اشكركم جدا على مساعدتكم وان شاء الله نكون بروتوناوية قريبا جدا...
عرض للطباعة
اشكركم جدا على مساعدتكم وان شاء الله نكون بروتوناوية قريبا جدا...
بص ياباشا انا رايي لو الانوس شغاله معاك حلو متبعهاش انما لو بتعطل كتير او مش مريحاك بيعها واشترى حاجه تانيه بس انا من اللى فهمتوا من حضرتك انكمحافظ على عربيتك فيبقى حرام عربيه لسه حالتها حلوه وتبيعها وتخسر فيها خصوصا ان محدش هيقدر عربيتك الا انتا ولا حد هيحس انها متحافظ عليها ومش متهانه الا انتا
بس لو حضرتك خلاص نويت تغير فانا هرشحلك 3 عربيات تختار منهم التويوتا الياريس والبروتون (جين2 او برسونا) حسب احتياجاتك وزوقك والبريليانس frv هى حلوه وتمام بس مشكلتها انها صينى فعشان كده انا مش من انصارها بس ده ميمنعش انها كويسه جداااا
وبالنسبه لحكايه الميه الف جنيه فانا اعتقد ان لو دفعت اكتر من كده يبقى تمن مبالغ فيه الا لو كنت حضرتك الحمد لله ربنا فاتحها عليك وربنا يزيدك طبعا فدى حاجه تانيه
وربنا يوفقك يارب للى فيه خير ومصلحه ليك
جين2 و مش هتندم باذن الله و في انتظار انضمامك لنادي بروتون
شكرا يا جماعة على المعلومات والحفاوة الجميلة....
في الحقيقة موضوع حالة العربية مخلي الواحد متردد لان فعلا العربية الدايو ما فيس فيها مشاكل معايا خالص غير القطع العادية اتي يتم تغييرها في الصيانة الدورية او قطع انتهى عمرها الافتراضي مثل التيل والكاوتس والطنابير خصوصا اننا قربنا من حاجز الـ 100 الف كيلو
فان شاء الله لو قررنا البيع سوف نتجه إلى البروتون لاني معجب بها بصراحة وكفاية حفاوتكم واهتمامك بالمساعدة
اراكم على خير
إستخير يا باشا الأول قبل ما تنوى على فعل أى حجة
وربنا يهديك للخير إن شاء الله
ما شاء الله أيمن رد الرد التمام و الأخوة الكرام ردوا ردود في الجون ......
لو العربية اللانوس مريحاك .......... خليها و أستمتع بها لغاية ما تجيب أخرها و بعدين بعها ...
لو اللانوس كويسة ...... و أنت غاوي الجين 2 ......... و فرق الفلوس مش هارعملك معضلة .......... هات الجين 2 و اتكل على الله .
العربية فيها كافة المواصفات اللي أنت محتاجها .
ثبات عالي جدا جدا ( بعد تجربة عربيات أغلى منها و كنت فاكرهم ثابتين )
كماليات كتيرة .
شكل رياضي ثوري بحت .
و موتورها كويس جدا و حلو و زي مواتير حلوة كتيرة في السوق من فئة 1600 .
ربنا ييسر الحال لك و لنا إن شاء الله .
بص ياباشا لو انت من هواة الفخامة سواء في الشكل الداخلي او الخارجي وبرده الامكانيات الكتير والثبات العالي والوسع الداخلي
يبقى عليك وعلى الواجا
ولو انت من هواة التصميمات الشبابية وبرده ثبات عالي وامكانيات كتير
يبقى عليك وعلى الجين 2 او البرسونا
وان شاء الله ربنا يهديك للاختيار الصحيح بعد صلاة الاستخارة
(ان شاء الله)
ايمون قام بالواجب ... :vctry: صدقنى رجلى مرزبه بس بعقل والحمدلله ... :36_7_7[1]: عربيات اعتماديه استخير ربنا واتوكل عليه ...ان شاء الله نبارك لك قريب :M_yes[1]:
ربنا يوفق
اشكركم جميعا على ردودكم وحفاوتكم الكبيرة وكل سنة وانتم طيبين بمناسبة رمضان وان شاء الله نويت خلاص على gen 2 بس مستنى 2011 وربنا يستر والاسعار ما تزيدش عن كده لانه كده حرام وكمان اتمنى الشكل الجديد ينزل ولو ما نزلش هجيبها برده ان شاء الله
اشكركم مرة اخرى