امبارح كنت فى مكتب التنسيق بسأل على التحويلات علشان جالى معهد هندسه فى الجيزه
وانا عايز احول فنون تطبيقيه 6 اكتوبر
قالولى المكتب غير مختص بالتحويلات خد جواب الترشيح بتاعك واطلع على المعهد اللى انت عايز تحول له واديلهم جواب الترشيح و50 جنيه وهما هيبعتوا يجيبوا ورقك من المعهد التانى ويحولولك
قلت خير الواحد مصاب فى رجله اصلا وبمشى بعكز
روحت انهارده المعهد فى اكتوبر وقولتهم اللى قالهولى مكتب التنسيق قالولى لا انت بتختم الجواب من عندهم
وواحده موظفه هناك قالتلى ثوانى وخرجت من الاوضه وجت تانى بتقولى انت لازم تختم الجواب من مكتب التنسيق وبعدين تيجى نعملك التحويل
وبعديييين صبرنى يارب
طيب
رجعت مكتب التنسيق وبقول لواحد لو سمحت جواب الترشيح ده بيتختم منين
لقيته بيقولى ايه ايه جواب ترشيح ايه اللى بيتختم وكأنى شتمته وبهدلته وطلع فيا
المهم قولتله اهدا اهدا واقعد ورحت سايبه ورحت لواحد تانى نفس القصه كله مذهول قوى
حاسس انى بسألهم على مخدرات ولا بشتمهم
وكانت ردودهم مافيش ختم ليه
ده مابيتختمش وكده
قمت راكب مروح على البيت اسألكم اروح بكره اتخانق مع مين
المكتب ولا المعهد؟؟؟