استفسار عاجل بكام بلوك موتور لانسر 1600

**okacha** · 29-09-2009 01:58 AM

نزلت مركز خدمه ميتسوبيشى فى المعادى عشان اكشف على صوت طالع من الكبوت الراجل قالى سيبلى العربيه و ادانى وصل باستلام العربيه , بعدين اتصل بيا بعديها ب 5 ساعات قالى احنا كشفنا على العربيه و البلوك مكسور عايز يتغير .عايز استفسر بكام تمنه و لو اتغير يبقى كده خلاص الصوت ده هيروح و لا ايه؟

**okacha** · 29-09-2009 04:08 AM

ايه يا رجاله مفيش حد عارف البلوك ده و لا ايه؟؟

**Ahmed Hassan** · 29-09-2009 04:44 AM

انت متأكد انك سمعت صح؟ البلوك ده جسم الموتور!!

**HeMa_LanCeR** · 29-09-2009 09:37 AM

صوت ايه حضرتك اللي السبب فيه بلوك
حضرتك عارف ايه هو البلوك
البلوك ده جسم الموتور نفسه يعني لو فيه جزء من الملي مكسور ممكن تلاقي البستم طالعلك منه
ولو محتاج بلوك فعلا يبقي تجيب موتور كامل وتريح دماغك
بس من فضلك روح لمركز خدمه كويسه وخليه يتأكد من الموضوع ده
بلوك مكسور وماشي عادي بالعربيه

**okacha** · 30-09-2009 05:51 AM

اولا شكرا يا احمد و هيما على ردودكم و فعلا انا رحت النهارده و سألت قالى بعد ما فك الفتيس و كشف على العربيه لقى انه فى كسر فى البلوك و ملحومه بس مش لحام كويس فده اللى كان بيسبب مشاكل و بيعمل الصوت !! هل الكلام ده صحيح و قالى هيغير البلوك استيراد ب 2000جنيه ؟ارجكوكم افيدونى بسرعه فى الموضوع ده..

**Ahmed Hassan** · 30-09-2009 06:01 AM

مممممم.... مهو البلوك مش هتلاقيه غير استيراد و ان كنت اعتقد تمنه ممكن يكون اكتر من كده... بس يعني ايه بلوك مكسور و ملحوم لحام مش كويس!! و ازاي بيعمل صوت! طيب ما تكشف في التوكيل احسن

**okacha** · 30-09-2009 06:24 AM

منا كشفت فى المركز بتاع مسيتسوبيشى سيرفيس بنفس اجهزة التوكيل و بعدين العربيه كانت عامله حادثه و مغيرلها فتيس و بعد ما العربيه اتصلحت بدأ الصوت بتاع التكتكه ده يظهر كذا مرة و العربيه فيها رجه فى الدركسيون اول ما ادور,ودتها ليمكانيكى قالى صاجه فتيس رحت اشتريته 3 مرات و فى كل مرة العربيه تبقى سليمه لمده اسبوع و يرجع تانى الصوت .اخر مرة رحت المركز ده فك الفتيس و كشف عليه قالى سليم بس البلوك مكسور و ملحوم و فى فرق كام سنتى مش عارف و لازم اغير البلوك .و خايف بعد ده كله العربيه تفضل زى ما هيا..

**Ahmed Hassan** · 30-09-2009 02:07 PM

المشاركة الأصلية كتبت بواسطة okacha

منا كشفت فى المركز بتاع مسيتسوبيشى سيرفيس بنفس اجهزة التوكيل و بعدين العربيه كانت عامله حادثه و مغيرلها فتيس و بعد ما العربيه اتصلحت بدأ الصوت بتاع التكتكه ده يظهر كذا مرة و العربيه فيها رجه فى الدركسيون اول ما ادور,ودتها ليمكانيكى قالى صاجه فتيس رحت اشتريته 3 مرات و فى كل مرة العربيه تبقى سليمه لمده اسبوع و يرجع تانى الصوت .اخر مرة رحت المركز ده فك الفتيس و كشف عليه قالى سليم بس البلوك مكسور و ملحوم و فى فرق كام سنتى مش عارف و لازم اغير البلوك .و خايف بعد ده كله العربيه تفضل زى ما هيا..

كده الصوره اتضحت شويه... يعني حضرتك عارف ان البلوك ملحوم. عموما كده ممكن يكون الكلام صح

**HeMa_LanCeR** · 30-09-2009 03:09 PM

طيب شوف البلوك فاضي بكام بالظبط
والبلوك مليان بكام بالظبط
والقصد انك تدخل موتورك في التاني وده للسبب الأتي
ان البلوك بتاعك يحتوي علي البساتم والشمايز والكرنك وكل ده مطبع علي البلوك عندك
ولو انت روحت جبت بلوك جديد يبقي هتركب القديم عليه وطبعا استحاله يطبع فا حضرتك هتضطر تعمل طقم شمبر علشان يبقي في نفس القوه
يبقي الاحسن تجيب القديم كامل وتبيع القديم
شوف الموضوع ده هيكون احسنلك بكتير
وياريت تتابعنا بالأسعار علشان نعرف الفرق لو مش كبير يبقي اشتري دماغك
وخلي بالك انك باردو ممكن توفر حاجات يعني ماتشتريش الموتور الجديد بالوش ممكن تركب الوش اللي عندك لو ده هيفرق معاك فلوس

**محمد أنور** · 30-09-2009 07:47 PM

انا كان عندي برضه صوت التكتكة ده في الماتور نزلت الحرفيين ميكانيكي قالي الماتور ده عاوز بلوك (زي ما قالو لحضرتك ) و المشكلة اللي واجهتني ان بلوك ماتور ال1600 نادر جدا استيراد .. لأن كل العربيات اللي بتيجي استيراد معظمها 2000 سي سي .. و فكرت اني اغير الماتور كامل باني ادخل ال 1600 بتاعي في ماتور 2000 سي سي لقيت الفرق هيبقى حوالي 2000 جنيه .. اخر ما زهقت رحت مغير للماتور سبايك و الحمد لله الصوت راح بس الميكانيكي بيقلي مش هتقعد كتير و تلاقي الصوت رجع تاني ... لأن كدة كأننا عملنا عمرة للماتور و بيقلي ان المواتير الانجيكشن مبينفعش فيها عمرات :(

الموضوع: استفسار عاجل بكام بلوك موتور لانسر 1600

LinkBack

أدوات الموضوع

عرض

-

-

-

-

-

المواضيع المتشابهه

إستفسار بسيط : مالفرق بين لانسر 2006 موتور 1600 ولانسر 2008 موتور 1600 في السحب

أستفتار عن موتور لانسر 2007 ياريت الخبرا يفيدونا 1600 ولا 1300

أرغب فى تسقيط موتور 1600 cc إجكشن فى لانسر كرستالة

عفشه لانسر 1600 كامله بكام ومنين ياجماعة

استفسار عن موتور تمبرا 1400 او 1600

الكلمات الدلالية لهذا الموضوع

المفضلات

المفضلات

ضوابط المشاركة