أن تضعه النعامة ؟
قال : النعامة تبيض ولا تلد
• قالوا : ما هو الشيء الذي بدونه لا تستطيع أن تحصل على الوظيفة في هذه الشركة ؟
قال : الواسطة
• قالوا : وهل معك الواسطة ؟
قال : لا
قالوا له : ورينا عرض أكتافك
=======================================
واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق
=======================================
بلديتنا عايز يعلم ابنه انجليزى راح ابتدائي منفعش، راح ثانوى منفعش، راح الجامعة منفعش، قال لازم اوديه انجلترا واجوزه واحدة من هناك عشان يعرف يتكلم انجليزى، راح فى الصباحية بيقولها "مستر هريدى موجود؟" قلتلوا "نجولو مين؟"
=======================================
أغبيه راحو يلعبو بلياردو، واحد منهم وقف فوق الطرابيزة وقال لهم انا الجوووون
=======================================
واحد غبى لقى قرد فى الشارع .فراح لعسكرى المرور وقاله اوديه فين . قاله وديه جنينه الحيوان فراح ورجع تانى يوم لعسكرى المرور والقرد معاه. قاله العسكرى مش قولتلك وديه جنينه الحيوان. فرد عليه الغبى ما انا وديده امبارح جنينه الحيوان النهارده هوديه السينما
=======================================
مرة واحد دماغه لفت قابلها من الشارع التاني
=======================================
مدرس جغرافيا جاب لمراته هدية سلسلة جبال
=======================================
واحد بلدياتنا عاوز يفسح عروسته في شهر العسل، فسحها في منحل
=======================================
مرة واحد نام متأخر لقي الحلم بادي.
=======================================
واحد قاعد مع صديق له صوته وحش قوي، قعد يغني وبعدين قال لصاحبه: صوتي هو الثروة الوحيدة إللي اداها لي ربنا! فقال له صاحبه: والله الفقر مش عيب! .
=======================================
بلدياتنا بيجروا ورا بعض طلعوا من الكورة الأرضية.
=======================================
المحتوى منقول - التنسيق العبد لله :36_1_1[1]:
ارجو ان تنال اعجابكوا :hlopaet_prv: