مازدا 323 .. فيات 131 .. بيجو 504 ... انا احترت ادخل وقول لى رأيك ضرورى

**husseinoo** · 29-09-2009 02:31 AM

اللهم صل على محمد وعلى آله وصحبه أجمعين
نزلت سوق السيارات وجدت التالى

وكل الكلام بيدور على 22000 الف مثل الصورة السابقة ده للمازدا 323 موديل 1982 وحالتهم مثل الصورة

يا اخونا معروض على سيارة مازدا هاتشباك 323 1982
وصاحبها طالب 16000 من الآخر

ولما قلت له محتاجة مصاريف كام بعد الشراء
قال: الكاوتش حالته 60%
ولو صرفت عليها حوالى 1700 جنيه "دهان" على سبيل المثال هاتبقى معاك عروسة

بصراحة السعر مناسب لى جدا خصوصا ان عارف انه لازم يكون معايا فلوس بعد الشراء عشان لو ظهرت اى مصاريف فيها

لكن البعض رشح لى فيات 131 فى حدود 21000
على اساس انها شعبية وقطع غيارها رخيصة ومتوفرة موديل 1982 او 78

وكمان البعض قال زود شوية وهات بيجو 504 موديل 1978 فى حدود
25000 الف جنيه
على اساس انها قوية واعتمادية واللى هايتصرف فيها بيبان عليها وكل الميكانيكية بيفهموا فيها

لكن موش عارف استهلاكه البنزين للبيجو 504 داخل المدينة كام لتر لكل 100 كيلوا
على الطريق السريع احد اصدقاء البيجو قال كل 100 كيلوا تحتاج حوالى 10 او 11 لتر

وبناء عليه انا فى حيرة من امرى خصوصا ان دى اول عربية اركبها

احب اسمع راى اصدقاء المازدا بصراحة
مازدا 323 موديل 1982
مازدا هاتشباك

فيات 131

بيجو 504 موديل 78

على فكرة انا عرضت نفس الموضوع تقريبا على اصدقاء الفولكس واصدقاء البيجو ولم يتبقى غير اصدقاء المازدا "لأن هى دى السيارات التى اثق فيها" فى حالة شراء سيارة مستعملة

علما انى موش هامشى بيها كثير فقط المشاوير المهمة فى اى حالة من الاحوال لن تزيد مشاويرى "متوسطهاعن 20 كيلوا يوميا" ده بالكتير قوى

مع اطيب التمنيات
اخوكم حسين غزالة

**M.FOUAD** · 29-09-2009 02:50 AM

ممكن تفكر في الادا موديل 95 في رانج الفلوس اللي معاك و موديل اعلى و بينزل منها زيرو لحد النهاردة فمفيش خوف من قطع الغيار زي في المازدا او في 504
على فكرة 504 مكلفة شوية في البنزين

**x_gomgom** · 29-09-2009 03:43 AM

شوف من واقع تجربتي مع الادا و الفيات و الدفع الخلفي و قرف الفتيس و الكرونه خليك في المازدا انعم و قطع الغيار متوفره و عربيه اثبتت جداره و الصراحه و عن تجربه 4 شهور يعتمد عليها جدا و مصاريفها قليله...
خليك بالفعل في المازدا الزرقا النبيتي دي شكلها ميطمنش..
يا رب اكون افدت

**mazda323** · 30-09-2009 02:15 PM

اخي الكريم المازدا أفضل من كل اللى كتبته ناعنة مريحة أعطالها قليلة قطعها متوفرة مش معقدة في الميكانيكا بتاعتها انا معايا 323 موديل 1992 ولا أريح ولا أنعم من كدة راحة قوة اعتمادية خليك في المازدا وتقبل مرورى تامر عاشق المازدا

**husseinoo** · 30-09-2009 03:02 PM

هل يوجد فرق بين المازدا السيدان والهاتشباك

بالنسبة للسيارات التى سبق وتم عمل لها عمرة اكثر من مرة هل يوجد مشكلة فى عمل العمرة مرة اخرى لو احتاج الامر لا قدر الله
لانى اسمع كلام عن "الماتور له كام خرطة" ولا يصلح بعد ذلك حسب فهمى والله اعلم

اذا اشتريت مازدا فى حدود 21000 ... المفروض حالة العربية تكون كام % .. يعنى كفاء الموتور تكون كام فى % والنسبة دى تمشينى اد ايه قبل ما افكر انى اعمل عمرة للماتور لا قدر الله

مع اطيب التمنيات
اخوكم حسين غزالة

**husseinoo** · 30-09-2009 07:48 PM

" طيب حضرتك لما بعتها كانت فى الحالة دى كفاءة الموتور كام % والعفشة كانت كام % "كانت محتاجة ايه بالضبط يعنى المصاريف المطلوب كانت كام وهاتصرف على ايه بالضبط" عشان ترجع معقولة
وكمان كان اول كلامك مطلوب فيها كام ... ولا حضرتك طلبت من الآخر 17000 الف

هو فعلا السيارة الزرقاء افضلهم شكلا
لكن هاقول لك حاجة ظريفة
برغم انى ساكن فى مصر الجديدة وبينى وبين السوق 10 دقائق بالمواصلات إلا انى عمرى ما رحت هناك
قلت لنفسى طيب روح صلى الجمعة هناك واتفرج بالمرة
اول ما نزلت وقربت من السيارة مافيش ثوانى ... ولاقيت اثنين بجوارى واحد لابس عادى والثانى شكله ميكانيكى ... وبعدين الاول يقول للميكانيكى شوف كده العربية دى
الميكانيكى ينزل تحت العربية ويفضل يبص عليها من تحت
ويقول "دى باين عليها واقفة على حيلها"

المهم فى احد المشاركات لاحد الاصدقاء الاعزاء قال:
احترس من الافلام اللى بتتعمل فى السوق
واحد يعمل زبون وانه بيتفرج على السيارة وهو اصلا تاجر وعايز يشجعك انك تشترى وانت مطمئن

افتكرت صاحبنا واعتقد ان كلامه كان صح والله اعلم

سؤال: عند الكشف على المازدا لازم يكون معاك ميكانيكى مازدا ولا ينفع اى ميكانيكى
ده طبعا بعد رفعها فى البنزينة وعمل الكشف على كفاءة الموتور
هل هاحتاج ميكانيكى واخصائى عفشة
يعنى لازم الاثنين يكونوا تخصص مازدا "اكيد العملية دى تكون صعبة شوية"

مع اطيب التمنيات
اخوكم حسين غزالة

**husseinoo** · 30-09-2009 08:02 PM

السلام عليكم ورحمة الله وبركاته

بص وشوف الفيات 131 برده "سيارة مفترية"
[youtube]http://www.youtube.com/watch?v=3EqCvipw9iw[/youtube]

ودى حاجة فرفشة للفيات عشان ما نملش
[youtube]http://www.youtube.com/watch?v=OpKJBrf9ors&feature=related[/youtube]