-
عايز رأيكم بسرعة
السلام عليكم
أنا كنت راجع من أسكندرية لطنطا و أنا ماشي على 110 أو 120 فجأة حسيت بحاجة مش طبيعية في العربية و لقيت لمبة الزيت نورت , ركنت على جنب و فتحت الكبوت لقيت خرطوم الفايز بيطلع دخان أبيض مش جامد أوي و بعدين العربية قامت مبطلة كل ما أدورها ألاقي صوتها علي أوي و لمبة الزيت مش بتطفي كان في ناس على جنب الطريق قلولي اتكل على الله و أمشي بيها ما تخفش المهم مشيت بيها بتاع 300 متر لقيت صوت صرخة احتكاك حديد و صوت خبط ركنت العربية ووقفت عربة نقل جرتني لحد طنطا ركنتها عند الميكانيكي لحد ما يفتح لإن الساعة كانت 6 الصبح
الميكانيكي الصبح قالي طرمبة الزيت وقفت و حاجة اسمها السبيكة باظت و الموتور هيخش في نص عمرة ( الموتور معموله شنبر قبل كدة لكن كل حاجة فيه استندارد )
السؤال : أعمل عمرة كاملة بالمرة زي ما الناس بتنصحني و لا أعمل نص عمرة عشان أوفر
العربية 2105 موديل 95
-
السبيكة ديه من اجزاء الكرنك السفلي و اعتقد لما تفتح الموتور هاتلاقي الايجابة لو كان حصل تسليخ في الشمايز او مشكلة في وش السلندر نتيجة للسخونة يبقي بتتكلم في عمرة لكن لو لقيت المشكلة بس ان السبايك الكرنك واحدة منهم اتحرقت او اكتر من واحدة يبقي تخرط الكرنك بس و الصراحة لو تعرف تجيب الحاجات ديه جديدة يبقي افضل
Content Relevant URLs by
vBSEO 3.6.0 PL2