نوروا القلعة ...يا فرحتي

عرض للطباعة

29-09-2009, 11:26 AM
mohamed hatem

نوروا القلعة ...يا فرحتي

صرح زاهي بيه حواس انه تم صرف مبلغ 47 مليون جنيه لانارة القلعة ......

تخيلوا معايا ال 47 مليون جنيه يعملوا ايه :
- ممكن يوفروا 23,500,000 جهاز كمبيوتر وممكن يكون لابتوب كمان عشان ينوروا عقول الطلبة في التعليم العادي و العالي (مجال عملي فعشان كده حسبتها)
- ممكن يينورا كام قرية من الريف المصري الغلبان
- ممكن ينورا حياة كام نابغة من نوابغ البحث العلمي في مصر ....وحياة البلد معاهم طبعا
- ممكن ينورا كام مستشفى من المستشفيات العامة اللي ضربها الوبا
- ممكن وممكن وممكن ..............

إظاهر ان زاهي بيه حواس ما شافش الاعلان بتاع احسبها صح تعشها صح بتاع الاستاذ حسين الغلبان اللي جاب لمبة موفرة عشان يوفر 2 جنيه في الفاتورة

ويصرح ويقول البيه اصلي من زمان كان نفسي اعدي تحت القلعة اللاقيها منورة ....
و اللي يغيظ ان الفلوس دي راحت لشركة اجنبيه عالمية ....يعني طلعت بره مصر ...
مش عارف اقول غير حسبي الله ونعم الوكيل....ومش قادر اكمل كلام انا زهقت فعلا كفاية كده

يلا سلام
29-09-2009, 11:35 AM
karaktar

وطلعت يامحلى نورها زاهى حووسا
حسبى الله ونعم الوكيل
( وما ربك بغافل عما يعمل الظالمون )
29-09-2009, 11:43 AM
mohamed hatem

سوري هما 23500 جهاز كمبيوتر بس .....عذرا للخطأ
29-09-2009, 11:54 AM
ahmed4000

لو حتزود ايراد القلعة يبقى ليه لا

خلى بالك ناس كتير شافوها منورة باليل وعايزين يروحوها

هو بيستخدم لمبات موفرة للطاقة
29-09-2009, 12:02 PM
Terrible_DaRsH

و فاروق حسنى واخد 200 مليون دولار هو كمان

يعنى الناس دى هما و غيرهم لو اتقوا ربنا شوية و اهتموا بالبلد اللى هما موظفين فيها مش ملاكها والله كان زماننا فى الكام السنة اللى فاتت حالنا اتعدل .

الفلوس دى كلها ممكن تخلص شباب مصر من البطالة والله

و ممكن تنظف شوارع القاهرة و البلد كلها و تبقي بلدنا نظيفة نوعا ما

و ممكن يزودوا مرتبات الناس التعبانة اللى بقت تسرق من غير ما تحس .

بس 47 مليون علشان شوية نور !!

ده و انا معدى من هناك يا دوب بشوف اضائة خفيفة و فى خان الخليلى كمان .
29-09-2009, 12:55 PM
mohamed hatem

لو حتزود ايراد القلعة يبقى ليه لا

خلى بالك ناس كتير شافوها منورة باليل وعايزين يروحوها

هو بيستخدم لمبات موفرة للطاقة

حضرتك حتى لو لمبة واحده .....في ناس محتاجه تمنها ......وايراد القلعة مفروض عشان التنمية

--------------------------------------------------
برجاء عدم الكتابة بالأحمر حيث أنه مخصص للمداخلات الإدارية

مشرف الاجتماعي
29-09-2009, 01:20 PM
أبو إياد

ده بيشوفوا رد الفعل علشان لما يعملوا اضاءه للاهرامات وتوصل لـ40مليار محدش يستغرب
29-09-2009, 02:47 PM
ahmed4000

اقتباس:

المشاركة الأصلية كتبت بواسطة mohamed hatem

لو حتزود ايراد القلعة يبقى ليه لا

خلى بالك ناس كتير شافوها منورة باليل وعايزين يروحوها

هو بيستخدم لمبات موفرة للطاقة

حضرتك حتى لو لمبة واحده .....في ناس محتاجه تمنها ......وايراد القلعة مفروض عشان التنمية

يعنى ايه التنمية؟
انا اللى كنت بقوله انى لو كده بحسن شكل القلعة وحخلى ناس تيجى تزورها واحقق ايراد اعلى يبقى دى حاجة بتجيب فلوس مش بتهدر فلوس

هو مش المفروض اللى بيدير اى كيان زى القلعة والهرم وخلافه يسعى لتعظيم الايراد وبالتالى لو حيصرف مليار حتى وحيبجلوا مكسب يبقى اهلا وسهلا
29-09-2009, 03:27 PM
AhmedGen2

انارة القلعة ب 47 مليون؟ ليه؟ ازاى أعمل انارة للقلعة بالمبلغ دة كله؟.
29-09-2009, 03:54 PM
mohamed hatem

اقتباس:

المشاركة الأصلية كتبت بواسطة ahmed4000

يعنى ايه التنمية؟
انا اللى كنت بقوله انى لو كده بحسن شكل القلعة وحخلى ناس تيجى تزورها واحقق ايراد اعلى يبقى دى حاجة بتجيب فلوس مش بتهدر فلوس

هو مش المفروض اللى بيدير اى كيان زى القلعة والهرم وخلافه يسعى لتعظيم الايراد وبالتالى لو حيصرف مليار حتى وحيبجلوا مكسب يبقى اهلا وسهلا

التنمية حضرتك هيا الشوارع و المستشفيات و التعليم و التطوير ....ميبقاش الشارع اللي ورا القلعه مكسر ومافيش مستوصف علاجي محترم للمساكن ورا القلعه والناس اللي فيها ....واروح اصرف الملايين دي عشان مستني الوفات زياده ....اشبع الناس واريحهم وبعدين اصرف على كماليات التنمية
29-09-2009, 04:03 PM
M.almaghraby

47 مليون!!!

ليه يا عم هوا نورها زينون فيليبس!!!!!!!
29-09-2009, 05:00 PM
Migo123

الرقم اكيد غلط
لان الانارة دي ما تتكلفش اكتر من 47 الف و بالاكراميه بتاعت الرجاله كمان
29-09-2009, 05:28 PM
Migo123

الخبر الاصلي و واضح الاختزال في النقل كان جامد شويتين

يفتتح زاهي حواس أمين عام المجلس الأعلي للآثار يوم 17 سبتمبر الجاري المرحلة الأولي من مشروع تطوير قلعة صلاح الدين الأيوبي وافتتاح منزل علي لبيب ومسجد الإمام الليث بن سعد ومسجد الست مسكة . صرح بذلك اللواء علي هلال وكيل أول وزارة الثقافة ورئيس قطاع المشروعات بالمجلس الأعلي للآثار، وقال هلال: إن مشروع إنارة القلعة يشمل إنارة جمالية للأسوار يقوم بها الصوت والضوء بالإضافة لترميم بئر يوسف وإضاءة الساحة والمساجد والمتاحف بالقلعة..
وذلك بتكلفة إجمالية بلغت حوالي 47 مليون جنيه، كما يفتتح د.زاهي حواس مسجد الست مسكة بعد ترميمه وكان المسجد قد تعرض لعدد من العوامل التي غيرت من معالمه ومنها هبوط الأرضيات بسبب زلزال عام 1992 بالإضافة لارتفاع منسوب المياه الجوفية لحوالي نصف متر أعلي أرضية المسجد وقد قام قطاع المشروعات بتكليف من الأمين العام للمجلس الأعلي للآثار بعمل مشروع لترميم وتطوير المسجد بداية من صلب المسجد لتأمينه ضد الانهيار بالإضافة لخفض منسوب المياه الجوفية والترميم الإنشائي للحوائط الحاملة والأعمدة الرخامية وتغيير المتهالك منها وحقن أساس المسجد بالكامل وتطوير دورات المياه وعمل سقف خشبي تخفيف للمسجد بالكامل للحفاظ علي السقف المزخرف أسفله وعمل شبكة إنذار ضد الحريق، وإعادة ترميم المئذنة والشبابيك الجصية والمقرنصات والقبة الضريحية والتركيبة الرخامية.
ويفتتح د.حواس مسجد الإمام الليث والذي يعتبر من أكبر مشاكله أنه مبني علي المقابر الصغري وكل الحوائط والمقابر بها مياه جوفية بعمق حوالي 2 متر مما جعل الجامع معرض للانهيار لتعلق أساساته بالمياه مما جعل المجلس الاعلي للآثار يصلب الجامع لتأمينه ويعد مشروع لترميمه وتدعيم أساساته والتدعيم الإنشائي للحوائط وإعادة العناصر الأثرية المندثرة وترميم التركيبة الخشبية للمسجد وللمنبر وتطوير دورات المياه وقاعة المناسبات الخاصة بالمسجد وتطوير شبكة الكهرباء بأخري حديثة.
كما يفتتح د.حواس منزل علي لبيب بعد ترميمه وإرجاع جميع عناصر المنزل إلي حالتها الأثرية طبقا للتوثيق الأثري وتم عمل شبكة إنذار ضد مخاطر الحريق وشبكة إنارة كاملة للمنزل بما يتمشي مع الطابع الأثري وترميم دورات المياه
29-09-2009, 05:42 PM
ams

اقتباس:

المشاركة الأصلية كتبت بواسطة ahmed4000

يعنى ايه التنمية؟
انا اللى كنت بقوله انى لو كده بحسن شكل القلعة وحخلى ناس تيجى تزورها واحقق ايراد اعلى يبقى دى حاجة بتجيب فلوس مش بتهدر فلوس

هو مش المفروض اللى بيدير اى كيان زى القلعة والهرم وخلافه يسعى لتعظيم الايراد وبالتالى لو حيصرف مليار حتى وحيبجلوا مكسب يبقى اهلا وسهلا

و انا اؤيد هذا الرأى
مش مهم حجم الاستثمار طالما ان العائد محسوب و هيغطى
زى جزيرة النخله فى دبى كده كلف زى ما انت عاوز المهم الربح يغطى و يزيد

بس هى الناس بتبقى قلقانه-ومعاها حق-لان الفكرده و التخطيط ده بعافيه شوية عندنا و مفيش عقاب لو الامور ساءت زى مشروع توشكى كده
فبيقولو وفرو احسن احنا محتاجين بدل ما تصرفو و تخسرو
29-09-2009, 05:50 PM
HeMa_LanCeR

اقتباس:

المشاركة الأصلية كتبت بواسطة ams

و انا اؤيد هذا الرأى
مش مهم حجم الاستثمار طالما ان العائد محسوب و هيغطى
زى جزيرة النخله فى دبى كده كلف زى ما انت عاوز المهم الربح يغطى و يزيد

بس هى الناس بتبقى قلقانه-ومعاها حق-لان الفكرده و التخطيط ده بعافيه شوية عندنا و مفيش عقاب لو الامور ساءت زى مشروع توشكى كده
فبيقولو وفرو احسن احنا محتاجين بدل ما تصرفو و تخسرو

كلام سليم
بس للأسف في مصر مافيش حاجه بتحصل بتخطيط
عمري ما شفت مشروع اتعمل واتخطط صح غير لما تلاقيه شركه اجنبيه
وبعدين صفوا علي نور القلعه مليون ولا اتنين ولا مليار
يعني هما لو مصرفوش احنا اصلا هنشوف الفلوس دي
البلد فيها كميه فلوس رهيبه بس للأسف مش لينا بتروح لحاميها :36_1_31:
29-09-2009, 06:04 PM
ainshouka

اقتباس:

المشاركة الأصلية كتبت بواسطة ahmedgen2

انارة القلعة ب 47 مليون؟ ليه؟ ازاى أعمل انارة للقلعة بالمبلغ دة كله؟.

تعالى نحسبها مع بعض:3_3_102[1]::3_3_102[1]::3_3_102[1]::3_3_102[1]:
-5 مليون لزوم فك اللمض القديمة والمحروقة
-5 مليون لزوم شراء لمض جديدة
-5 مليون لزوم اسلاك كهربائية 2 مللى و3 مللى
-5 مليون لزوم وسائل النقل اللى حتشيل اللمض دى
-5 مليون مصاريف البعثة اللى حتسافر عشان تشوف اجود انواع اللمض
-5 مليون لزوم اكل وشرب البعثة اللى حتسافر عشان تشوف اجود انواع اللمض
-5 مليون لزوم الدخان اللى حتشربه البعثة مع الاكل والشرب اللى حتسافر عشان تشوف اجود انواع اللمض
-5 مليون لزوم البعثة اللى حتشترى اللمض ( خلى بالك البعثة الاولانية دى عشان حتشوف اللمض من تشترى)
-2.5 مليون اجرة العمال اللى حيفكوا اللمض المحروقة
-2.5 مليون اجرة العمال اللى حيركبوا اللمض السليمة
-2 مليون مصاريف ادارية

بس كده بدون ادنى تبذير وكل قرش رايح لمكانه الصحيح

ياسلام عليك يانجيب ياريحانى من ايام العشرينيات من القرن الماضى وحتى الان واحنا لسه بنطبق الموضوع دا بحذافيره
29-09-2009, 06:11 PM
Terrible_DaRsH

هو الناس اللى مؤيدة الحكاية دى بتاخد حاجة من العائد و احنا منعرفش ؟
29-09-2009, 06:15 PM
Migo123

لسه الناس بترد من غير ما تقرا ........... يا جدعان اقروا الخبر صج الاول وبعدين علقو
29-09-2009, 06:20 PM
ahmed4000

اقتباس:

المشاركة الأصلية كتبت بواسطة terrible_darsh

هو الناس اللى مؤيدة الحكاية دى بتاخد حاجة من العائد و احنا منعرفش ؟

هو كل واحد بيعارض الانتقادات اللى مبتبطلش لاى قرار يبقى بيقبض من العائد

واه كلنا بنقبض من العائد..سواء قلنا سرقة فساد مش فساد...فى الاخر حنسفيد من العائد حتى لو قرش زيادة
29-09-2009, 08:16 PM
himatros

تيييييييييييييييييييييييي يييييييييييييت
هو ده اللي اقدر اقوله
29-09-2009, 09:09 PM
icehearted girl

ياجامااااااااااعة انتم ظالمين الراجل وفهمين غلط

ال 47 مليون دول هيديهملي مقابل اني اروح اقعد هناك ساعتين بليل

انور فيهم المكان كله
29-09-2009, 11:32 PM
karaktar

هاقولها تانى من فرستى
حسبى الله ونعم الوكيل
حسبى الله ونعم الوكيل
حسبى الله ونعم الوكيل
ربنا يستر على مصر انا حاسس اننا داخلين فى منعطف خطير جداً البلد حالها باظ الغش والسرقة وقلة الاخلاق واللامبالاه وعدم الزمة والضمير البلد فى حالة فساد تام وانهيار فى كل شئ
( فاكرين زلزال 1992 ) لازم نصحى .
29-09-2009, 11:54 PM
mohamed hatem

اقتباس:

المشاركة الأصلية كتبت بواسطة migo123

لسه الناس بترد من غير ما تقرا ........... يا جدعان اقروا الخبر صج الاول وبعدين علقو

يا استاذي انا قرأت الخبر وفعلا في جزء كبير ممكن يكون راح للترميم والبناء بس ارجع واقولها تاني
اكل شعالب وعالجه وبعدين روح عالج مبانيك الاثرية ....اه صحيح هتجيبلك فلوس بعد الترميم وهاديك مثال : بما اننا في منتدى سيارات:

لو عندك تاكسي والعربية شغاله بس المراية اليمين مكسورة ....وبيتك وعيالك عايزين فلوس ضروري واكل وهدوم وأدوية الخ .....وجاتلك فلوس ...هتعمل ايه ؟؟؟؟؟؟؟؟؟؟ اوعى تقولي هتصلح المراية ؟؟؟؟؟؟؟؟
30-09-2009, 10:09 AM
ahmed4000

اقتباس:

المشاركة الأصلية كتبت بواسطة mohamed hatem

لو عندك تاكسي والعربية شغاله بس المراية اليمين مكسورة ....وبيتك وعيالك عايزين فلوس ضروري واكل وهدوم وأدوية الخ .....وجاتلك فلوس ...هتعمل ايه ؟؟؟؟؟؟؟؟؟؟ اوعى تقولي هتصلح المراية ؟؟؟؟؟؟؟؟

طيب متقول المثال بطريقة تانية وبرده حينفع
لو فى نفس الظروف والتاكسى محتاج بنزين ولا زيت والا مش حيمشى حتعمل ايه؟

لازم نفكر فى الموضوع بطريقة استثمارية والسؤال يبقى هل الفلوس اللى اتصرفت حتجيب عائد اعلى منها ولا لا؟
30-09-2009, 11:42 AM
mohamed hatem

اقتباس:

المشاركة الأصلية كتبت بواسطة ahmed4000

طيب متقول المثال بطريقة تانية وبرده حينفع
لو فى نفس الظروف والتاكسى محتاج بنزين ولا زيت والا مش حيمشى حتعمل ايه؟

لازم نفكر فى الموضوع بطريقة استثمارية والسؤال يبقى هل الفلوس اللى اتصرفت حتجيب عائد اعلى منها ولا لا؟

معاك طبعا في المثل بس بشوية ايضاح ....البنزين هنا ممكن يكون هو المستشفى او المدرسة اللي مفروض تمشي البلد وتساعد على الحفاظ على انسانية الفرد ..فعشان كده هيبقى ضروري ...

لكن المراية ممكن تستخدم المراية التانية اللي معاك لغاية ما ربنا يفرجها ويكون اهلك مش محتاجين حاجه ...
30-09-2009, 12:09 PM
yse

:36_1_1[1]:أنا منكرش أن شكل القلعة بقى حلو بالليل

بس بيتهيألي لو أن المبلغ ده هيروح على إنارة وترميم

أنا موافق ان يروح على الإنارة بس لكن فين ؟؟؟

أولا: كل الطرق السريعة اللي أنوراها مش قد كده
ثانيا: الطرق العادية (اللي جوه البلد مثلا)
ثالثا: محافظات لم يصلها الكهرباء أو بتوصلها مش قد كده

وده طبعا رأيي المتواضــــــع

ممكن تكون في حاجات أهم وانا معرفهاش ده شيء أكيد

وشكــــــــــرا ........:b4_611: