الموضوع: اختار اية علشان تعبت

ان شاء الله هشتري كمان شهرين وبعد مادوخت فى النت كله ولفيت منتدى نيل موتورز كله برضه وجدت ان فى حدود فلوسي ممكن اجيب
1_سوزوكى ماروتى 38الف(شكل مش حلو اوى وصغيره وتابلوه مقرف و800 سي سي يعنى مش بتاعة سفر اخرها 100 بس عربية بقى ليها وزنها فى السوق المصري وقطع غيار رخيصة واستهلاك بنزين قليل واى ميكانيكي يصلحها)
2_سوزوكى التو45الف(شكل افضل بكتيييير من الماروتى وتابلوة نضيييف وشبابي جدا وقابلة للتظبيط وبيتلعب فيها برضة وزيادة 8 حصان عن الماروتى بس سعرها ازيد 7000 جنيه عن الماروتى والفروق فى الشكل وان فيه 8 حصان زيادة وانها انجيكشن مش كاربراتير زى الماروتى ياتري الفروق دى تستاهل 7000 جنيه ؟)
3_ايديا 40 الف(شبابي جدا شكل جميل وكماليات رائعة زى اى عربية صيني يتمناها اى شاب بس محدش يعرف عنها حاجة ولا حتى انا ودورت عليها هنا فى قسم الصيني ومعرفتش اوصلها هى تبع شركة اية اصلا؟؟ ياريت الناس اللى تعرف عنها حاجة تفيدنى لانها لو كويسة هتبقى صفقة رابحه جدا لشاب يهتم بالشكل والكماليات وعايز اعرف نظام قطع الغيار متوفرة ورخيصة ولا اية)
4_لانوس مستعمل 40الف(عربية غنية عن التعريف قطع غيار متواجدة فى كل مكان وبسعر معقول ومتجربة ومفهاش اى مشاكل غير انها استعمال وانا موسوس شوية فى موضوع استعمال دة وكمان فى البيت رافضين الاستعمال خالص لكن انا لسه حاطه فى اختياراتى لو يأست من ال 3 اختيارات اللى فاتوا)
اتمنى تقولولي رأيكوا بالتفصيل مش مجرد (خد اللانوس) وبسمع مراعاة انى شاب 21 سنة اسكندرانى واكيد هظبط فى العربية بعد ماجيبها كاوتش وجنوط وكاسيت سي دي وسماعات وكده وفى الغالب معايا صحابي يعنى مش استعمال عائلي اوى ومش هقدر اغيرها بعد فترة قريبة طبعا لانى هبدأ اكون نفسي ومش هفكر اغيرها قبل مدة طويلة.

ابعد عن الصيني وريح بالك
اللانوس اعتقد هتكون افضل اختيار
بس دور علي حالة نظيفة